完整藏文原文 · 德格版页 当前仅加载第 40 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་ཟླ་བ་གསུམ་དུ་རྟ་ཆས་ཀྱི་ནས་དག་གསོལ་ཏོ། ཞེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་བྲམ་ཟེ་དང་། ཁྱིམ་བདག་དེ་དག་དེ་བཞིན་གཤེགས་པ་སྤྱན་དྲང་བར་མི་སེམས་པར་ཤེས་ཏེ། ཤེས་བཞིན་
D53.040.0179a01.01དུ་དེ་བཞིན་གཤེགས་པ་དེར་དབྱར་གནས་སོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པས་ཟླ་བ་གསུམ་གྱི་བར་དུ་གང་དག་གི་རྟ་ཆས་གསོལ་བའི་རྟ་ལྔ་བརྒྱ་པོ་དེ་དག་ཐམས་ཅད་ནི་བྱང་ཆུབ་སེམས་དཔའི་ཐེག་པ་པ་སྔོན་གྱི་རྒྱལ་བ་ལ་བསྙེན་བཀུར་བྱས་པ་ཤ་
D53.040.0179a02.01སྟག་ཡིན་ཏེ། དེ་དག་སྡིག་པའི་གྲོགས་པོའི་དབང་དུ་སོང་ནས་སྡིག་པའི་ལས་བྱས་པས་ལས་དེས་དེ་དག་དུད་འགྲོའི་སྐྱེ་གནས་སུ་སྐྱེས་ཏེ། རྟ་ལྔ་བརྒྱ་པོ་དེ་དག་གི་ནང་ན་རྟ་ཅང་ཤེས་གང་ཡིན་པ་དེ་ནི་བྱང་ཆུབ་སེམས་དཔའ་ཉི་མའི་སྙིང་པོ་ཞེས་བྱ་བ་སྨོན་ལམ་གྱི་དབང་གིས་བསམས་བཞིན་དུ་དེར་
D53.040.0179a03.01སྐྱེས་པ་ཡིན་ལ། རྟ་ལྔ་བརྒྱ་པོ་དེ་དག་ཀྱང་བྱང་ཆུབ་སེམས་དཔའ་ཉི་མའི་སྙིང་པོ་དེ་ཉིད་ཀྱིས་བྱང་ཆུབ་ཡང་དག་པར་འཛིན་དུ་བཅུག་པ་ཡིན་པས་དེ་དེ་དག་ཡོངས་སུ་སྨིན་པར་བྱ་བའི་ཕྱིར་དེར་སྐྱེས་ཏེ་རྟ་ཅང་ཤེས་དེ་ཉིད་ཀྱི་མཐུས་རྟ་ལྔ་བརྒྱ་པོ་དེ་དག་ཐམས་ཅད་ཀྱིས་སྔོན་གྱི་ཚེ་རབས་རྗེས་སུ་དྲན་པར་གྱུར་ཅིང་དེ་དག་གི་བྱང་
D53.040.0179a04.01ཆུབ་ཀྱི་སེམས་དེ་ཡང་མངོན་དུ་གྱུར་པའི་ཕྱིར་ཏེ། རིགས་ཀྱི་བུ་དེ་ལྟ་བས་ན་དེ་བཞིན་གཤེགས་པ་རྟ་ལྔ་བརྒྱ་པོ་དེ་དག་ལ་ཐུགས་བརྩེ་བའི་ཕྱིར་དབྱར་དེར་གནས་སོ། །དེ་ན་རྟ་ཅང་ཤེས་ཀྱི་ཆས་ཀྱི་ནས་གང་དག་ཡིན་པ་དེ་དག་ལས་ཕྱེད་ནི་དེ་བཞིན་གཤེགས་པ་ལ་འབུལ་ལོ། །རྟ་ལྔ་བརྒྱ་པོ་དེ་དག་གི་ཆས་ཀྱི་
D53.040.0179a05.01ནས་གང་དག་ཡིན་པ་དེ་དག་ལས་ཕྱེད་ཕྱེད་ནི་དགེ་སློང་ལྔ་བརྒྱ་པོ་དག་ལ་འབུལ་ཞིང་རྟ་ཅང་ཤེས་དེས་རྟའི་སྐད་དེས་རྟ་ལྔ་བརྒྱ་པོ་དེ་དག་སྡིག་པ་འཆགས་སུ་བཅུག་ཅིང་སངས་རྒྱས་ལ་སོགས་པ་དགེ་སློང་ལྔ་བརྒྱ་པོ་དག་ལ་ཕྱག་འཚལ་དུ་ཡང་བཅུག་གོ །རིགས་ཀྱི་བུ་དེ་ནས་ཟླ་བ་གསུམ་པོ་དེ་དག་འདས་པ་དང་
D53.040.0179a06.01རྟ་ལྔ་བརྒྱ་པོ་དེ་དག་ཤི་འཕོས་ཏེ། དགའ་ལྡན་གྱི་ལྷ་རྣམས་དང་སྐལ་བ་མཉམ་པར་སྐྱེས་ནས་ལྷར་གྱུར་པ་དེ་དག་གིས་ཡང་དེ་བཞིན་གཤེགས་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་པ་དང་། དེ་བཞིན་གཤེགས་པས་ཀྱང་དེ་དག་ལ་ཅི་ནས་ཀྱང་དེ་དག་བླ་ན་མེད་པ་ཡང་དག་པར་
D53.040.0179a07.01