完整藏文原文 · 德格版页 当前仅加载第 28 函德格 376a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་མེད་པར་གྱུར་ཀྱང་བླའོ། །བདག་གི་ལུས་སྟོང་ཕྲག་དུ་མ་འདོད་པའི་རྒྱུ་དང་། འདོད་པའི་གཞི་དང་། འདོད་པའི་མཚན་མར་འཁོར་བ་ན་ཡང་དང་ཡང་དུ་འཁོར་བའི་ཚེ། ཆུད་ཟོས་ཀྱི་གནས་འདི་ལྟ་བུ་དག་ཏུ་ནི་མ་
D9.028.0376a01.01སོང་ངོ་། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་མཚོན་རྣོན་པོ་ཞིག་ཐོགས་ཏེ་བདག་གི་ལུས་ཀུན་ཕུག་ནས། ས་ཕྱོགས་དེ་ཀུན་བདག་གི་ཁྲག་གིས་ཆག་ཆག་བཏབ་བོ། །ཚོང་དཔོན་གྱི་བུ་མོ་ལ་སོགས་པ་བུ་མོ་ལྔ་བརྒྱ་པོ་
D9.028.0376a02.01དེ་རྣམས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བའི་རྗེས་སུ་སློབ་པས། ཐམས་ཅད་ཀྱིས་མཚོན་རྣོན་པོ་བླངས་ནས། བདག་ཅག་གི་ལུས་ཕུག་སྟེ། ས་ཕྱོགས་དེ་བདག་ཅག་གི་ཁྲག་གིས་ཆག་ཆག་བཏབ་བོ། །
D9.028.0376a03.01བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་དང་། བུ་མོ་དེ་རྣམས་ཀྱང་སེམས་གཞན་དུ་མ་གྱུར་ཏེ། བདུད་སྡིག་ཏོ་ཅན་གྱིས་དགེ་བའི་ཕྱོགས་ལ་བར་ཆད་བྱ་བའི་སྐབས་རྙེད་པར་ཡང་མ་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་
D9.028.0376a04.01འདི་སྙམ་དུ་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་འདི་དེ་ལྟར་ཆོས་འདོད་པ་དང་། དེ་ལྟར་ཡི་དམ་ལ་བརྟན་པ་དང་། གོ་ཆ་ཆེན་པོ་བགོས་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཕྱིར་ལུས་
D9.028.0376a05.01དང་སྲོག་ལ་མི་ལྟ་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས། ལྷག་པའི་བསམ་པས་འདི་ལྟར་སེམས་ཅན་རྣམས་འཁོར་བའི་སྡུག་བསྔལ་དཔག་ཏུ་མེད་པ་ལས་ཡོངས་སུ་ཐར་བར་བྱ་བར་སེམས་པ་
D9.028.0376a06.01དེ་ངོ་མཚར་ཆེའོ། །དེ་ནས་ལྷའི་དབང་པོ་བརྒྱ་བྱིན་གྱིས་ཁྲག་དེ་ཐམས་ཅད་ལྷའི་ཙན་དན་གྱི་ཆུར་བྱིན་གྱིས་བརླབས་སོ། །ས་ཕྱོགས་དེ་ཁོ་ར་ཁོར་ཡུག་ཀྱང་། ལྷའི་ཙན་དན་གྱི་ཆུའི་དྲི་བསམ་གྱིས་མི་ཁྱབ་པ་དཔག་ཚད་བརྒྱའི་བར་དུ་བསང་བར་བྱས་སོ། །དེ་
D9.028.0376a07.01