完整藏文原文 · 德格版页 当前仅加载第 28 函德格 346b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཆོས་ཀྱི་བར་དུ་རྣམ་པ་ཐམས་ཅད་དང་། མཚན་ཉིད་ཐམས་ཅད་དུ་མ་མཆིས་པ་ལགས་སམ། དེ་སྐད་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་འདི་སྐད་བཀའ་སྩལ་ཏོ། །བྱམས་པ་ང་ནི་གཟུགས་རྣམ་པ་ཐམས་ཅད་དང་།
D9.028.0346b01.01མཚན་ཉིད་ཐམས་ཅད་དུ་མེད་དོ་ཞེས་མི་སྨྲའོ། །བྱམས་པ་ང་ནི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནས་སངས་རྒྱས་ཀྱི་ཆོས་ཀྱི་བར་དུ་རྣམ་པ་ཐམས་ཅད་དང་། མཚན་ཉིད་ཐམས་ཅད་དུ་མེད་དོ་ཞེས་མི་སྨྲའོ། །དེ་སྐད་བཀའ་སྩལ་པ་དང་
D9.028.0346b02.01བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་སྐད་གསོལ་ཏོ། །བཅོམ་ལྡན་འདས་གཟུགས་ཇི་ལྟ་བུར་མཆིས་བཅོམ་ལྡན་འདས་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནས་སངས་རྒྱས་ཀྱི་ཆོས་ཀྱི་བར་དུ་ཇི་ལྟ་བུར་མཆིས།
D9.028.0346b03.01དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་བཀའ་སྩལ་ཏོ། །བྱམས་པ་གཟུགས་ནི་འཇིག་རྟེན་གྱི་བརྡ་དང་། ཐ་སྙད་དུ་ཡོད་ཀྱི་དོན་དམ་པར་ཡོད་པ་མ་ཡིན་ནོ། །བྱམས་པ་ཚོར་བ་དང་། འདུ་ཤེས་
D9.028.0346b04.01དང་། འདུ་བྱེད་དང་། རྣམ་པར་ཤེས་པ་ནས། སངས་རྒྱས་ཀྱི་ཆོས་ཀྱི་བར་དུ་འཇིག་རྟེན་གྱི་བརྡ་དང་། ཐ་སྙད་དུ་ཡོད་ཀྱི་དོན་དམ་པར་ཡོད་པ་མ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་
D9.028.0346b05.01སྐད་གསོལ་ཏོ། །བཅོམ་ལྡན་འདས་བདག་གིས་བཅོམ་ལྡན་འདས་ཀྱིས་བཀའ་སྩལ་པའི་དོན་འཚལ་བ་ལྟར་ན། དབྱིངས་འདི་ནི་དོན་དམ་པར་བརྗོད་དུ་མ་མཆིས་པའོ། །བཅོམ་ལྡན་འདས་དེ་སྟེ་དོན་དམ་པར་བརྗོད་དུ་མ་མཆིས་པའི་དབྱིངས་ལགས་ན། བཅོམ་ལྡན་
D9.028.0346b06.01འདས་འདུ་བྱེད་ཀྱི་མཚན་མའི་དངོས་པོ་དེ་ལ་ཇི་ལྟར་གཟུགས་ཤེས་བགྱི་བའི་མིང་བླ་ཐབས་སུ་གདགས། འདུ་བྱེད་ཀྱི་མཚན་མའི་དངོས་པོ་གང་ལགས་པ་དེ་ལ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནས། སངས་རྒྱས་ཀྱི་ཆོས་ཀྱི་
D9.028.0346b07.01