完整藏文原文 · 德格版页 当前仅加载第 99 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་ཚིག་སྲོག་བཞིན་འཛིན་བྱེད་ཅིང་། །བདེན་པ་གཉིས་རྟོགས་ལྟ་བ་ཅན། །སྔགས་དང་ཕྱག་རྒྱ་མི་སྤོང་ཞིང་། །རྟག་ཏུ་ཕྱག་རྒྱ་ཆེ་ལ་གནས། །སེམས་ཅན་དོན་བྱེད་མན་ངག་ལྡན། །དེ་ནི་སློབ་དཔོན་མཚན་ཉིད་དེ། །སློབ་
D842.099.0234b01.01མ་དུལ་ལ་དད་པ་ཅན། །བླ་མའི་ཞབས་ལ་རབ་འདུད་ཅིང་། །དད་དང་གཏོང་ཕོད་སྙིང་རྗེ་ཅན། །འདུལ་དང་སྡོམ་པ་དམ་ཚིག་འཛིན། །ལྷ་དང་སློབ་དཔོན་རྟག་ཏུ་བཅང་། །གསང་སྔགས་འཛིན་པའི་སྣོད་ལྡན་ལ། །སློབ་མར་བྱ་བ་
D842.099.0234b02.01ང་ཡིས་བཤད། །དཔལ་མཁའ་འགྲོ་མ་མེ་ལྕེ་འབར་བའི་རྒྱུད་ལས་སློབ་དཔོན་དང་སློབ་མའི་མཚན་ཉིད་བསྟན་པའི་ལེའུ་སྟེ་གཉིས་པའོ།། །།དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་
D842.099.0234b03.01གསོལ་ཏོ། །རྡོ་རྗེ་སེམས་དཔའ་དཔའ་བོ་ཆེ། །དུས་མཐའི་རྣལ་འབྱོར་བསྐྱང་སླད་དུ། །རྡོ་རྗེ་གསང་བའི་མཁའ་འགྲོ་མའི། །ལྟ་བ་དམ་པ་བདག་ཉན་འཚལ། །ཞེས་ཞུས་པའི་ཚེ། དཔལ་ཕྱག་ན་རྡོ་རྗེས་བཀའ་སྩལ་པ། བདག་
D842.099.0234b04.01དང་རྡོ་རྗེ་མཁའ་འགྲོ་མའི། །གདོད་ནས་མ་སྐྱེས་གཟུང་འཛིན་ཡུལ་དང་བྲལ། །ང་དང་བདག་འཛིན་མཚན་མའི་རྟོག་པ་བཅོམ། །དོན་དམ་ཀུན་རྫོབ་སྐྱེ་བ་མེད་པའི་གཞི། །གཉིས་མེད་ཆོས་ཀྱི་དབྱིངས་སུ་དབྱེར་མེད་ཅིང་། །སྟོང་ཉིད་
D842.099.0234b05.01ཆོས་སྐུ་ནམ་མཁའ་ཡེ་ཤེས་ལྔ། །སྤྲུལ་པའི་ཕྱག་རྒྱ་ལྷ་དང་ལྷ་མོའི་མཚན་མར་སྣང་། །མཁའ་ལ་འཇའ་འདྲ་རང་བཞིན་ག་ལ་ཡོད། །སྙིང་རྗེའི་དབང་གིས་འགྲོ་དོན་བྱེད་པ་ན། །མདོར་ན་སངས་རྒྱས་སྤྲུལ་པ་ཡིན་པ་སྟེ། །ཁོལ་མོ་བྱང་
D842.099.0234b06.01ཆུབ་སེམས་དཔའི་སྤྲུལ་པའོ། །མཚན་མའི་སྲིན་མོ་བདུད་མོར་བལྟ་མི་བྱ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་ལྟ་བ་བསྟན་པའི་ལེའུ་སྟེ་གསུམ་པའོ།། །།དེ་ནས་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་
D842.099.0234b07.01