完整藏文原文 · 德格版页 当前仅加载第 47 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲིང་དང་ཆེན་པོར་ཀུན་ཏུ་ཤེས་པར་འགྱུར་རོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཐམས་ཅད་དུ་མཉམ་ཞིང་རྣམ་པར་མི་རྟོག་ལ། བྱེ་བྲག་མི་འབྱེད། མ་སྐྱེས་པ། མ་འགགས་པ། འདས་པ་
D100.047.0289a01.01མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན། མཚན་གཞི་མེད་པ། སྤྲོས་པ་མེད་པ། གཟུགས་མེད་པ། བསྟན་དུ་མེད་པ། རྣམ་པར་རིག་པ་མེད་པ། རེག་པ་མེད་པ། གནས་མེད་པ། གཞལ་དུ་མེད་པ། གཞལ་བ་ལས་ཡང་དག་པར་འདས་པ། དཔེ་མེད་པ།
D100.047.0289a02.01དཔེ་ལས་ཡང་དག་པར་འདས་པ། མི་གནས་པ། གཟུང་བ་མེད་པ། མིག་གི་ལམ་ལས་ཡང་དག་པར་འདས་པ། སེམས་དང་། ཡིད་དང་། རྣམ་པར་ཤེས་པ་དང་བྲལ་བ་མཚན་ཉིད་མེད་པ། ཡི་གེ་མེད་པ། སྒྲ་མེད་པ། ཡིད་ལ་བྱེད་པ་མེད་པ། བླང་བ་མེད་པ། དོར་བ་མེད་པ།
D100.047.0289a03.01གདེག་པ་མེད་པ། གཞག་པ་མེད་པ་ཚིག་གི་ལམ་ལས་ཡང་དག་པར་འདས་པ། ཐམས་ཅད་ཀྱི་རྗེས་སུ་སོང་ཞིང་རྗེས་སུ་ཞུགས་པ་ཡིན་མོད་ཀྱི། འཇམ་དཔལ་འོན་ཀྱང་སེམས་ཅན་དམན་པ་དང་། འབྲིང་དང་། མཆོག་གང་དག་ཡིན་པ་དེ་དག་གིས་དེ་བཞིན་གཤེགས་པ་ཡང་དམན་པ་དང་།
D100.047.0289a04.01འབྲིང་དང་། མཆོག་ཏུ་མཐོང་ངོ་། །འཇམ་དཔལ་དེ་བཞིན་གཤེགས་པ་ནི་འདི་སྙམ་དུ་སེམས་ཅན་འདི་ནི་བསམ་པ་དང་། མོས་པ་དམན་པ་ཡིན་གྱིས་སེམས་ཅན་འདི་ལ་ནི་གཟུགས་ཀྱི་སྐུའི་ཁ་དོག་ཡོངས་སུ་འགྲུབ་པ་དམན་པ་བསྟན་པར་བྱའོ། །སེམས་ཅན་འདི་ནི་བསམ་པ་དང་མོས་པ་
D100.047.0289a05.01འབྲིང་ཡིན་གྱིས་སེམས་ཅན་འདི་ལ་ནི་གཟུགས་ཀྱི་སྐུའི་ཁ་དོག་ཡོངས་སུ་འགྲུབ་པ་འབྲིང་བསྟན་པར་བྱའོ། །སེམས་ཅན་འདི་ནི་བསམ་པ་དང་མོས་པ་རྒྱ་ཆེ་བ་ཡིན་གྱིས། སེམས་ཅན་འདི་ལ་ནི་གཟུགས་ཀྱི་སྐུའི་ཁ་དོག་ཡོངས་སུ་འགྲུབ་པ་རྒྱ་ཆེན་པོ་བསྟན་པར་བྱའོ་སྙམ་དུ་མི་སེམས་སོ། །འཇམ་
D100.047.0289a06.01དཔལ་ཆོས་སྟོན་པ་ཡང་དེ་བཞིན་དུ་རྟོགས་པར་བྱ་སྟེ། འཇམ་དཔལ་དེ་བཞིན་གཤེགས་པ་ནི་འདི་སྙམ་དུ་སེམས་ཅན་འདི་ནི་དམན་པ་ལ་མོས་པ་ཡིན་གྱིས། སེམས་ཅན་འདི་ལ་ནི་ཉན་ཐོས་ཀྱི་ཐེག་པའི་གཏམ་དམན་པ་བརྗོད་པར་བྱའོ། །སེམས་ཅན་འདི་ནི་བར་མ་ལ་མོས་པ་ཡིན་གྱིས། སེམས་ཅན་
D100.047.0289a07.01