完整藏文原文 · 德格版页 当前仅加载第 47 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། སིལ་སྙན་དང་ཕེག་རྡོབ་དང་། གླུ་དབྱངས་ཀྱི་སྒྲ་ཐམས་ཅད་ཞི་བར་བྱས་ནས། འདོད་པའི་རྩེད་མོ་དང་། དགའ་བ་དང་། ལོངས་སྤྱོད་ཡིད་ལ་བྱེད་པ་བཏང་སྟེ། གུས་པ་དང་བཅས་པས་ཐལ་མོ་སྦྱར་ནས། ཚངས་པ་ཆེན་པོ་དེ་ལ་མིག་མི་འཛུམས་པར་ལྟ་བར་བྱེད་དོ། །ཚངས་
D100.047.0283b01.01པ་ཆེན་པོ་དེ་ཡང་གནས་ནས་མི་གཡོ་བར་ལྷའི་བུ་ཐམས་ཅད་ཡུད་ཙམ་ཞིག་བདག་ལྟར་འཇུག་པར་བྱེད་དེ། དེའི་ཚེ་ན་ལྷའི་བུ་དེ་དག་ཚངས་པའི་འཇིག་རྟེན་དུ་སྐྱེ་བར་འདོད་ཅིང་། དགེ་བའི་རྩ་བ་རྣམས་ཀྱང་ཚངས་པའི་འཇིག་རྟེན་དུ་སྐྱེ་བར་བྱ་བའི་ཕྱིར་ཡོངས་སུ་སྔོ་བར་བྱེད་དོ། །
D100.047.0283b02.01འཇམ་དཔལ་ཚངས་པ་ཆེན་པོ་དེ་ཡང་ཚངས་པའི་གཞལ་མེད་ཁང་དེ་ནས་འཆི་འཕོ་བར་མི་བྱེད་བཞིན་དུ། སྔོན་གྱི་སྨོན་ལམ་གྱི་བྱིན་གྱིས་བརླབས་དང་། ལྷའི་བུ་དེ་དག་གི་སྔོན་གྱི་དགེ་བའི་རྩ་བ་བསགས་པའི་མཐུས། སྟོང་གསུམ་འབུམ་ཕྲག་བཅུ་ལ་དབང་སྒྱུར་བའི་ཚངས་
D100.047.0283b03.01པ་ཆེན་པོ་ཟིལ་གྱིས་མི་ནོན་ཅིང་ཟིལ་གྱིས་གནོན་པར་བྱེད་པ་གཞན་ཞིག་བྱིན་གྱིས་རློབ་པར་བྱེད་དོ། །འཇམ་དཔལ་སྤྲུལ་པའི་ཚངས་པ་ཆེན་པོ་དེ་ཡང་ཉིན་གཅིག་བཞིན་དུ་རྒྱལ་ཆེན་བཞིའི་རིས་ཀྱི་མཐར་ཐུག་པའི་བར་གྱི་ལྷའི་རིས་ཐམས་ཅད་ལ་རྣམ་པར་ལྟ་བར་བྱེད་དེ། འཇམ་དཔལ་དེའི་ཚེ་
D100.047.0283b04.01ན། ལྷའི་རིས་ཐམས་ཅད་ཀྱི་ནང་ན་ལྷའི་བུ་ཐམས་ཅད་རང་རང་གི་འདོད་པའི་རྩེད་མོ་དང་། དགའ་བ་དང་། ལོངས་སྤྱོད་དག་སྤངས་ཏེ། སིལ་སྙན་དང་། ཕེག་རྡོབ་པ་དང་། གླུ་དབྱངས་ཀྱི་སྒྲ་ཐམས་ཅད་ཞི་བར་བྱས་ནས། འདོད་པའི་རྩེད་མོ་དང་། དགའ་བ་དང་། ལོངས་སྤྱོད་
D100.047.0283b05.01ཡིད་ལ་བྱེད་པ་བཏང་སྟེ། གུས་པ་དང་བཅས་པས་ཐལ་མོ་སྦྱར་ནས། ཚངས་པ་ཆེན་པོ་དེ་ལ་མིག་མི་འཛུམས་པར་ལྟ་བར་བྱེད་དོ། །སྤྲུལ་པའི་ཚངས་པ་ཆེན་པོ་དེ་ཡང་གནས་ནས་མི་གཡོ་བར་ལྷའི་བུ་ཐམས་ཅད་ཡུད་ཙམ་ཞིག་བདག་ལ་བལྟར་འཇུག་པར་ཡང་བྱེད་དེ། དེའི་ཚེ་ན་ལྷའི་བུ་
D100.047.0283b06.01དེ་དག་ཀྱང་ཚངས་པའི་འཇིག་རྟེན་དུ་སྐྱེ་བར་འདོད་ཅིང་དགེ་བའི་རྩ་བ་རྣམས་ཀྱང་ཚངས་པའི་འཇིག་རྟེན་དུ་སྐྱེ་བར་བྱ་བའི་ཕྱིར་ཡོངས་སུ་སྔོ་བར་ཡང་བྱེད་དོ། །འཇམ་དཔལ་དེ་ལ་ནི་ཚངས་པ་ཡོད་པ་མ་ཡིན་ཏེ། འཇམ་དཔལ་ཚངས་པ་དེ་ནི་སྟོང་པ་ཡ་མ་བརླ། མ་བྱུང་བ་ཡི་གེ་མེད་པ། སྒྲ་མེད་པ་
D100.047.0283b07.01