完整藏文原文 · 德格版页 当前仅加载第 34 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དང་འདུ་བ་ལ་མི་སྤྱོད། གཟུགས་ལ་མི་ཆགས་པ་ཉིད་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་ཆགས་པ་ཉིད་དང་འདུ་བ་ལ་མི་སྤྱོད། རྣམ་པར་ཤེས་པ་ལ་མི་ཆགས་པ་ཉིད་དང་འབྲལ་བ་ལ་མི་སྤྱོད། གཟུགས་
D14.034.0093b01.01ལ་མི་ཆགས་པ་ཉིད་ཀྱི་རྣམ་པར་དག་པ་དང་འདུ་བ་ལ་མི་སྤྱོད། གཟུགས་ལ་མི་ཆགས་པ་ཉིད་ཀྱི་རྣམ་པར་དག་པ་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་སྤྱོད་པ་ཉིད་ཀྱི་རྣམ་པར་དག་པ་དང་འདུ་བ་ལ་མི་སྤྱོད། རྣམ་པར་
D14.034.0093b02.01ཤེས་པ་ལ་མི་ཆགས་པ་ཉིད་ཀྱི་རྣམ་པར་དག་པ་དང་འབྲལ་བ་ལ་མི་སྤྱོད། གཟུགས་ཀྱི་དམིགས་པ་རྣམ་པར་དག་པ་དང་འདུ་བ་ལ་མི་སྤྱོད། གཟུགས་ཀྱི་དམིགས་པ་རྣམ་པར་དག་པ་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་
D14.034.0093b03.01དམིགས་པ་རྣམ་པར་དག་པ་ལ་མི་སྤྱོད། རྣམ་པར་ཤེས་པའི་དམིགས་པ་རྣམ་པར་དག་པ་དང་འབྲལ་བ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ་བྱང་ཆུབ་སེམས་དཔས་གཡོ་བ་དང་། རློམ་སེམས་དང་། འགུལ་བ་དང་། སྤྱོད་པ་དང་། རྣམ་པར་སྤྱོད་པ་དེ་དག་
D14.034.0093b04.01ཐམས་ཅད་ཡོངས་སུ་ཤེས་ནས་གང་ལ་ཡང་མི་སྤྱོད། རྣམ་པར་མི་སྤྱོད་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི་གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཆགས་པར་མི་
D14.034.0093b05.01སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པར་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཆགས་པར་མི་སྤྱོད། རྣམ་པར་ཤེས་པ་འདས་
D14.034.0093b06.01པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པར་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་ལ་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་མ་ཡིན་པ་ལ་མི་སྤྱོད། ཚོར་བ་དང་།
D14.034.0093b07.01