完整藏文原文 · 德格版页 当前仅加载第 28 函德格 365b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། རིགས་ཀྱི་བུ་ཁྱོད་ཅིའི་ཕྱིར་བདག་ལ་བདག་ཁྲག་འབྱིན། དེ་ནས་རིགས་ཀྱི་བུ་དེས་བདག་ལ་འདི་སྐད་སྨྲས་སོ། །བྲམ་ཟེའི་ཁྱེའུ་འདི་ལ་ཁྲག་དང་སྙིང་དང་རུས་པ་དང་རྐང་སྦྱིན་ནོ། །དེ་ཅིའི་ཕྱིར་ཞེ་ན། བདག་ནི་དབུལ་བས་ནོར་གཞན་ཅུང་ཟད་ཀྱང་
D9.028.0365b01.01མེད་དོ། །དེ་ལ་བདག་གིས་འདི་སྐད་སྨྲས་སོ། །ནོར་དེས་ཁྱོད་ལ་ཅི་ཞིག་བྱ། དེས་བདག་ལ་འདི་སྐད་སྨྲས་སོ། །ཤེས་རབ་ཀྱི་ཕ་རོལ་དུ་ཕྱིན་པ་ལ་མཆོད་ཅིང་ཆོས་འདོད་པའི་ཕྱིར། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་
D9.028.0365b02.01ཀྱིས་འཕགས་པ་ལ་རིམ་གྲོར་བྱའོ། །དེ་ལ་བདག་གིས་འདི་སྐད་སྨྲས་སོ། །རིགས་ཀྱི་བུ་ཁྱོད་དེ་ལས་ཡོན་ཏན་གྱི་རིགས་དང་། ཡོན་ཏན་གྱི་བྱེ་བྲག་ཅི་ཞིག་འབྱུང་། དེས་བདག་ལ་འདི་སྐད་སྨྲས་སོ། །དེ་ནི་བདག་ལ་སངས་རྒྱས་ཀྱི་ཆོས་དང་སངས་
D9.028.0365b03.01རྒྱས་ཀྱི་ཡོན་ཏན་བསམ་གྱིས་མི་ཁྱབ་པ་རབ་ཏུ་སྟོན་པར་འགྱུར་ཞིང་། དེ་བཞིན་གཤེགས་པའི་ཆོས་དཔག་ཏུ་མེད་པ་མི་འཕྲོགས་པ་དེ་ལྟ་བུའི་ཆོས་རྣམས་དེ་ལས་ཐོབ་པར་འགྱུར་རོ། །དེ་བདག་གིས་ཐོབ་པ་དང་། དགའ་ཞིང་མགུ་བ་ཆེན་པོ་སྐྱེས་ཤིང་།
D9.028.0365b04.01སངས་རྒྱས་ཀྱི་ཆོས་བསམ་གྱིས་མི་ཁྱབ་པ་དེ་དག་ཐོས་པ་དང་བདག་འདི་སྙམ་དུ་གྱུར་ཏོ། །གང་འདི་ལྟ་བུ་དག་བྱེད་ནུས་པ་ནི། རིགས་ཀྱི་བུ་འདི་དཀའ་བ་སྤྱོད་པ་སྟེ་ངོ་མཚར་ཆེའོ། །རིགས་ཀྱི་བུ་འདི་ནི་ཆོས་འདོད་པའི་ཕྱིར་བདག་གིས་ལུས་ཡོངས་སུ་
D9.028.0365b05.01གཏོང་ན། བདག་ཅག་གིས་ཅིའི་ཕྱིར་ཆོས་འདི་མཆོད་པར་མི་བྱ་འདི་ལྟ་བུ་དག་གི་གནས་སུ་ཅིའི་ཕྱིར་སྨོན་ལམ་མི་གདབ། བདག་ཅག་ལ་ལོངས་སྤྱོད་རྒྱ་ཆེན་པོ་རབ་ཏུ་མང་དུ་ཡོད་དོ་སྙམ་ནས། བདག་གིས་རིགས་ཀྱི་བུ་འདི་ལ་འདི་སྐད་སྨྲས་སོ། །
D9.028.0365b06.01རིགས་ཀྱི་བུ་ཁྱོད་བདག་ལ་གནོད་པ་འདི་ལྟ་བུ་མ་བྱེད་ཅིག། བདག་གིས་ནོར་མང་པོ་ཕ་མ་ལས་བསླངས་ཏེ་སྦྱིན་ནོ། །དེས་ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་དང་། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་ལ་
D9.028.0365b07.01