完整藏文原文 · 德格版页 当前仅加载第 28 函德格 363a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་ནས། ལུས་གསེར་གྱི་ཁ་དོག་ལྟ་བུར་འགྱུར་བ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་
D9.028.0363a01.01བརྒྱད་ཅུ་དང་། འོད་འདོམ་གང་བ་དང་། འོད་ཟེར་མཐའ་ཡས་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་།
D9.028.0363a02.01དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་{བཅྭོ་,བཅོ་}བརྒྱད་དང་། ཉམས་པར་མི་འགྱུར་བའི་མངོན་པར་ཤེས་པ་ལྔ་དང་། ཚུལ་ཁྲིམས་རྣམ་པར་དག་པ་བསམ་གྱིས་མི་ཁྱབ་པ་དང་། ཏིང་ངེ་འཛིན་རྣམ་
D9.028.0363a03.01པར་དག་པ་བསམ་གྱིས་མི་ཁྱབ་པ་དང་། ཤེས་རབ་རྣམ་པར་དག་པ་བསམ་གྱིས་མི་ཁྱབ་པ་དང་། གཞན་ཡང་སངས་རྒྱས་ཀྱི་ཆོས་མ་འདྲེས་པ་བསམ་གྱིས་མི་ཁྱབ་པ་རྣམས་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D9.028.0363a04.01ཏུ་མངོན་པར་འཚང་རྒྱ་བ་དང་། གང་སེམས་ཅན་ཐམས་ཅད་ལ་བགོར་ཡོད་པ། བླ་ན་མེད་པའི་ཆོས་རིན་པོ་ཆེ་རབ་ཏུ་ཐོབ་པར་འགྱུར་བ། དེ་ལྟ་བུའི་ཤེས་རབ་ཀྱི་ཕ་རོལ་དུ་ཕྱིན་པ་ལ་ཐབས་མཁས་པ། བདག་ལ་སྟོན་ཏེ་དེ་ལ་
D9.028.0363a05.01བདག་སློབ་བོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་རབ་ཏུ་ངུ་བ་ལ་ཚོང་དཔོན་གྱི་བུ་མོ་དེས་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་ཡོངས་སུ་བསྒྲགས་པའི་ཆོས་རྒྱ་ཆེན་པོ་དེ་དག་ནི་ངོ་མཚར་ཆེ་སྟེ། རིགས་ཀྱི་བུ་
D9.028.0363a06.01ཆོས་དེ་ལྟ་བུ་རེ་རེའི་ཕྱིར་ཡང་གང་གཱའི་ཀླུང་གི་བྱེ་མ་སྙེད་ཀྱི་ལུས་ཀྱང་ཡོངས་སུ་བཏང་བར་འོས་ན། གཅིག་ལྟ་སྨོས་ཀྱང་ཅི་དགོས། རིགས་ཀྱི་བུ་ཁྱོད་ཀྱིས་སངས་རྒྱས་ཀྱིས་ཆོས་རྒྱ་ཆེན་པོ་བསམ་གྱིས་མི་ཁྱབ་པ། སེམས་ཅན་ཐམས་ཅད་ལ་
D9.028.0363a07.01