完整藏文原文 · 德格版页 当前仅加载第 40 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིམས་ཡོངས་སུ་དག་པས་འགྱོད་པ་མེད་ཅིང་དེ་སྒྲིབ་པ་མེད་ལ་ལམ་གྱི་རྒྱུན་བཅད་དེ། དེ་བཞིན་གཤེགས་པའི་ཆོས་འདུལ་བ་ལ་ཉེ་བར་རྟེན་ཅིང་གནས་པར་བྱེད་དོ། །རིགས་ཀྱི་བུ་དེ་ནི་བྱང་ཆུབ་སེམས་དཔའི་ཁྲེལ་ཡོད་པ་ཞེས་བྱ་སྟེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ནན་ཏན་སྙིང་པོར་བྱེད་པ་
D53.040.0167b01.01ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །རྫོགས་སངས་རྒྱས་དང་སངས་རྒྱས་ཀྱི། །ཉན་ཐོས་ནན་ཏན་སྙིང་པོར་བྱེད། །དེ་ཕྱིར་ནན་ཏན་ཐོབ་བྱའི་ཕྱིར། །ཤེས་རབ་ཅན་གྱིས་རྟག་བརྩོན་གྱིས། །ནན་ཏན་ལ་ནི་འཇིགས་མེད་པའི། །བྱང་ཆུབ་
D53.040.0167b02.01སེམས་དཔའ་ཤེས་རབ་ཆེ། །སངས་རྒྱས་ཀུན་གྱིས་བསྟེན་པ་ཡི། །བྱང་ཆུབ་རྡུལ་མེད་རྟོགས་པར་འགྱུར། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་རིགས་ཕུན་སུམ་ཚོགས་པ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་རང་བཞིན་གྱིས་འདོད་ཆགས་དང་། ཞེ་སྡང་
D53.040.0167b03.01དང་། གཏི་མུག་ཆུང་བ་དང་། ཕྲག་དོག་མེད་པ་དང་། སེར་སྣ་མེད་པ་དང་། གཡོ་མེད་པ་དང་། སྒྱུ་མེད་པ་ཡིན། མི་རྩུབ་པ་དང་། མི་བརླང་པ་དང་། མི་རྒོད་པ་དང་། མ་ཁེངས་པ་ཡིན། མི་ཅོར་ཞིང་མུ་ཅོར་མི་སྨྲ་བ་ཡིན། དྲང་བ་དང་མཉེན་པ་ཡིན། དེས་པ་དང་། འགྲོགས་ན་བདེ་བ་
D53.040.0167b04.01ཡིན། རང་བཞིན་གྱིས་མཆོད་པ་དང་། རིམ་གྲོ་བྱ་བ་རྒྱ་ཆེན་པོ་དག་ལ་སེམས་འཇུག་པ་དང་། ལོངས་སྤྱོད་པ་དང་། འཚོ་བའི་ཡོ་བྱད་ཡོད་ཅིང་བདོག་པ་དག་གཞན་དག་ལ་བགེད་པའི་ངང་ཚུལ་ཅན་ཡིན། ལག་པ་དང་། རྐང་པ་དང་། མིག་དང་། ཡན་ལག་གི་དམ་པ་མགོ་ཤིན་ཏུ་དང་ཞིང་
D53.040.0167b05.01གསལ་བ་ཡིན། དེས་དེ་བཞིན་གཤེགས་པ་འམ། དེ་བཞིན་གཤེགས་པའི་ཉན་ཐོས་དག་མཐོང་ན་མཐོང་མ་ཐག་ཁོ་ནར་དད་པ་དང་། དང་བ་ཐོབ་པར་འགྱུར་ཞིང་། དེ་དད་པ་དང་དང་བ་དེས་རིགས་ཕུན་སུམ་ཚོགས་པ་འཐོབ་པར་འགྱུར་བ་སྟེ། རིགས་ཀྱི་བུ་དེ་ལྟར་ན་བྱང་ཆུབ་སེམས་
D53.040.0167b06.01དཔའ་རིགས་ཕུན་སུམ་ཚོགས་པ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །དུ་བ་ལས་ནི་མེར་ཤེས་ཤིང་། །ཆུ་སྐྱར་ལས་ནི་ཆུར་ཤེས་ལྟར། །བློ་ལྡན་བྱང་ཆུབ་སེམས་དཔའ་ཡི། །རིགས་ནི་མཚན་མ་རྣམས་ལས་ཤེས། །མི་
D53.040.0167b07.01