完整藏文原文 · 德格版页 当前仅加载第 40 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་སེམས་དཔའ་ཆེན་པོ་དགེ་བ་དྲི་མེད་རྣམ་དག་རིན་ཆེན་ཟླ་འོད་རྒྱལ་པོ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཁྱོད་ཀྱི་ལྷག་པར་གཡོ་བ་ནི་བཟང་བ་ཡིན། ཡོངས་སུ་དཔྱད་པ་ཡང་བཟང་བ་ཡིན། དྲིས་པ་ལུང་བསྟན་པ་ལ་སྤོབས་པ་
D53.040.0165a01.01ཡང་བཟང་བ་ཡིན་ཏེ། རིགས་ཀྱི་བུ་ཁྱོད་འདི་ལྟ་སྟེ། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་། མི་རྣམས་ལ་ཕན་པ་དང་། བདེ་བའི་ཕྱིར་ཞུགས་ཏེ། ཁྱོད་དེ་བཞིན་གཤེགས་པ་ལ་དོན་དེ་ལྟ་བུ་ཡོངས་
D53.040.0165a02.01སུ་དྲི་བར་སེམས་པ་ནི་ལེགས་སོ་ལེགས་སོ། །རིགས་ཀྱི་བུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བ་དྲི་མེད་རྣམ་དག་རིན་ཆེན་ཟླ་འོད་རྒྱལ་པོས་བཅོམ་ལྡན་འདས་ལ་ལེགས་སོ་ཞེས་
D53.040.0165a03.01གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཅུ་དང་ལྡན་ན་ཐེག་པ་ཆེན་པོ་ལ་ཡང་དག་པར་ཞུགས་པ་ཡིན་ཏེ། བཅུ་གང་ཞེ་ན། འདི་ལྟ་སྟེ། དད་པ་དང་
D53.040.0165a04.01ལྡན་པ་ཡིན། ནན་ཏན་སྙིང་པོར་བྱེད་པ་ཡིན། རིགས་ཕུན་སུམ་ཚོགས་པ་ཡིན། བྱང་ཆུབ་ཀྱི་སེམས་འདོད་པ་ཡིན། ཆོས་འདོད་པ་ཡིན། ཆོས་ལ་ཉེ་བར་རྟོག་པར་བྱེད་པ་ཡིན། ཆོས་ཀྱི་རྗེས་སུ་འཐུན་པའི་ཆོས་ལ་ཞུགས་པ་ཡིན། ང་རྒྱལ་དང་། ཆེ་བའི་
D53.040.0165a05.01ང་རྒྱལ་དང་བྲལ་བ་ཡིན། དགོངས་ཏེ་གསུངས་པ་རྟོགས་པར་བྱ་བ་ལ་མཁས་པ་ཡིན། ཉན་ཐོས་དང་། རང་སངས་རྒྱས་དང་ལྡན་པའི་ཐེག་པས་ཡོངས་སུ་མྱ་ངན་ལས་འདའ་བར་མི་འདོད་པ་ཡིན་ནོ། །གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་དད་
D53.040.0165a06.01པ་དང་ལྡན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རང་བཞིན་གྱིས་གཡོ་མེད་ཅིང་སྒྱུ་མེད་ལ། དྲང་ཞིང་དྲང་པོའི་རང་བཞིན་ཅན་ཡིན་ཏེ། དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D53.040.0165a07.01