完整藏文原文 · 德格版页 当前仅加载第 47 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དེ་བཞིན་ཉིད་ལས་མི་འདའོ། །བྱང་ཆུབ་ཇི་ལྟ་བ་དེ་བཞིན་དུ་སའི་ཁམས་ཀྱང་དེ་བཞིན་ཉིད་ལས་མི་འདའོ། །བྱང་ཆུབ་ཇི་ལྟ་བ་དེ་བཞིན་དུ་ཆུའི་ཁམས་དང་། མེའི་ཁམས་དང་། རླུང་གི་ཁམས་ཀྱང་དེ་བཞིན་ཉིད་ལས་མི་འདའོ། །འཇམ་དཔལ་བྱང་ཆུབ་ཇི་ལྟ་བ་དེ་བཞིན་དུ་མིག་གི་ཁམས་དང་།
D100.047.0296b01.01གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ཀྱང་དེ་བཞིན་ཉིད་ལས་མི་འདའོ། །བྱང་ཆུབ་ཇི་ལྟ་བ་དེ་བཞིན་དུ་རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་
D100.047.0296b02.01དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་། ལུས་ཀྱི་ཁམས་དང་། རེག་བྱའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དང་། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཀྱང་དེ་བཞིན་ཉིད་
D100.047.0296b03.01ལས་མི་འདའོ། །ཆོས་གདགས་པ་དེ་ནི་འདི་ཙམ་དུ་ཟད་དེ། འདི་ལྟ་སྟེ་ཕུང་པོ་དང་། ཁམས་དང་། སྐྱེ་མཆེད་དུ་གདགས་པའོ། །དེ་བཞིན་གཤེགས་པས་ནི་དེ་དག་ཡང་དག་པ་ཇི་ལྟ་བ་བཞིན་དུ་མངོན་པར་རྫོགས་པར་སངས་རྒྱས་ཤིང་ཕྱིན་ཅི་མ་ལོག་པར་མངོན་པར་རྫོགས་པར་སངས་
D100.047.0296b04.01རྒྱས་སོ། །དེ་དག་ནི་སྔོན་ཇི་ལྟ་བ་བཞིན་དུ་ཕྱིས་ཀྱང་དེ་བཞིན་བར་དུ་ཡང་དེ་བཞིན་ཏེ། སྔོན་གྱི་མཐར་མ་སྐྱེས་པ་དང་། ཕྱི་མའི་མཐར་མི་འཕོ་བ་དང་། དབུས་སུ་བདེན་པ་ཡིན་ནོ། །དེ་ལྟར་དེ་དག་ཇི་ལྟ་བ་བཞིན་གྱི་གནས་ཡིན་ཏེ། གཅིག་ཇི་ལྟ་བ་བཞིན་དུ་ཐམས་ཅད་དེ་བཞིན་ལ། ཐམས་
D100.047.0296b05.01ཅད་ཇི་ལྟ་བ་བཞིན་དུ་གཅིག་ཀྱང་དེ་བཞིན་ཏེ། འཇམ་དཔལ་འདི་ལ་ནི་གཅིག་པ་ཉིད་དམ། མང་པོ་ཉིད་དུ་དམིགས་སུ་མེད་དོ། །འཇམ་དཔལ་བྱང་ཆུབ་ནི་རྣམ་པའི་འཇུག་པས་རྣམ་པ་མེད་པར་ཞུགས་པ་ཡིན་ཏེ། འཇམ་དཔལ་དེ་ལ་རྣམ་པ་ནི་གང་། རྣམ་པ་མེད་པ་ནི་གང་ཞེ་ན།
D100.047.0296b06.01འཇམ་དཔལ་རྣམ་པ་ཞེས་བྱ་བ་ནི་དགེ་བའི་ཆོས་ཐམས་ཅད་ལ་རྩོམ་པའོ། །རྣམ་པ་མེད་པ་ཞེས་བྱ་བ་ནི་ཆོས་ཐམས་ཅད་དམིགས་སུ་མེད་པའོ། །རྣམ་པ་ཞེས་བྱ་བ་ནི་སེམས་མི་གནས་པའི་གནས་སྐབས་སོ། །རྣམ་པ་མེད་པ་ཞེས་བྱ་བ་ནི་རྣམ་པར་ཐར་པའི་སྒོ་མཚན་མ་མེད་པའི་ཏིང་ངེ་
D100.047.0296b07.01