完整藏文原文 · 德格版页 当前仅加载第 47 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་གང་ཡིན་པ་དེ་ནི་འོང་བ་མེད་པ་དེ་བཞིན་ཉིད་དོ། །འོང་བ་མེད་པ་དེ་བཞིན་ཉིད་གང་ཡིན་པ་དེ་ནི་འགྲོ་བ་མེད་པ་དེ་བཞིན་ཉིད་དོ། །འགྲོ་བ་མེད་པ་དེ་བཞིན་ཉིད་གང་ཡིན་པ་དེ་ནི་ཇི་ལྟ་བ་བཞིན་དེ་བཞིན་ཉིད་དོ། །ཇི་ལྟ་བ་བཞིན་དེ་བཞིན་ཉིད་གང་ཡིན་པ་དེ་ནི་ནམ་ཡང་དེ་བཞིན་ཉིད་མ་ཡིན་པ་མ་ཡིན་
D100.047.0291a01.01ནོ། །ནམ་ཡང་དེ་བཞིན་ཉིད་མ་ཡིན་པ་མ་ཡིན་པ་གང་ཡིན་པ་དེ་ནི་ཀུན་ནས་ཉོན་མོངས་པར་མི་འགྱུར། རྣམ་པར་བྱང་བར་མི་འགྱུར་རོ། །གང་ཀུན་ནས་ཉོན་མོངས་པར་མི་འགྱུར། རྣམ་པར་བྱང་བར་མི་འགྱུར་བ་དེ་ནི་སྐྱེ་བར་མི་འགྱུར། འགག་པར་མི་འགྱུར་རོ། །གང་སྐྱེ་བར་མི་འགྱུར། འགག་
D100.047.0291a02.01པར་མི་འགྱུར་བ་དེ་ནི་མྱ་ངན་ལས་འདས་པ་དང་མཉམ་མོ། །གང་མྱ་ངན་ལས་འདས་པ་དང་མཉམ་པ་དེ་ནི་འཁོར་བར་མི་འགྱུར། ཡོངས་སུ་མྱ་ངན་ལས་འདའ་བར་མི་འགྱུར་རོ། །གང་འཁོར་བར་མི་འགྱུར་ཡོངས་སུ་མྱ་ངན་ལས་འདའ་བར་མི་འགྱུར་བ་དེ་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་
D100.047.0291a03.01བྱུང་བ་མ་ཡིན་ནོ། །གང་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་པ་དེ་ནི་དམན་པ་མ་ཡིན། བར་མ་མ་ཡིན། མཆོག་མ་ཡིན་ནོ། །གང་དམན་པ་མ་ཡིན། བར་མ་མ་ཡིན། མཆོག་མ་ཡིན་པ་དེ་ནི་དེ་བཞིན་ཉིད་དེ། དེ་བཞིན་ཉིད་ཅེས་བྱ་བ་དེ་ནི་དེ་ཁོ་ནའི་དོན་གྱི་ཚིག་
D100.047.0291a04.01{བླ་དགས་,བླ་དྭགས་}ཡིན་ནོ། །དེ་ཁོ་ན་ཞེས་བྱ་བ་ནི་དེ་བཞིན་ཉིད་ཁོ་ནའོ། །དེ་བཞིན་ཉིད་དེ་ཁོ་ན་ནི་དེ་བཞིན་ཉིད་དོ། །དེ་བཞིན་ཉིད་དང་བདག་དེ་ནི་གཉིས་སུ་མེད་དེ་གཉིས་སུ་བྱར་མེད་དོ། །གཉིས་སུ་བྱར་མེད་པའི་དོན་གང་ཡིན་པ་དེ་ནི་བྱང་ཆུབ་སྟེ། བྱང་ཆུབ་ནི་དོན་རྟོགས་པའོ། །དོན་ཅེས་བྱ་བ་ནི་ཆོས་བསྟན་
D100.047.0291a05.01པ་ཐམས་ཅད་ལ་རྣམ་པར་ཐར་བའི་སྒོ་གསུམ་དུ་འཇུག་པ་ཤེས་པའོ། །ཤེས་པ་ཞེས་བྱ་བ་ནི་ཆོས་ཐམས་ཅད་ལ་དུས་གསུམ་མཉམ་པ་ཉིད་དུ་འཇུག་པའོ། །ཆོས་ཐམས་ཅད་ཀྱི་དབྱེར་མེད་པའི་དོན་དེ་ནི་དོན་ཅེས་བྱ་སྟེ། དོན་ནི་སྒྲ་མེད་པ། བརྗོད་དུ་མེད་པ། ཐ་སྙད་མེད་པ་ཐ་སྙད་ཡང་དག་པར་ཆད་པ་
D100.047.0291a06.01ཡིན་ནོ། །ཤེས་པ་ཞེས་བྱ་བ་ནི་དོན་རྗེས་སུ་རྟོགས་པའི་ཤེས་པ་དང་། རྣམ་པར་ཤེས་པ་རྗེས་སུ་རྟོགས་པའི་ཤེས་པ་གང་ཡིན་པ་སྟེ། དེ་ནི་ཤེས་པ་ཞེས་བྱའོ། །དོན་ཅེས་བྱ་བ་ནི་དེ་ཁོ་ནའི་དོན་ཤེས་པ་དང་། རྣམ་པར་ཤེས་པ་རྗེས་སུ་རྟོགས་པའི་ཤེས་པས་ངེས་པར་རྟོགས་པ་གང་ཡིན་པ་སྟེ།
D100.047.0291a07.01