完整藏文原文 · 德格版页 当前仅加载第 99 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རྣམ་པ་བདུན། །བོད་པའི་རྫས་དང་མ་མོ་བསྟེན་རྫས་དང་། །མཆོད་པའི་རྫས་དང་དམ་ཚིག་བསྲེ་བའི་རྫས། །བསྐུལ་བའི་རྫས་དང་མཚན་མ་དབབ་པའི་རྫས། །ཐ་མར་གནད་ལ་འབེབས་ཤིང་བཟློག་པའི་རྫས། །བདུན་པོ་འདི་ཚང་གྲུབ་པའི་མཚན་མ་
D842.099.0235b01.01འབྱུང་། །གཙོ་བོ་ཕྱག་ན་རྡོ་རྗེའི་དམ་རྫས་ནི། །གོ་རོ་ཙ་ན་གཙོ་བོ་བོད་པའི་རྫས། །གཙོ་བོའི་རྟེན་ནི་སེང་ལྡེང་མི་རུས་ཕུར། །གསལ་བ་ལྔ་དང་བདུད་རྩིས་གཙོ་བོ་མཆོད། །དམ་ཚིག་བཅུ་ཡིས་རྡོ་རྗེ་ས་ནི་མཆོད། །གུ་གུལ་ནག་པོ་ཡུངས་ནག་
D842.099.0235b02.01ཏིལ་གྱིས་བསྐུ། །སྤོས་དང་ལྕེ་བོག་མི་ཚིལ་མཚན་མ་འབེབས། །གཙོ་བོ་གནད་ལ་འབེབས་པ་ཨ་མྲྀ་ཏ། །དཔལ་ལྡན་ལྷ་མོ་ནག་མོའི་བོད་རྫས་ནི། །གཡབ་དར་དང་ནི་ཧ་སྟ་མི་ཚིལ་དང་། །ཅོང་ཞུན་སྤོས་ལྔས་བསྲེགས་ལ་བོད། །ལྷ་
D842.099.0235b03.01མོའི་རྟེན་ནི་བུ་མོ་གཙང་མ་དང་། །རྒྱ་མཚོར་ཤི་བའི་བུད་མེད་ཐོད་པ་གཉིས། །མཁར་དུ་བརྩིགས་ལ་དཀྱིལ་འཁོར་དབུས་སུ་ཁ་སྤྲད་ལ། །མི་གསོད་མཚོན་གྱི་རལ་གྲི་སོར་བརྒྱད་པ། །ཡུ་བ་མ་བྲིས་དཀྱིལ་འཁོར་དབུས་སུ་གཟུགས། །
D842.099.0235b04.01རྨ་བྱ་སེང་གེ་གཡང་གཞི་གོ་ཟུང་ནག་པའོ། །རྗེ་མོ་ལྷ་མོ་ནག་མོའི་དམ་རྫས་ནི། །དགེ་སློང་ཤ་དང་མི་རོ་སེང་གེའི་སྙིང་། །གྲི་རྒོད་ཤ་དང་དབང་པོ་རྣམ་པ་ལྔ། །རུ་ཏྲ་ནག་པོའི་སྙིང་དང་བདུད་རྩི་ལྔ། །སྨན་མའི་ཁྲག་དང་ཤ་ཁྲག་
D842.099.0235b05.01སྣ་ཚོགས་དང་། །ཕྱེ་མ་ལྔ་ཡིས་གཏོང་བས་གུར་ཀུམ་བརྫི། །པདྨའི་རཀྟས་བྱུགས་ལ་རྒྱུན་གཏོར་བྱ། །ལྷ་མོ་ནག་མོ་འདི་དང་དམ་ཚིག་བསྲེ་བའི་རྫས། །རུ་ཧི་རྡོ་རྗེ་པདྨ་མི་དེ་སྔགས། །བསྐུལ་རྫས་མི་ཡི་ཚིལ་དང་གུ་གུལ་བསྲེག །མཚན་
D842.099.0235b06.01མ་འབེབས་པ་བུ་མོ་གཙང་མའོ། །གནད་ལ་འབེབས་ཤིང་བཟློག་པ་ཡུགས་སའི་རྐང་། །ཁོལ་མོ་རེ་མ་ཏི་ཡི་བོད་རྫས་ནི། །དྲེད་མོའི་རལ་པས་གཡབ་ཅིང་སྲིན་ལག་བསྟན། །གུ་གུལ་དང་ནི་མི་ཚིལ་གསུར་གྱིས་བོད། །རེ་མ་ཏི་ཡི་རྟེན་དུ་ལུག་ནག་གམ། །དེ་མོ་ནག་མོ་དྲི་མོའི་ཐོད་པའོ། །
D842.099.0235b07.01