完整藏文原文 · 德格版页 当前仅加载第 40 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། ཀུན་དགའ་བོ་སྔོན་བྱུང་བ་འདས་པའི་དུས་ན་རྒྱལ་པོའི་ཁབ་འདི་ཉིད་དང་བྱ་རྒོད་ཀྱི་ཕུང་པོའི་རི་འདི་ཉིད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཀྱི་རྩལ་གྱིས་རྣམ་པར་གནོན་པ་ཞེས་བྱ་བ་ཞིག་བྱུང་བས་ཆོས་ཀྱི་
D53.040.0183b01.01རྣམ་གྲངས་འདི་ཉིད་བཤད་དོ། །དེས་ཆོས་ཀྱི་རྣམ་གྲངས་འདི་བཤད་པ་ན་ཡང་གཞན་མུ་སྟེགས་ཅན་སྤྱོད་པ་པ་དང་། ཀུན་དུ་རྒྱུ་ཐོ་བཙམ་པའི་བསམ་པ་ཅན་དག་ལྷགས་ཏེ། ལྷག་པ་དེ་དག་གིས་ཆོས་ཀྱི་རྣམ་གྲངས་འདི་ཐོས་ནས་ལེགས་སོ་ལེགས་པར་གསུངས་སོ་ཞེས་བྱ་བའི་ཚིག་
D53.040.0183b02.01ནི་བརྗོད་ཀྱི། དེ་བཞིན་གཤེགས་པ་དེ་ལ་སེམས་དང་བ་དང་། དགའ་བ་དང་། མཆོག་ཏུ་དགའ་བ་ནི་མ་ཐོབ་བོ། །དེ་དག་རྒྱུ་དེ་དང་རྐྱེན་དེས་བསྐལ་པ་དྲུག་ཅུ་རྩ་བརྒྱད་ཀྱི་བར་དུ་ལྷ་དང་མི་རྣམས་སུ་སྐྱེས་པ། མ་གཏོགས་པར་ནམ་ཡང་སེམས་ཅན་དམྱལ་བ་རྣམས་དང་། དུད་འགྲོ་རྣམས་
D53.040.0183b03.01དང་། {ཡི་དགས་,ཡི་དྭགས་}རྣམས་སུ་མ་སྐྱེས་སོ། །དེ་དག་དེ་བཞིན་གཤེགས་པ་ལ་སེམས་དང་བ་དང་། དགའ་བ་དང་། མཆོག་ཏུ་དགའ་བ་མ་ཐོབ་པས་ནི་ཚེ་རབས་གཞན་དེ་དང་། དེ་དག་ཏུ་དགེ་བའི་བཤེས་གཉེན་དང་བྲལ་བར་གྱུར་ཏོ། །ཀུན་དགའ་བོ་དེའི་ཚེ་དེའི་དུས་ན་གཞན་མུ་སྟེགས་
D53.040.0183b04.01ཅན་སྤྱོད་པ་པ་དང་། ཀུན་ཏུ་རྒྱུར་གྱུར་པ་དེ་དག་གཞན་དག་ཅིག་ཡིན་སྙམ་དུ་ཁྱོད་ནེམ་ནུར་དང་། ཡིད་གཉིས་དང་། ཐེ་ཚོམ་ཟ་བར་གྱུར་ན་ཀུན་དགའ་བོ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། རིགས་ཀྱི་བུ་འདི་དག་ཉིད་དེའི་ཚེ་དེའི་དུས་ན་གཞན་མུ་སྟེགས་ཅན་སྤྱོད་པ་པ་དང་།
D53.040.0183b05.01ཀུན་ཏུ་རྒྱུ་དེ་དག་ཏུ་གྱུར་པའི་ཕྱིར་རོ། །ཀུན་དགའ་བོ་འདི་དག་ནི་དེ་བཞིན་གཤེགས་པ་ལ་སེམས་དང་བ་སྐྱེས་ཤིང་དགའ་བ་ཡང་སྐྱེས། མཆོག་ཏུ་དགའ་བ་ཡང་སྐྱེས་པས་དེ་བཞིན་གཤེགས་པས་འདི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་ཡང་མཛད་དོ། །
D53.040.0183b06.01དེ་ནས་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་དེ་དག་ལུང་བསྟན་པའི་མོད་ལ་སྐྱེས་པའི་དང་བ་དང་། དགའ་བ་དང་། མཆོག་ཏུ་དགའ་བ་དེ་ཉིད་ཀྱིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །ཆོས་ཀྱི་རྣམ་གྲངས་འདི་བཤད་པ་ན་སྲོག་ཆགས་ཁྲི་ཉིས་སྟོང་ཆོས་རྣམས་ལ་
D53.040.0183b07.01