完整藏文原文 · 德格版页 当前仅加载第 34 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །ཆོས་ཐམས་ཅད་རྣམ་པར་དག་པའི་ཕ་རོལ་ཏུ་ཕྱིན་པ་ཐོབ་པས་ཆོས་ཡོངས་སུ་མི་ཉམས་པར་འགྱུར་རོ། །ཆོས་སྟོན་པ་ལ་བག་ཚ་བ་མེད་པར་འགྱུར་རོ། །འཁོར་གྱི་ནང་དུ་འགྲོ་བ་ལ་སྤ་གོང་བ་མེད་པར་འགྱུར་རོ། །ཆོས་ཀྱི་སྦྱིན་པ་ལ་འཛིན་པ་མེད་ཅིང་
D14.034.0086a01.01ལྷུག་པར་གཏོང་བར་འགྱུར་རོ། །ལམ་མཉམ་པས་ལམ་རྣམ་པར་སྦྱངས་པར་འགྱུར་རོ། །ལམ་ངན་པ་ཡོངས་སུ་ཤེས་པས་བསྒོམ་པ་བསྒོམས་པར་འགྱུར་རོ། །ཆོས་རྣམ་པར་དག་པས་བག་ཆགས་བསྒོམ་པར་འགྱུར་རོ། །ཤེས་རབ་རྣམ་པར་དག་པས་སྦྱང་བ་སྦྱངས་པར་འགྱུར་རོ། །རྒྱ་མཚོ་
D14.034.0086a02.01དང་མཚུངས་པའི་ཕྱིར་ཤེས་རབ་ཟབ་པར་འགྱུར་རོ། །བག་ཚ་བ་མེད་པས་གཏིང་དཔག་དཀའ་བར་འགྱུར་རོ། །ཆོས་རྒྱ་མཚོ་དཔག་ཏུ་མེད་པས་དཔག་ཏུ་མེད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ་དེ་ལྟར་སྤྱོད་པའི་བྱང་ཆུབ་སེམས་དཔའ་ནི་ཡོན་ཏན་དེ་རྣམས་དང་། གཞན་
D14.034.0086a03.01དག་དང་ཡང་ལྡན་པ་ཡིན་ཏེ། དེ་དག་གི་ཡོན་ཏན་ནི་རྟོགས་པར་མི་ནུས་སོ། །རབ་ཀྱི་རྩལ་གྱིས་རྣམ་པར་གནོན་པ་གཞན་ཡང་བྱང་ཆུབ་སེམས་དཔའ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་གཟུགས་དང་མི་ལྡན་པར་མི་འགྱུར། ལོངས་སྤྱོད་དང་མི་ལྡན་པར་མི་འགྱུར།
D14.034.0086a04.01གཡོག་དང་མི་ལྡན་པར་མི་འགྱུར། རུས་དང་མི་ལྡན་པར་མི་འགྱུར། རིགས་དང་མི་ལྡན་པར་མི་འགྱུར། ཡུལ་དང་མི་ལྡན་པར་མི་འགྱུར། མཐའ་འཁོབ་ཀྱི་ཡུལ་དུ་སྐྱེ་བར་མི་འགྱུར། མི་དལ་བ་རྙེད་པར་མི་འགྱུར་རོ། །སེམས་ཅན་ཡོངས་སུ་མ་དག་པ་ལས་ཀྱི་མཐའ་
D14.034.0086a05.01ཡོངས་སུ་མ་དག་པ་རྣམས་དང་འདུ་བར་མི་འགྱུར། རང་གི་སེམས་མི་འདོར། ཤེས་རབ་ཉམས་པར་མི་འགྱུར་ཏེ། ཆོས་གང་ཕ་རོལ་ལས་ཐོས་པ་དེ་ཆོས་ཐམས་ཅད་མཉམ་པ་ཉིད་དང་སྦྱོར་རོ། །སངས་རྒྱས་ཀྱི་རིགས་དང་ཐམས་ཅད་མཁྱེན་པའི་རིགས་མི་གཅོད་པར་གནས་པར་འགྱུར་
D14.034.0086a06.01རོ། །སངས་རྒྱས་ཀྱི་ཆོས་ལ་སྣང་བ་ཐོབ་པར་འགྱུར་རོ། །ཐམས་ཅད་མཁྱེན་པ་དང་ཉེ་བར་འགྱུར་རོ། །གལ་ཏེ་དེ་ལྟར་བདུད་སྡིག་ཅན་ཐོ་འཚམ་པའི་ཕྱིར་འོངས་ན་དེས་དེ་དག་གི་སྤོབས་པ་གཅོད་ཅིང་བདུད་ཀྱི་ཞགས་པ་ཐམས་ཅད་གཅོད་དེ། བདུད་འཁོར་དང་བཅས་པ་ཐལ་
D14.034.0086a07.01