完整藏文原文 · 德格版页 当前仅加载第 47 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྩེད་མོ་དང་དགའ་བ་དང་། ལོངས་སྤྱོད་འདི་དག་དང་ཡང་མི་འབྲལ་བར་གྱིས་ཤིག །ཅེས་སྒྲས་གོ་བར་བྱེད་དོ། །འཇམ་དཔལ་དེའི་ཚེ་ན་ཆོས་ཀྱི་རྔ་བོ་ཆེ་དེ་(བལྟར་,ལྟར་)མི་སྣང་བ། གཟུགས་མེད་པ། རྟོག་པ་མེད་པ། རྣམ་པར་རྟོག་པ་མེད་པ། མིག་གི་ལམ་ལས་ཡང་
D100.047.0281a01.01དག་པར་འདས་པ། མ་སྐྱེས་པ། མ་འགགས་པ། ཚིག་གི་ལམ་ལས་ཡང་དག་པར་འདས་པ། སེམས་དང་། ཡིད་དང་། རྣམ་པར་ཤེས་པ་དང་བྲལ་བ་དེ་ལྟ་བུ་དེའི་སྒྲ་དེས་སུམ་ཅུ་རྩ་གསུམ་པའི་རིས་ཀྱི་ལྷ་ཐམས་ཅད་ལ་ཡང་དག་པར་བསྐུལ་བས་དེ་དག་འཇིགས་པ་དང་།
D100.047.0281a02.01སྐྲག་པ་དང་། སྐྱོ་བ་དང་། ཡིད་བྱུང་བར་གྱུར་ནས་ལྷའི་འདུན་ས་ཆོས་བཟང་གི་ནང་དུ་ཞུགས་ཏེ། ཆོས་ཀྱི་ཀུན་དགའ་ལ་དགའ་བས་དགའ་བར་གནས་ཤིང་། ཆོས་གཅེས་པར་བྱ་བ་དང་། ཆོས་ལ་གཞོལ་བར་བྱ་བ་དང་། ཆོས་རྗེས་སུ་དྲན་པ་ཡིད་ལ་བྱེད་པ་ལ་གནས་པར་ཡང་
D100.047.0281a03.01བྱེད་དེ། དེ་དག་དེ་ནས་ཤི་འཕོས་ནས་ཁྱད་པར་དུ་འགྲོ་བར་ཡང་ཤེས་སོ། །དེའི་ཚེ་ན་ལྷའི་དབང་པོ་བརྒྱ་བྱིན་ཡང་ལྷའི་འདུན་ས་ཆོས་བཟང་གི་ནང་ན་ཞུགས་ཏེ། ཆོས་ཀྱི་ཁྲི་སྟན་ལ་འདུག་ནས་ཆོས་སྟོན་པར་བྱེད་དོ། །འཇམ་དཔལ་གང་གི་ཚེ་ལྷ་མ་ཡིན་རྣམས་ལྷ་རྣམས་དང་ལྷན་
D100.047.0281a04.01ཅིག་གཡུལ་སྤྲོད་པར་བྱེད་ཅིང་། དེར་ཡང་གང་གི་ཚེ་སུམ་ཅུ་རྩ་གསུམ་པའི་ལྷ་རྣམས་ཕམ་པར་གྱུར་པ་དེའི་ཚེ་ན། ཆོས་ཀྱི་རྔ་བོ་ཆེ་དེ་སྒྲ་འདི་ལྟ་བུ་འབྱིན་པར་བྱེད་དེ། སྒྲ་དེས་ལྷ་མ་ཡིན་རྣམས་འཇིགས་པ་དང་། སྐྲག་པ་དང་། སྐྱོ་བ་དང་། ཡིད་བྱུང་བར་གྱུར་ནས་
D100.047.0281a05.01འབྲོས་པར་བྱེད་དོ། །འཇམ་དཔལ་ཆོས་ཀྱི་རྔ་བོ་ཆེ་དེ་ལ་ནི་སྒྲུབ་པར་བྱེད་པ་དང་། ལུས་གཟུགས་ཅུང་ཟད་ཀྱང་མེད་དེ། འཇམ་དཔལ་ཆོས་ཀྱི་རྔ་བོ་ཆེ་དེ་ནི་བལྟར་མི་མཐོང་བ། མི་སྣང་བ་ཡོད་པ་མ་ཡིན་པ། མ་བྱུང་བ། བསམ་དུ་མེད་པ། སེམས་པ་མེད་པ། མཚན་མ་མེད་པ།
D100.047.0281a06.01གཟུགས་ཅན་མ་ཡིན་པ། སྒྲ་མེད་པ། དངོས་པོ་མེད་པ། གཉིས་སུ་མེད་པ་སྟེ། མིག་གི་ལམ་ལས་ཡང་དག་པར་འདས་པ་ཡིན་མོད་ཀྱི། འཇམ་དཔལ་འོན་ཀྱང་སུམ་ཅུ་རྩ་གསུམ་གྱི་རིས་ཀྱི་ལྷའི་བུ་སྔོན་ཡོངས་སུ་སྦྱང་བ་བྱས་པ་རྣམས་ལ། ཆོས་ཀྱི་རྔ་བོ་ཆེ་དེ་སྒྲ་དེ་
D100.047.0281a07.01