完整藏文原文 · 德格版页 当前仅加载第 34 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུ་འདི་བྱང་ཆུབ་སེམས་དཔའ་གང་གི་ལག་ཏུ་འགྲོ་བར་འགྱུར་བ་དེ་མྱུར་དུ་ཐམས་ཅད་མཁྱེན་པའི་དམིགས་པ་དང་ལྡན་པར་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སེམས་ཅན་གང་དག་
D14.034.0098b01.01དགེ་བའི་རྩ་བ་མཆོག་དང་ལྡན་པར་གྱུར་ཅིང་སྤྱོད་པ་ཡང་བཟང་རྒྱ་ཆེན་པོ་ལ་ཡང་མོས་པར་གྱུར་ལ། དེ་དག་མིའི་ལུས་ལ་མི་འཐུན་པར་འདུ་ཤེས་འཇོག་ཅིང་། ཚུལ་ཁྲིམས་ཕུན་སུམ་ཚོགས་པར་གྱུར་པ། སྐྱེ་བོ་མང་པོའི་བྱ་བ་བྱེད་པར་གྱུར་པ་ལྷར་སྐྱེ་བར་འདོད་ན། དེ་དག་ནི་
D14.034.0098b02.01མྱུར་དུ་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་ཞིང་དེ་ན་ཡང་དབང་པོ་བྱེད་པར་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་གང་སུ་དག་དགེ་བའི་རྩ་བ་ཡོངས་སུ་དག་པ་དང་། དགེ་བའི་རྩ་བ་མཆོག་དང་ལྡན་ལ། སྔར་སྦྱིན་པ་སྦྱིན་ཞིང་ཕྱིས་བདག་
D14.034.0098b03.01སྤྱོད་པ་དང་། སྔར་སེམས་ཅན་གཞན་དག་གི་བྱ་བ་བྱེད་དེ། ཕྱིས་བདག་གི་བྱེད་པ་དང་། ཆོས་མ་ཡིན་པ་ལ་འདོད་ཅིང་། ཆགས་པ་མེད་པ་དང་། མི་བཟད་པའི་འདོད་པ་དང་། ཆགས་པ་མེད་པ་དང་། ལྷའི་དབང་པོ་དང་། བདག་པོར་འདོད་པ་དེ་དག་ནི་རིང་པོ་མི་ཐོགས་པར་མི་
D14.034.0098b04.01གཡོ་མི་བསྐྱོད་པར་སུམ་ཅུ་རྩ་གསུམ་པའི་ལྷ་རྣམས་ཀྱི་དབང་པོ་དང་བདག་པོ་བྱེད་པར་འགྱུར་ཏེ། ལྷའི་དབང་པོ་བརྒྱ་བྱིན་དུ་ཡང་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ་གང་ལ་ཉེ་བར་གྱུར་
D14.034.0098b05.01པ་དེ་མྱུར་དུ་ཆོས་ཐམས་ཅད་ལ་དབང་བྱེད་པའི་དབང་པོ་རྗེས་སུ་ཐོབ་པར་འགྱུར་ཞིང་དེར་ཐུག་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ། དཔེར་ན་སེམས་ཅན་གང་དག་ཚངས་པའི་གནས་པ་བཞི་རྙེད་པར་འགྱུར་བ་དེ་དག་ནི་མྱུར་དུ་ཚངས་པའི་འཇིག་རྟེན་དུ་སྐྱེ་བར་འགྱུར་
D14.034.0098b06.01བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ་གང་ལ་ཉེ་བར་གྱུར་པ་དེ་མྱུར་དུ་ཆོས་ཀྱི་འཁོར་ལོ་བསྐོར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ་འདི་ལྟ་སྟེ་དཔེར་ན་དབྱར་གྱི་ཟླ་བ་ཉེ་བར་གནས་པ་ན། ས་ཆེན་པོ་
D14.034.0098b07.01