完整藏文原文 · 德格版页 当前仅加载第 34 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲེལ་པར་འབྱུང་བའི་འགོག་པ་མེད་པ་སྟེ། སྐྱེ་བ་མེད་པ་ནི་རྟེན་ཅིང་འབྲེལ་པར་འབྱུང་བ་ཞེས་བྱའོ། །གང་འབྲེལ་པར་འབྱུང་བ་དེ་ནི་མ་བྱུང་བའོ། །གང་མ་བྱུང་བ་དེ་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ནོ། །གང་འདས་པ་མ་ཡིན། མ་འོངས་
D14.034.0026b01.01པ་མ་ཡིན། ད་ལྟར་བྱུང་བ་མ་ཡིན་པ་དེ་ལ་འགོག་པ་མེད་དོ། །གང་འགོག་པ་མེད་པ་དེ་ནི་མི་སྐྱེ་བ་ཤེས་པ་ཞེས་བྱའོ། །གང་གིས་མི་སྐྱེ་བར་ཤེས་པ་དེ་ནི་ཡང་སྐྱེད་པ་མ་ཡིན་འགོག་པ་མངོན་སུམ་དུ་བྱེད་པའང་མ་ཡིན་ནོ། །གང་མི་སྐྱེད་པ་དེ་འགོག་པར་མི་བྱེད་དེ་སྐྱེ་བ་
D14.034.0026b02.01ཡོད་ན་ནི་འགོག་པར་ཡང་ཤེས་སོ། །གང་མི་སྐྱེད་པ་དེས་ཆོས་ཐམས་ཅད་འགོག་པ་ཉིད་དུ་ཤེས་ཤིང་མཐོང་ལ་རབ་ཏུ་རྟོགས་ཤིང་མངོན་སུམ་དུ་བྱས་ཏེ། དེའི་ཕྱིར་འགོག་པ་མངོན་སུམ་དུ་བྱས་པ་ཞེས་བྱའོ། །ཟད་པ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་
D14.034.0026b03.01གནོན་པ་མི་ཤེས་པ་ཟད་པ་དེའི་ཕྱིར་ཟད་པ་ཤེས་པ་ཞེས་བྱའོ། །གང་གིས་ཟད་ཅེ་ན། མི་ཟད་པས་ཟད་དེ་དེའི་ཟད་པ་ཡང་མི་མཐོང་ངོ་། །རབ་ཀྱི་རྩལ་གྱིས་རྣམ་པར་གནོན་པ་མི་ཤེས་པ་མེད་པས། དེའི་ཕྱིར་དེ་ཟད་པ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་
D14.034.0026b04.01པ་མི་ཤེས་པ་ཡོངས་སུ་ཤེས་པ་དེའི་ཕྱིར་མི་ཤེས་པ་ཟད་དེ་ཟད་པ་ཤེས་པ་ཞེས་བྱའོ། །མི་ཤེས་པ་ནི་ཟད་པའམ་མ་ཟད་པ་མ་ཡིན་ཏེ། འདི་ནི་ཤེས་པ་དང་བྲལ་བའི་ཕྱིར་ཟད་པ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་འདི་ནི་ཡང་དག་པ་ཇི་ལྟ་བ་བཞིན་
D14.034.0026b05.01དུ་ཡོངས་སུ་ཤེས་པ་སྟེ། དེའི་ཕྱིར་བྲལ་བ་ཞེས་བྱའོ། །མི་ཤེས་པ་དང་བྲལ་བ་དང་། ཤེས་པ་དང་བྲལ་བ་འདི་ལས་གཞན་ཅི་ཡང་མི་དམིགས་སོ། །ཡེ་ཤེས་ཉིད་ཀྱང་མི་དམིགས་ན་གང་ཟད་པ་ལས་རྣམ་པར་གྲོལ་བ་མི་ཤེས་པ་ལྟ་ཅི་སྨོས་ཏེ་དེའི་ཕྱིར་ཟད་པ་ཤེས་
D14.034.0026b06.01པ་ཞེས་བྱ་སྟེ། ཇི་སྐད་བརྗོད་པ་བཞིན་དུ་ནི་མ་ཡིན་ནོ། །ཟད་པ་ཤེས་པ་གང་ཡིན་པ་དེ་ལ་ཐ་སྙད་དུ་གདགས་པ་གང་ཡང་མེད་མོད་ཀྱི་འོན་ཀྱང་འདི་ལྟར་མི་ཤེས་པ་ཟད་པ་དང་། ཟད་པ་ཤེས་པ་ཞེས་བསྟན་ཏོ། །རབ་ཀྱི་རྩལ་གྱིས་རྣམ་པར་གནོན་པ་གང་གིས་ཆོས་ཐམས་
D14.034.0026b07.01