完整藏文原文 · 德格版页 当前仅加载第 28 函德格 368b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ། །ཆོས་གོས་དང་། གོས་རིན་པོ་ཆེ་དེ་དག་ཀྱང་བར་སྣང་ལ་རིན་པོ་ཆེ་སྣ་ཚོགས་ཀྱི་སྤྲིན་ལྟ་བུར་གནས་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་དང་། ཚོང་དཔོན་གྱི་བུ་མོ་ལ་སོགས་པ་བུ་མོ་ལྔ་བརྒྱ་པོ་དེ་
D9.028.0368b01.01དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པའི་རྫུ་འཕྲུལ་དང་། ཆོ་འཕྲུལ་དེ་ལྟ་བུ་མཐོང་ནས་འདི་སྙམ་དུ་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་འདི་དེ་ལྟར་རྫུ་འཕྲུལ་ཆེ་བ་དང་། དེ་ལྟར་
D9.028.0368b02.01མཐུ་ཆེ་བ་དང་། དེ་ལྟར་གཟི་བརྗིད་ཆེ་བ་ངོ་མཚར་ཆེའོ། །རིགས་ཀྱི་བུ་འདི་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་། དེ་ལྟ་བུའི་རྫུ་འཕྲུལ་དག་རྣམ་པར་སྤྲུལ་ན། ནམ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པར་གྱུར་ན།
D9.028.0368b03.01ལྟ་སྨོས་ཀྱང་ཅི་དགོས། དེ་ནས་ཚོང་དཔོན་གྱི་བུ་མོ་ལ་སོགས་པ་བུ་མོ་ལྔ་བརྒྱ་པོ་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་ལ་དགའ་བ་དང་། གུས་པ་སྐྱེས་ནས་དེ་དག་ཐམས་ཅད་ཀྱིས་བླ་ན་མེད་པ་ཡང་དག་པར་རྫོགས་པའི་
D9.028.0368b04.01བྱང་ཆུབ་ཏུ་སེམས་བསྐྱེད་ནས། བདག་ཅག་དགེ་བའི་རྩ་བ་འདིས་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ཅིག། བདག་ཅག་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་ཆོས་གང་བྱང་ཆུབ་སེམས་
D9.028.0368b05.01དཔའ་སེམས་དཔའ་ཆེན་པོ་ཆོས་ཀྱིས་འཕགས་པས་ཐོབ་པའི་ཆོས་དེ་དག་ཉིད་ཐོབ་པར་གྱུར་ཅིག། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་དེ་ཇི་ལྟར་ཤེས་རབ་ཀྱི་ཕ་རོལ་དུ་ཕྱིན་པ་ལ་བཀུར་བསྟི་བྱེད་པ་དེ་ལྟར་བདག་ཅག་ཀྱང་
D9.028.0368b06.01ཤེས་རབ་ཀྱི་ཕ་རོལ་དུ་ཕྱིན་པ་ལ་བཀུར་བསྟི་བྱེད་པར་གྱུར་ཅིག །བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱིས་འཕགས་པ་འདི་ཇི་ལྟར་འགྲོ་བ་མང་པོ་ལ་རབ་ཏུ་སྟོན་པ་དེ་ལྟར་བདག་ཅག་ཀྱང་འགྲོ་བ་མང་པོ་ལ་རབ་ཏུ་སྟོན་པར་གྱུར་ཅིག །འཕགས་པ་བྱང་ཆུབ་
D9.028.0368b07.01