完整藏文原文 · 德格版页 当前仅加载第 34 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
མོས་པ་ང་རྒྱལ་ཅན་རྣམས་ནི་ང་རྒྱལ་གྱི་དབང་གིས་འགྲོ་བས། དེ་དག་སངས་རྒྱས་ཀྱི་བྱང་ཆུབ་ལ་མི་འཐུན་པར་གནས་སོ། །ཀུན་དགའ་བོ་འཁོར་དེ་ནི་གཙང་མ་སྟེ། སྔོན་གྱི་རྒྱལ་བ་རྣམས་ལ་བྱ་བ་བྱས་ཤིང་དགེ་བའི་རྩ་བ་བསྐྱེད་པ། སངས་
D14.034.0034a01.01རྒྱས་མང་པོ་ལ་བསྙེན་བཀུར་བྱས་པ། ཟབ་མོ་ལ་མོས་པ། ཟབ་མོ་སྤྱོད་པ་སྟེ། ཀུན་དགའ་བོ་འཁོར་འདི་ལ་དེ་བཞིན་གཤེགས་པས་ཡིད་བརྟན་ནས། ཆོས་མངོན་པར་སྟོན་གྱི་རྗེས་སུ་སྲུང་བའི་ཆོས་ནི་ཅུང་ཟད་ཀྱང་མི་སྟོན་ཏོ། །ཀུན་དགའ་བོ་འཁོར་
D14.034.0034a02.01འདི་ནི་སྙིང་པོ་སྟེ། ས་ཞག་དང་། གསེག་མ་དང་། གྱོ་མོ་མེད་པ། སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ་སྙིང་པོ་ལ་རབ་ཏུ་གནས་པའོ། །ཀུན་དགའ་བོ་གསེག་མ་དང་། གྱོ་མོ་ཞེས་བྱ་བ་དེ་ནི་བྱིས་པ་སོ་སོའི་སྐྱེ་བོ་རྣམས་ཀྱི་ཚིག་{བླ་དགས་,བླ་དྭགས་}
D14.034.0034a03.01ཏེ། གང་དག་ཆོས་འདི་ལ་གོ་སྐབས་མེད་པའོ། །ཀུན་དགའ་བོ་ས་ཞག་ཅེས་བྱ་བ་དེ་ནི་སེམས་ཅན་ང་རྒྱལ་ཅན་རྣམས་ཀྱི་ཚིག་{བླ་དགས་,བླ་དྭགས་}སོ། །ཀུན་དགའ་བོ་འཁོར་འདི་ནི་ང་རྒྱལ་མེད་པ་དགེ་བའི་རྩ་བ་ཆེན་པོས་མངོན་པར་འཕགས་པའོ། །ཀུན་དགའ་བོ་འདི་ལྟ་
D14.034.0034a04.01སྟེ། དཔེར་ན་ཀླུའི་རྒྱལ་པོ་མ་དྲོས་པ་རབ་ཏུ་དགའ་བར་གྱུར་ཏེ། དགའ་བ་དང་། ཡིད་བདེ་བ་སྐྱེས་ནས། རང་གི་གནས་ན་འདོད་པའི་ཡོན་ཏན་ལྔ་ལ་ཀུན་དུ་སྤྱོད་ཅིང་། རང་གི་གནས་ན་རབ་ཏུ་དགའ་བར་ཡན་ལག་བརྒྱད་དང་ལྡན་པའི་ཆར་པའི་ཆུ་ཆེན་པོ་འབེབས་
D14.034.0034a05.01སོ། །དེའི་བུར་གྱུར་པ་དེ་དག་ཀྱང་རབ་ཏུ་དགའ་ནས། རང་རང་གི་གནས་ན་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ཏེ་རྩེ་ཞིང་ཆར་ཆེན་པོ་འབེབས་སོ། །ཀུན་དགའ་བོ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D14.034.0034a06.01ཀྱང་ཆོས་ཀྱི་ཆར་ཆེན་པོ་འབེབས་སོ། །གང་འདི་སྲས་ཐུ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་འཇིག་རྟེན་གྱི་ཁམས་འདི་ནས་རང་རང་གི་སངས་རྒྱས་ཀྱི་ཞིང་དུ་སོང་སྟེ། ཆོས་ཀུན་འབྱུང་བ་འདི་ལས་བརྩམས་ནས། དེ་བཞིན་གཤེགས་
D14.034.0034a07.01