完整藏文原文 · 德格版页 当前仅加载第 40 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་འཁོར་ལོས་སྒྱུར་བའི་རྒྱལ་པོ་དགེ་བའི་རྩ་བ་ཆུང་ངུ་དང་ལྡན་པ་ལ་ཡང་དགྲ་བོ་དང་། ཕྱིར་རྒོལ་བ་བ་དག་མེད་ན་དེ་བཞིན་གཤེགས་པ་བསོད་ནམས་ཀྱི་ཆུ་བོ་ཆེན་པོ་དང་ལྡན་པ་ལྟ་ལ་སྨོས་ཀྱང་ཅི་དགོས་གསོལ་པ། བཅོམ་ལྡན་འདས་དེ་བཞིན་གཤེགས་པའི་ཞབས་ལ་
D53.040.0177a01.01སེང་ལྡེང་གི་ཚལ་པ་ཟུག་གོ །ཞེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ནི་ལས་བདག་གིར་བྱ་བ་ཉིད་སྟོན་པར་མཛད་དེ། །དེ་བཞིན་གཤེགས་པ་ཉིད་ལ་ཡང་སྔོན་བྱས་པའི་ལས་དག་ཡོད་ན།
D53.040.0177a02.01གཞན་དག་ལ་ལྟ་སྨོས་ཀྱང་ཅི་དགོས། ཞེས་རྒྱུ་དེ་དང་རྐྱེན་དེ་དང་། གཞི་དེས་སྡིག་པའི་ལས་ལ་མི་དགའ་ཞིང་དགའ་བར་མི་འགྱུར་བའི་དོན་གྱི་དབང་དེ་གཟིགས་པས་ན་དེ་བཞིན་གཤེགས་པ་ལས་བདག་གིར་བྱ་བ་ཉིད་སྟོན་པར་མཛད་པ་ཡིན་ན། དེ་ལ་མི་བླུན་པོ་དེ་དག་དེ་བཞིན་གཤེགས་
D53.040.0177a03.01པའི་ཞབས་ལ་སེང་ལྡེང་གི་ཚལ་པ་ཟུག་གོ །ཞེས་སྒྲ་ཇི་བཞིན་ཁོ་ནར་འཛིན་པར་བྱེད་དོ། །གསོལ་པ། བཅོམ་ལྡན་འདས་སྐྱེས་བུ་དམ་པ་མ་ཡིན་པ་ལྷས་བྱིན་ནི་ཡུན་རིང་པོ་ནས་དེ་བཞིན་གཤེགས་པའི་གཤེད་མ་དང་། གཅུགས་ཅན་དང་། ཕྱིར་རྒོལ་བ་དང་། དགྲ་བོར་གྱུར་པ་ཡིན་
D53.040.0177a04.01ནོ། །ཞེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་སྐྱེས་བུ་དམ་པ་ལྷས་བྱིན་མེད་པར་གྱུར་ན། དེ་བཞིན་གཤེགས་པ་ལ་སངས་རྒྱས་ཀྱི་ཆེ་བའི་བདག་ཉིད་གཅིག་ཀྱང་ཡོད་པར་མི་མངོན་ཏེ། རིགས་ཀྱི་བུ་གང་གི་ཕྱིར་
D53.040.0177a05.01སྐྱེས་བུ་དམ་པ་ལྷས་བྱིན་གྱིས་དེ་བཞིན་གཤེགས་པ་ལ་བརྩད་པ་དང་། བསྐྲུན་པ་དང་། ཕྱིར་བརྒལ་བ་དག་བསྟན་པ་དེའི་ཕྱིར། དེ་བཞིན་གཤེགས་པ་ལ་སངས་རྒྱས་ཀྱི་ཆེ་བའི་བདག་ཉིད་དག་ཡོད་པར་མངོན་ནོ། །རིགས་ཀྱི་བུ་རྒྱལ་པོའི་ཚིག་གིས་སྐྱེས་བུ་དམ་པ་ལྷས་བྱིན་འདིས་
D53.040.0177a06.01དེ་བཞིན་གཤེགས་པ་རྣམ་པར་གཞོམ་པར་བྱའོ། །སྙམ་ནས་གྲོང་བར་གྱི་དབུས་ནས་དེ་བཞིན་གཤེགས་པ་ལ་གླང་པོ་ཆེ་ཆེན་པོ་ནོར་སྐྱོང་རྦད་པར་གྱུར་པ་གང་ཡིན་པ་དེ་དེ་བཞིན་གཤེགས་པས་བཏུལ་ཅིང་རྣམ་པར་བཏུལ་ནས་དུལ་བར་མཛད་དེ། སྐྱེ་བོ་ཕལ་པོ་ཆེས་དེ་མཐོང་ནས་ངོ་
D53.040.0177a07.01