完整藏文原文 · 德格版页 当前仅加载第 34 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་རྣམ་པར་གནོན་པ་རྟོག་པ་ཞེས་བྱ་བ་དེ་ནི་མཐའ་གཅིག་གོ། །མི་རྟོག་པ་ཞེས་བྱ་བ་དེ་ནི་མཐའ་གཉིས་ཏེ། རབ་ཀྱི་རྩལ་གྱིས་རྣམ་པར་གནོན་པ་བྱང་ཆུབ་སེམས་དཔའ་ནི་མཐའ་དང་མཐའ་མེད་པ་ལ་མི་སྤྱོད་དོ། །གང་མཐའ་དང་མཐའ་མེད་པ་ལ་མི་སྤྱོད་པ་དེས་ནི་
D14.034.0068a01.01དབུས་ཡང་དག་པར་རྗེས་སུ་མི་མཐོང་ངོ་། །རབ་ཀྱི་རྩལ་གྱིས་རྣམ་པར་གནོན་པ་དབུས་ཡང་དག་པར་རྗེས་སུ་མཐོང་ཞིང་དབུས་ལ་སྤྱོད་ན་ནི་མཐའ་ཉིད་ལ་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ་དབུས་ལ་ནི་སྤྱོད་པ་བསྟན་པའམ། ངེས་པར་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་
D14.034.0068a02.01རྣམ་པར་གནོན་པ་དབུས་ཞེས་བྱ་བ་དེ་ནི་འཕགས་པའི་ལམ་ཡན་ལག་བརྒྱད་པའི་ཚིག་{བླ་དགས་,བླ་དྭགས་}སོ། །རབ་ཀྱི་རྩལ་གྱིས་རྣམ་པར་གནོན་པ་འཕགས་པའི་ལམ་ཡན་ལག་བརྒྱད་པ་ནི་ཆོས་གང་དམིགས་པ་དང་། ཆོས་གང་མཐོང་བའི་ཕྱིར་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་
D14.034.0068a03.01རྣམ་པར་གནོན་པ་ནམ་ཆོས་གང་ལ་ཡང་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེའི་ཚེ་ལམ་གྱི་རྒྱུན་གཅད་ཅེས་བྱའོ། །དེ་ཆོས་ཐམས་ཅད་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པས་སྒོམ་པ་ལས་ཡང་དག་པར་འདས་ནས་ཆོས་མཉམ་པ་ཉིད་རྙེད་དེ། ཆོས་
D14.034.0068a04.01མཉམ་པ་ཉིད་དེས་ལམ་གྱི་འདུ་ཤེས་ཀྱང་མི་འབྱུང་ན། ལམ་མཐོང་བར་ལྟ་ག་ལ་འགྱུར། རབ་ཀྱི་རྩལ་གྱིས་རྣམ་པར་གནོན་པ་ལམ་གྱི་རྒྱུན་གཅད་ཅེས་བྱ་བ་དེ་ནི་དགེ་སློང་ཟག་པ་ཟད་པ། དགྲ་བཅོམ་པའི་ཚིག་{བླ་དགས་,བླ་དྭགས་}སོ། །དེ་ཅིའི་ཕྱིར་ཞེ་ན། དེས་བསྒོམས་པ་ཡང་མེད་ཅིང་བསྒོམས་
D14.034.0068a05.01པ་མེད་པ་ཡང་མ་ཡིན་པར་ལམ་བསྒོམས་པ་མེད་པས་དེའི་ཕྱིར་བསྒོམས་པ་མེད་ཅེས་བྱའོ། །བསྒོམ་པ་མེད་པ་ཡང་དེ་ལ་མེད་པས་དེའི་ཕྱིར་བསྒོམ་པ་མེད་ཅེས་བྱའོ། །དེ་བསྒོམ་པ་དང་བྲལ་བས་དེའི་ཕྱིར་བསྒོམ་པ་མེད་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་གལ་ཏེ་བསྒོམ་པའམ།
D14.034.0068a06.01སྒོམ་པར་བྱེད་པ་ཞིག་ཡོད་ན་ནི་དེ་དམིགས་པར་འགྱུར་ཏེ། དེ་བསྒོམ་པ་མེད་པར་མི་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ་བསྒོམ་པ་མེད་པ་ཞེས་བྱ་བ་ནི་དེ་བསྒོམ་པ་དང་བྲལ་བས་བསྒོམ་པ་མེད་པ་སྟེ། འདི་དངོས་པོ་དང་བྲལ་བས་དེའི་ཕྱིར་བསྒོམ་པ་མེད་པ་ཞེས་བྱ་སྟེ། ཇི་སྐད་
D14.034.0068a07.01