mkha' 'gro ma me lce 'bar ba'i rgyud/
当前为德格木刻版 252b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 252b
- 可引用原文
- 7 行
- 全文规模
- 全经 413 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 99 函 · 德格 252b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གྱིས་གྲུབ། །ངས་ནི་མཚན་མ་འཇོམས་པའི་ཕྱག་རྒྱ་རྙེད། །ངས་ནི་ཐུན་མོང་སྟོན་པའི་བདུད་ལས་རྒྱལ། །ངས་ནི་སྙིང་རྗེས་འགྲོ་ཀུན་དགེ་ལ་བཀོད། །ངས་ནི་ཐབས་དང་ཤེས་རབ་ཀུན་ལ་བྱེད། །ངས་ནི་རྡོ་རྗེ་མཁའ་འགྲོའི་གསང་རྒྱུད་འདི། །ཐུན་མོང་མ་ཡིན་མེ་ལྕེ་འབར་མ་འདི། །ངོ་མཚར་ཐབས་མཆོག་དངོས་གྲུབ་དམ་པའི་གཞི། །ངས་ནི་བཤད་ཟིན་ཁྱོད་ལ་རབ་ཏུ་གཏད། །སྐལ་ལྡན་དད་དང་བརྩོན་འགྲུས་ཡོད་ལ་གཏད། །སྙིང་རྗེ་གཞོལ་ཞིང་བརྟུལ་ཞུགས་ཆེ་ལ་གཏད། །བདེན་གཉིས་དོན་རྟོགས་ཡི་རངས་བརྟན་
ལ་གཏད། །བརྣག་པའི་གཟུངས་ཐུབ་སྣོད་ལྡན་ཡོངས་ལ་གཏད། །ཟུང་ཤིག་ཆོངས་ཤིག་སྣོད་ལྡན་རྣམས་ལ་ཤོད། །འདི་ཡི་དོན་རྣམས་རྩེ་གཅིག་ཡིད་ཀྱིས་ཉོན། །འདིས་ནི་མི་ནུབ་ཆོས་ཀྱི་རྒྱལ་མཚན་ཆེན་པོ་ཐོབ། །འདིས་ནི་ཆོས་ཀྱི་དབང་ཕྱུག་གོ་འཕང་ཐོབ། །འདིས་ནི་ཡིད་བཞིན་རིན་ཆེན་འབར་བ་ཐོབ། །འདིས་ནི་ཅི་འདོད་ཐོགས་མེད་དངོས་གྲུབ་ཐོབ། །བློ་དམན་ཤེས་ཆུང་ཉན་ཐོས་རྣམས་ལ་གསང་། །ལོག་པའི་མཐར་འཁྱམས་མུ་སྟེགས་ཅན་ལ་གསང་། །དམུ་རྒོད་མི་མཁས་སྐུར་པ་མཁན་ལ་གསང་། །དད་མེད་
སྙིང་རྗེ་སྤངས་པ་རྣམས་ལ་གསང་། །མ་རིག་རྨོངས་པའི་ལེ་ལོ་ཅན་ལ་གསང་། །ཞེས་བཀའ་སྩལ་ནས། བརྒྱ་བྱིན་གྱིས་སྤྱི་བོས་བླངས་སོ། །འཁོར་ལ་གཏད་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ལྷའི་དབང་པོ་བརྒྱ་བྱིན་དེས། །དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས་ལུང་བསྟན་དུ་གསོལ། བདེ་བར་གཤེགས་པ་མཁའ་འགྲོ་མ་ལུང་བསྟན་དུ་གསོལ་ཞེས་ཞུས་པ་དང་། དཔལ་ཕྱག་ན་རྡོ་རྗེས་བཀའ་སྩལ་པ། མཁའ་འགྲོ་མ་ལྷ་མོ་ནག་མོ་འདིས། བསྐལ་པ་མང་པོའི་སྔོན་
རོལ་ནས། །དུས་གསུམ་རྒྱལ་བའི་ཞལ་མཐོང་སྟེ། །དམན་པའི་ཞིང་འདིར་སྤྲུལ་སྐུ་ཡིས། །ལྷ་མོའི་ཚུལ་དུ་སྐུ་བསྟན་ནས། །འགྲོ་བའི་དོན་ལ་རབ་ཏུ་བརྩོན། །ཉོན་མོངས་སྒྲིབ་པ་རབ་ཏུ་སྤངས། །ད་ལྟར་ཤེས་བྱའི་སྒྲིབ་པ་སྦྱོང་། །དེ་ཡི་ཁོལ་མོ་རེ་མ་ཏི། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D842
- 德格版页
- 252b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0843 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。