完整藏文原文 · 德格版页 当前仅加载第 47 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་ཤེས་པ་དང་བྲལ་བ། མ་སྐྱེས་པ། མ་འགགས་པ་ཡིན་པར་མི་སེམས་མོད་ཀྱི། འཇམ་དཔལ་འོན་ཀྱང་དེ་བཞིན་གཤེགས་པ་ནི་སྤྱོད་ལམ་ཐམས་ཅད་དུ་དེ་བཞིན་གཤེགས་པའི་སྐུ་མཚན་བརྒྱ་སྟོང་གིས་ལེགས་པར་བརྒྱན་པ་ལས་སེམས་ཅན་མོས་པ་རྣམ་པ་སྣ་ཚོགས་ཐ་དད་པ་
D100.047.0284b01.01རྣམས་ལ་ཆོས་སྟོན་པ་ཆེན་པོ་ཡང་འབྱུང་བར་ཡང་བྱེད་དོ། །ཆོས་བསྟན་པ་དེ་ཡང་སེམས་ཅན་ཐམས་ཅད་ཀྱི་གནོད་པ་དང་། འཁྲུག་པ་དང་ཉེ་བའི་ཉོན་མོངས་པ་ཐམས་ཅད་ཉེ་བར་ཞི་བར་བྱེད་པ་འགྱུར་ཏེ། དེ་བཞིན་གཤེགས་པ་ནི་དེ་ལ་ཡང་ཐམས་ཅད་དུ་མཉམ་ཞིང་བཏང་སྙོམས་ལ་རྣམ་པར་
D100.047.0284b02.01མི་རྟོག་ཅིང་བྱེ་བྲག་མི་འབྱེད་དེ། འཇམ་དཔལ་རྣམ་གྲངས་དེས་ཀྱང་འདི་ལྟར་སྐྱེ་བ་མེད་པ་དང་། འགག་པ་མེད་པ་ཞེས་བྱ་བ་དེ་ནི་དེ་བཞིན་གཤེགས་པའི་ཚིག་{བླ་དགས་,བླ་དྭགས་}ཡིན་པར་རིག་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དེ་བཞིན་
D100.047.0284b03.01གཤེགས་པ་རྟག་ཏུ་སྐྱེ་མེད་ཆོས། །ཆོས་རྣམས་ཀུན་ཀྱང་བདེ་བར་གཤེགས་དང་འདྲ། །བྱིས་པའི་བློ་ཅན་མཚན་མར་འཛིན་པ་རྣམས། །འཇིག་རྟེན་དག་ན་མེད་པའི་ཆོས་ལ་སྤྱོད། །དེ་བཞིན་གཤེགས་པ་ཟག་མེད་དགེ་བ་ཡི། །ཆོས་ཀྱི་གཟུགས་བརྙན་ཡིན་ཏེ་འདི་ལ་ནི། །དེ་བཞིན་ཉིད་མེད་
D100.047.0284b04.01དེ་བཞིན་གཤེགས་པའང་མེད། །འཇིག་རྟེན་ཀུན་ཏུ་གཟུགས་བརྙན་ཀུན་ཏུ་སྣང་། །འཇམ་དཔལ་འདི་ལྟ་སྟེ་དཔེར་ན། ཉི་མའི་དཀྱིལ་འཁོར་གྱི་འོད་ཟེར་དག་ནི་འཛམ་བུའི་གླིང་དུ་དང་པོ་ཁོ་ནར་རིའི་དབང་པོའི་རྒྱལ་པོ་ཆེན་པོ་རྣམས་སྣང་བར་བྱེད་དོ། །དེའི་འོག་ཏུ་རི་ཁོར་ཡུག་དང་ཁོར་ཡུག་ཆེན་པོ་
D100.047.0284b05.01རྣམས་སྣང་བར་བྱེད་དོ། །དེའི་འོག་ཏུ་རི་ཆེན་པོ་གཞན་དག་ཀྱང་སྣང་བར་བྱེད་དོ། །དེའི་འོག་ཏུ་རི་ནག་པོ་རྣམས་སྣང་བར་བྱེད་དོ། །དེའི་འོག་ཏུ་ས་ཕྱོགས་མཐོན་པོ་མཐོན་པོ་དག་སྣང་བར་བྱེད་དོ། །དེའི་འོག་ཏུ་འཛམ་བུའི་གླིང་འདིའི་ས་ཕྱོགས་དམའ་བ་དམའ་བ་དག་ཀྱང་སྣང་བར་བྱེད་དོ། །འཇམ་དཔལ་འོན་
D100.047.0284b06.01ཀྱང་ཉི་མའི་འོད་ཟེར་དེ་དག་ནི་རྟོག་པར་མི་བྱེད། རྣམ་པར་རྟོག་པར་མི་བྱེད། སེམས་པར་མི་བྱེད། རྣམ་པར་སེམས་པར་མི་བྱེད་དེ། འཇམ་དཔལ་ཉི་མའི་འོད་ཟེར་རྣམས་ནི་སེམས་དང་། ཡིད་དང་། རྣམ་པར་ཤེས་པ་དང་བྲལ་བ། མ་སྐྱེས་པ། མ་འགག་པ། མཚན་ཉིད་མེད་པ། མཚན་ཉིད་
D100.047.0284b07.01