完整藏文原文 · 德格版页 当前仅加载第 47 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། འཇམ་དཔལ་གང་གི་ཚེ་བྱང་ཆུབ་སེམས་དཔའ་ཟད་པའི་ཕྱིར་རློམ་སེམས་སུ་མི་བྱེད་ཅིང་མ་ཟད་པའི་ཕྱིར་ཡང་མ་ཡིན། སྐྱེ་བའི་ཕྱིར་ཡང་མ་ཡིན། མི་སྐྱེ་བའི་ཕྱིར་ཡང་མ་ཡིན། གཏན་ཟད་པ་ཟད་པར་བྱ་བའི་ཕྱིར་ཡང་མ་ཡིན། གཏན་མི་སྐྱེ་བ་རྣམ་པར་འཁྲུགས་པར་ཡང་མི་བྱེད་པ་དེ་ལྟར་སྤྱོད་
D100.047.0298b01.01ན། འཇམ་དཔལ་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ཡིན་ནོ། །འཇམ་དཔལ་གཞན་ཡང་བྱང་ཆུབ་སེམས་དཔའ་འདས་པའི་སེམས་ལ་ཟད་པ་ཞེས་བྱ་བར་མི་སྤྱོད། མ་འོངས་པའི་སེམས་ལ་མ་ཐོབ་པ་ཞེས་བྱ་བར་མི་སྤྱོད། ད་ལྟར་བྱུང་བའི་སེམས་ལ་ཡོད་ཅེས་བྱ་བར་མི་སྤྱོད་
D100.047.0298b02.01ཅིང་འདས་པ་དང་མ་འོངས་པ་དང་། ད་ལྟར་བྱུང་བའི་སེམས་ལ་ཆགས་པར་མི་འགྱུར་བ་དེ་ལྟར་སྤྱོད་ན། འཇམ་དཔལ་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ཡིན་ནོ། །འཇམ་དཔལ་གཞན་ཡང་བྱང་ཆུབ་སེམས་དཔའ་སྦྱིན་པ་དང་། བྱང་ཆུབ་དང་། སེམས་ཅན་རྣམས་དང་། དེ་བཞིན་
D100.047.0298b03.01གཤེགས་པ་དེ་ལ་གཉིས་སུ་མེད་དེ། གཉིས་སུ་བྱར་མེད་པ་དེ་ལྟར་སྤྱོད་ན་བྱང་ཆུབ་སེམས་དཔའི་སྤྱད་པ་སྤྱོད་པ་ཡིན་ནོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཚུལ་ཁྲིམས་དང་། བྱང་ཆུབ་དང་། སེམས་ཅན་རྣམས་དང་། དེ་བཞིན་གཤེགས་པ་དེ་ལ་གཉིས་སུ་མེད་དེ་གཉིས་སུ་བྱར་མེད་པ་དེ་ལྟར་སྤྱོད་ན་
D100.047.0298b04.01བྱང་ཆུབ་སེམས་དཔའི་སྤྱད་པ་སྤྱོད་པ་ཡིན་ནོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་བཟོད་པ་དང་། བྱང་ཆུབ་དང་། སེམས་ཅན་རྣམས་དང་། དེ་བཞིན་གཤེགས་པ་དང་། བརྩོན་འགྲུས་དང་བྱང་ཆུབ་དང་། སེམས་ཅན་རྣམས་དང་། དེ་བཞིན་གཤེགས་པ་དང་། བསམ་གཏན་དང་།
D100.047.0298b05.01བྱང་ཆུབ་དང་། སེམས་ཅན་རྣམས་དང་། དེ་བཞིན་གཤེགས་པ་དང་། དེ་བཞིན་དུ་ཤེས་རབ་དང་། བྱང་ཆུབ་དང་། སེམས་ཅན་རྣམས་དང་། དེ་བཞིན་གཤེགས་པ་དེ་ལ་གཉིས་སུ་མེད་དེ་གཉིས་སུ་དབྱེར་མེད་པ་དེ་ལྟར་སྤྱོད་ན། བྱང་ཆུབ་སེམས་དཔའི་སྤྱད་པ་ལ་སྤྱོད་པ་ཡིན་ནོ། །འཇམ་དཔལ་གལ་ཏེ་བྱང་ཆུབ་
D100.047.0298b06.01སེམས་དཔའ་གཟུགས་སྟོང་ཞེས་བྱ་བར་མི་སྤྱོད། མི་སྟོང་ཞེས་བྱ་བར་མི་སྤྱོད་པ་དེ་ལྟར་སྤྱོད་ན། འཇམ་དཔལ་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་ལ་སྤྱོད་པ་ཡིན་ནོ། །དེ་ཅིའི་ཕྱིར་ཞེ་ན། འཇམ་དཔལ་གཟུགས་ནི་གཟུགས་ཀྱི་ངོ་བོ་ཉིད་ཀྱིས་སྟོང་པའི་ཕྱིར་རོ། །འཇམ་དཔལ་དེ་བཞིན་དུ་གལ་
D100.047.0298b07.01