完整藏文原文 · 德格版页 当前仅加载第 28 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སུ་མ་མཆིས་པར་བརྩིས་ཏེ། དེ་ལྟར་གཟུགས་རབ་ཏུ་དབྱེ་བ་མཛད། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནས། སངས་རྒྱས་ཀྱི་ཆོས་ཀྱི་བར་དུ་རབ་ཏུ་དབྱེ་བ་མཛད་ན། བཅོམ་ལྡན་འདས་ཀྱིས་ཅི་ལ་
D9.028.0350a01.01དགོངས་ནས་འདི་ལྟར་གཟུགས་ཤེས་བགྱི་བ་འདི་ལྟར་གཟུགས་ཤེས་བགྱི་བ་འདི་གཉིས་སུ་མ་མཆིས་པར་བརྩིས། འདི་ལྟར་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནས། སངས་རྒྱས་ཀྱི་ཆོས་ཀྱི་བར་དུ་གཉིས་སུ་མ་མཆིས་པར་
D9.028.0350a02.01བརྩིས་ཏེ་བསྟན། དེ་སྐད་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། བྱམས་པ་དེ་ཇི་སྙམ་དུ་སེམས། ཡོངས་སུ་བརྟགས་པའི་གཟུགས་ལ་རྫས་མེད་པ་དེ་གཟུགས་སམ། འོན་ཏེ་གཟུགས་མ་ཡིན།
D9.028.0350a03.01གསོལ་པ། བཅོམ་ལྡན་འདས་མ་ལགས་སོ། །གང་ཡང་དེ་ལ་མིང་དང་། འདུ་ཤེས་དང་། གདགས་པ་དང་། ཐ་སྙད་ཙམ་གྱི་གཟུགས་ཤེས་བྱ་བ་དེ་ཅི་གཟུགས་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བྱམས་པ་རྣམ་གྲངས་དེས་
D9.028.0350a04.01ཀྱང་ཁྱོད་ཀྱིས་འདི་ལྟར་རིག་པར་བྱའོ། །ཡོངས་སུ་བརྟགས་པའི་གཟུགས་གང་ཡིན་པ་དེ་ནི་གཟུགས་ཀྱང་མ་ཡིན། གཟུགས་མེད་པ་ཡང་མ་ཡིན། གཟུགས་ཀྱང་མ་ཡིན། གཟུགས་མེད་པ་ཡང་མ་ཡིན་པ་གང་ཡིན་པ་དེ་ནི་གཉིས་སུ་མེད་པ་སྟེ། ངས་འདི་
D9.028.0350a05.01ལ་དགོངས་ནས་འདི་ལྟར་གཟུགས་ཤེས་བྱ་བ་འདི་གཉིས་སུ་མེད་པར་བརྩི་བར་གསུངས་སོ། །བྱམས་པ་དེ་ཇི་སྙམ་དུ་སེམས། རྣམ་པར་བརྟགས་པའི་གཟུགས་རྫས་ཡོད་པ་དེ་ལ་བརྟེན་ནས། མིང་དང་འདུ་ཤེས་དང་། གདགས་པ་དང་། ཐ་སྙད་དུ་འགྱུར་
D9.028.0350a06.01བ་གང་ཡིན་པ་དེ་ཅི་གཟུགས་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བྱམས་པ་དེ་ཇི་སྙམ་དུ་སེམས། རྣམ་པར་བརྟགས་པའི་གཟུགས་དེ་ཉིད་ལ་ཡོངས་སུ་བརྟགས་པའི་གཟུགས་ཀྱི་ངོ་བོ་ཉིད་མེད་པ་དང་། དེའི་མཚན་ཉིད་མ་ཡིན་པ་
D9.028.0350a07.01