完整藏文原文 · 德格版页 当前仅加载第 34 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྲུབ་པའི་ཕྱིར་ཉེ་བར་གནས་པ་མ་ཡིན་ནོ། །གང་ལ་མཚན་ཉིད་མེད་པ་དེ་ནི་མཚན་ཉིད་མེད་པ་ཞེས་བྱའོ། །གང་མཚན་ཉིད་མེད་པ་དེ་ལ་ཆགས་པ་མེད་དོ། །གལ་ཏེ་ཆོས་ཀྱི་དབྱིངས་མཚན་ཉིད་ཅིག་ཡོད་ན་ནི་ཆོས་ཐམས་ཅད་ལ་ཆགས་པར་ཡང་འགྱུར་ན། གང་གི་ཕྱིར་ཆོས་
D14.034.0061b01.01ཐམས་ཅད་ལ་མཚན་ཉིད་མེད་པ་དེའི་ཕྱིར་དེ་དག་ལ་ཆགས་པ་མེད་དེ། དེས་ན་ཆོས་ཐམས་ཅད་ཆགས་པ་མེད་པའི་མཚན་ཉིད་ཅེས་བྱ་སྟེ། ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ། །གང་ཆགས་པ་མེད་པའི་མཚན་ཉིད་དེ་ནི་བརྗོད་པར་མི་ནུས་སོ། །དེ་ཅིའི་ཕྱིར་ཞེ་ན། མེད་པའི་
D14.034.0061b02.01ཕྱིར་ཆགས་པ་མེད་པའི་མཚན་ཉིད་དོ། །དབེན་པའི་ཕྱིར་ཆགས་པ་མེད་པའི་མཚན་ཉིད་དོ། །མི་དམིགས་པའི་ཕྱིར་ཆགས་པ་མེད་པའི་མཚན་ཉིད་དོ། །ཤཱ་རིའི་བུ་ཆོས་གང་ཆགས་པ་མེད་པའི་མཚན་ཉིད་ཀྱི་ཆོས་གང་ཡིན་པ་དེ་ནི་མཐོང་བ་ཅིར་ཡང་ཉེ་བར་གནས་པ་མ་ཡིན་ཞིང་མི་མཐོང་
D14.034.0061b03.01བར་ཡང་མ་ཡིན་མོད་ཀྱི། འོན་ཀྱང་དེ་སེམས་ཅན་རྣམས་ལ་ཆགས་པ་མེད་པའི་མཚན་ཉིད་ཅེས་བསྟན་པ་བྱས་སོ། །ཤཱ་རིའི་བུ་ཀུན་ནས་ཉོན་མོངས་པའི་མཚན་ཉིད་གང་ཡིན་པ་དེ་ནི་མཚན་ཉིད་མེད་པ་སྟེ། ཀུན་ནས་ཉོན་མོངས་པ་ནི་མཚན་ཉིད་ཀྱིས་ཉེ་བར་གནས་པ་མ་ཡིན་གྱི། ཤཱ་རིའི་
D14.034.0061b04.01བུ་ཀུན་ནས་ཉོན་མོངས་པ་ནི་ཕྱིན་ཅི་ལོག་གིས་ཉེ་བར་གནས་པའོ། །ཕྱིན་ཅི་ལོག་གང་ཡིན་པ་དེ་ནི་མཚན་ཉིད་མེད་པའོ། །གང་མཚན་ཉིད་མེད་པ་དེ་ཐ་སྙད་ཀྱིས་ཀྱང་མཚན་ཉིད་མེད་དེ། དེ་མཚན་ཉིད་མེད་པ་ཁོ་ནའོ། །ཤཱ་རིའི་བུ་རྣམ་པར་བྱང་བ་དེ་ཡང་མཚན་ཉིད་མེད་པའོ། །དེ་
D14.034.0061b05.01ཅིའི་ཕྱིར་ཞེ་ན། ཤཱ་རིའི་བུ་ཀུན་ནས་ཉོན་མོངས་པ་ཉིད་ཀྱང་མཚན་ཉིད་མེད་ན་རྣམ་པར་བྱང་བ་ལྟ་ཅི་སྨོས། ཤཱ་རིའི་བུ་གང་ཀུན་ནས་ཉོན་མོངས་པ་ཡོངས་སུ་ཤེས་པ་དེ་ནི་ཡང་དག་པ་ཇི་ལྟ་བ་བཞིན་ཏེ། དེ་ལ་ཀུན་ནས་ཉོན་མོངས་པ་ཅི་ཡང་མེད་མོད་ཀྱི། སེམས་ཅན་རྣམས་ནི་ཕྱིན་ཅི་
D14.034.0061b06.01ལོག་པས་ཀུན་ནས་ཉོན་མོངས་སོ། །གང་ཕྱིན་ཅི་ལོག་པ་དེ་ཡང་དག་པ་མ་ཡིན་ནོ། །གང་ཡང་དག་པ་མ་ཡིན་པ་དེ་ལ་ཡང་དག་པ་ཡོངས་སུ་གྲུབ་པ་འམ་མཚན་ཉིད་མེད་དོ། །ཤཱ་ར་དྭ་ཏིའི་བུ་གང་དེ་ལྟར་ཤེས་པ་དེ་ནི་རྣམ་པར་བྱང་བ་ཞེས་བྱའོ། །ཀུན་ནས་ཉོན་མོངས་པ་
D14.034.0061b07.01