完整藏文原文 · 德格版页 当前仅加载第 99 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོལ་མོ་རེ་མ་ཏི་ཡི་མཆོད་རྫས་ནི། །བུམ་པ་གང་བའི་ཁྲག་དང་ཨ་མྲྀ་ཏ། །ནལ་བུའི་ཤ་དང་མི་ཤ་ཆང་ཕུད་དོ། །དམ་ཚིག་བསྲེ་ཞིང་རྟག་ཏུ་མཆོད་པའི་རྫས། །རུ་ཧི་རྡོ་རྗེ་པདྨ་དག་གིས་ཤིས། །བསྐུལ་རྫས་གུ་གུལ་
D842.099.0236a01.01ནག་དང་ཅོང་ཟིའོ། །མཚན་མ་འབེབས་པ་བུ་མོ་གཙང་མའོ། །གནད་ལ་འབེབས་ཤིང་བཟློག་རྫས་དྲེའུ་ཡི་རྐང་། །འདི་རྣམས་གཙང་ཞིང་མ་ཉམས་ཚོགས་འགྱུར་ན། །རྡོ་རྗེ་མཁའ་འགྲོ་མ་ཡི་ཚོགས་རྣམས་ནི། །བུང་བས་
D842.099.0236a02.01ཨུ་དུམ་བཱ་ར་མཐོང་བ་ལྟར། །དགའ་བ་སྐྱེས་ནས་མི་ལ་དངོས་གྲུབ་སྟེར། །དེ་བས་ནན་ཏན་བསྐྱེད་ལ་བརྩོན་པར་བྱ། །མཁའ་འགྲོ་མ་མེ་ལྕེ་འབར་བའི་རྒྱུད་ལས་དཔོན་གཡོག་གི་དམ་རྫས་བསྟན་པའི་ལེའུ་སྟེ་ལྔ་པའོ།། །།
D842.099.0236a03.01དེ་ནས་ལྷའི་དབང་པོ་བརྒྱ་བྱིན་གྱིས། དཔལ་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཀྱེ་གསང་བདག་ཕྱག་ན་རྡོ་རྗེ་འདུལ་བའི་གཙོ། །བསྒྲུབ་པའི་རྟེན་གྱི་རྡོ་རྗེ་མཁའ་འགྲོ་སྐུ། །ཐང་ཀ་འདྲི་བའི་ནན་ཏན་འདྲི་བར་འཚལ། །ཞེས་ཞུས་
D842.099.0236a04.01པའི་ཚེ། གསང་བའི་བདག་པོས་བཀའ་སྩལ་པ། མཁའ་འགྲོའི་རྟེན་གྱི་སྐུ་གཟུགས་ནི། །མིས་མ་འཕྲིགས་པར་དུར་ཁྲོད་འགྲོ། །དང་པོ་ཕྱག་ན་རྡོ་རྗེ་དང་། ལྷ་མོའི་བསྙེན་པ་འབུམ་འབུམ་བཟླས། །དེ་ལ་སྦྱིན་སྲེག་གཏོར་མ་འབུལ། །རི་མོ་
D842.099.0236a05.01མཁན་ལ་དབང་བསྐུར་རོ། །དམ་ཚིག་རབ་ཏུ་སྦྱིན་པར་བྱ། །དེ་ནས་བུད་མེད་ཞབས་མ་དང་། །རོ་དཀྲིས་དག་གི་རས་དག་ནི། །རོ་བསྲེགས་མགལ་བའི་ཤིང་གིས་ཀྱང་། །བྲི་བའི་ཚོན་རྩི་རྣམ་པ་ལྔ། །དཔའ་བོ་འབྲུ་ལྔའི་འཕྲོ་འདུ་ལས། །རྒྱལ་བ་
D842.099.0236a06.01རིགས་ལྔར་བྱིན་བརླབས་ལ། །དབུས་སུ་ཕྱག་ན་རྡོ་རྗེ་བྲི། །མདུན་དུ་ལྷ་མོ་ནག་མོ་ནི། །བོང་ཞོན་རལ་གྲི་ཐོགས་པར་བྲི། །གཡོན་དུ་ཁོལ་མོ་རེ་མ་ཏི། །དྲེའུ་ཞོན་ཁྲམ་བམ་ཐོགས་པའོ། །གཡས་སུ་བྲམ་ཟེ་མཆོག་སྲེད་ནི། །མགྲིན་པ་སྨ་ར་དཀར་
D842.099.0236a07.01