完整藏文原文 · 德格版页 当前仅加载第 28 函德格 347b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མེད་པར་འགྱུར་རོ། །བྱམས་པ་གཞུང་འདིས་ཀྱང་ཁྱོད་ཀྱིས་འདི་ལྟར་རིག་པར་བྱའོ། །འདུ་བྱེད་ཀྱི་མཚན་མའི་དངོས་པོ་དེ་བརྗོད་དུ་མེད་པའི་དབྱིངས་ཀྱང་མ་ཡིན། གང་ལ་གཟུགས་ཤེས་བྱ་བ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་
D9.028.0347b01.01པར་ཤེས་པ་ནས། སངས་རྒྱས་ཀྱི་ཆོས་ཤེས་བྱ་བའི་བར་དུ་མིང་བླ་ཐབས་སུ་གདགས་པ་དེ་དག་ལས་བརྗོད་དུ་མེད་པའི་དབྱིངས་གཞན་པ་ཡང་མ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་
D9.028.0347b02.01སྐད་ཅེས་གསོལ་ཏོ། །བཅོམ་ལྡན་འདས་དེ་སྟེ་བྱང་ཆུབ་སེམས་དཔའ་བརྗོད་དུ་མེད་པའི་དབྱིངས་དང་ཉེ་བར་འབྲེལ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་ན། འདུ་བྱེད་ཀྱི་མཚན་མའི་དངོས་པོ་གང་ལ་གཟུགས་ཤེས་བྱ་བ་དང་། ཚོར་བ་དང་། འདུ་ཤེས་
D9.028.0347b03.01དང་། འདུ་བྱེད་དང་། རྣམ་པར་ཤེས་པ་ནས་སངས་རྒྱས་ཀྱི་ཆོས་ཤེས་བགྱི་བའི་བར་དུ་མིང་བླ་ཐབས་སུ་གདགས་པ་གང་ལགས་པ་དེ་དག་དམིགས་སུ་མ་མཆིས་ན། བཅོམ་ལྡན་འདས་དེ་ཅི་ལགས། མཆིས་པ་ལས་དམིགས་སུ་མ་མཆིས་སམ་
D9.028.0347b04.01འོན་ཏེ་མ་མཆིས་པ་ལགས། དེ་སྐད་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། བྱམས་པ་འདུ་བྱེད་ཀྱི་མཚན་མའི་དངོས་པོ་དེ་རང་དབང་དུ་ཡོད་པ་ཉིད་དམ། མེད་པ་ཉིད་དུ་འགྱུར་བ་གང་ཡང་མེད་
D9.028.0347b05.01དོ། །དེ་ཅིའི་ཕྱིར་ཞེ་ན། བྱམས་པ་ཁྱོད་གང་གི་ཚེ། འདུ་བྱེད་ཀྱི་མཚན་མའི་དངོས་པོ་དེ་ལ་རྣམ་པར་རྟོག་པ་དེའི་ཚེ་འདུ་བྱེད་ཀྱི་མཚན་མའི་དངོས་པོ་དེ་རྣམ་པར་རྟོག་པས་གཟུང་བ་མ་ཡིན་ནམ། གང་གི་ཚེ་བརྗོད་དུ་མེད་པའི་དབྱིངས་དང་ཉེ་བར་འབྲེལ་པའི་ཤེས་རབ་ཀྱི་
D9.028.0347b06.01སྤྱོད་པ་ལ་གནས་ཤིང་། རྣམ་པར་མི་རྟོག་པ་དེའི་ཚེ་ན་ཡང་། རྣམ་པར་མི་རྟོག་པས་ཟིན་པར་མ་གྱུར་ཏམ། བཅོམ་ལྡན་འདས་དེ་ལྟ་མ་ལགས་སོ། །བྱམས་པ་དེ་ལྟ་ན་འདུ་བྱེད་ཀྱི་མཚན་མའི་དངོས་པོ་གང་ལ་གཟུགས་ཤེས་བྱ་བ་དང་། ཚོར་བ་དང་། འདུ་ཤེས་དང་།
D9.028.0347b07.01