完整藏文原文 · 德格版页 当前仅加载第 99 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །བགེགས་ཀྱིས་བར་དུ་གཅོད་པ་དང་། །རྣལ་འབྱོར་དམ་ཚིག་ཉམས་པ་བཞི། །བསྒྲུབ་ཐག་རིང་བའི་རྒྱུ་བཞི་ཡིན། །དེ་བཞིན་མཚན་མ་ངོས་བཟུང་སྟེ། །སྔོན་གྱི་ལས་འཕྲོས་མ་འབྲེལ་ན། །བསྒྲུབས་ཀྱང་དངོས་གྲུབ་མཚན་མ་མེད། །བཟླས་བརྗོད་བསྙེན་པ་གྲངས་ཉུང་
D842.099.0243b01.01ན། །གྲུབ་རྟགས་འོང་ཞིང་ལས་མི་ཉན། །བགེགས་ཀྱིས་བར་དུ་གཅོད་པ་ན། །སྙིང་མི་དགའ་ལ་འགྲོ་ཞིང་འཇིགས། །རྣལ་འབྱོར་དམ་ཚིག་ཉམས་པ་ན། །བར་ཆོད་རྐྱེན་དབང་དྲག་པོ་འབྱུང་། །འོན་ཀྱང་མི་གཞག་བསྐྱར་ཞིང་བསྒྲུབ། །སྔོན་གྱི་ལས་འཕྲོས་མ་འབྲེལ་ན། །
D842.099.0243b02.01དང་པོ་བསྙེན་པ་ཡུན་{རིངས་,རིང་}ལ། །དེ་ནས་གནད་ལ་དབབ་པ་ནི། །བསྒྲུབ་པའི་དཀྱིལ་འཁོར་བྱང་ཤར་དུ། །དུར་ཁྲོད་ས་ལ་གྲུ་གསུམ་དཀྱིལ། །འཕང་དུ་ཁྲུ་གང་ཡོད་པ་བརྩིགས། །མི་ཡི་ཁྲག་གིས་ཆག་ཆག་གདབ། །དེ་ནས་ཞིང་སོགས་གཡས་པ་ལ། །ལྷ་མོ་ཉིད་ཀྱི་སྐུ་བྲིས་
D842.099.0243b03.01ལ། །རྒྱུས་པའི་གཟུངས་ཐག་སྙིང་གར་གདགས། །གྲུ་གསུམ་སྟེང་དུ་གན་རྐྱལ་མནན། །གཟུངས་ཐག་རྩེ་མོ་སོས་བཟུང་ལ། །ཧཱུྃ་མཛད་ཆེན་པོར་གསལ་བསྒོམས་ལ། །མ་མོ་གསོད་པའི་སྙིང་པོ་བཟླས། །རག་མོ་ཙིཏྟ་རཀྟ་སྟི་ར་ཏི་ཏི་མཱ་ར་ཡ་ཧཱུྃ། ཛཿ། དེ་སྐད་གསང་
D842.099.0243b04.01སྔགས་བཟླས་ནས་ནི། །མ་མོའི་སྙིང་ཁྲག་རྔུབ་པར་བསྒོམ། །མ་མོ་བོང་བུར་བཅས་པ་རྣམས། །མ་ཏྲང་བཞིན་དུ་འགྱེལ་བར་བསམ། །དེ་ནས་སྙིང་གར་རྡོག་པས་མནན། །ཙིཏྟ་ཛྭ་ལ་རྃ་ཞེས་པས། །བདག་གི་ཞལ་ནས་མེ་བྱུང་བས། །མ་མོ་ཐུལ་གྱིས་བསྲེགས་པར་
D842.099.0243b05.01བསམ། །མ་མོའི་ས་བོན་མྃ་ནག་མོ། །བདག་གི་ཞབས་འོག་རྒྱུད་པ་ལས། །མ་མ་རུ་ལུ་ཞེས་བརྗོད་པ་ལས། །བདག་ཉིད་དཔལ་གྱི་ཞབས་འོག་ནས། །ལྷ་མོ་ནུས་པའི་ཐོད་ཕྲེང་ཅན། །ཐལ་མོ་སྦྱར་ནས་འདུག་པར་བསྒོམ། །རྟ་མགྲིན་ཕྱག་རྒྱས་དབང་དུ་བསྡུ། །ཁྱུང་
D842.099.0243b06.01གཤོག་ཕྱག་རྒྱས་ཟིལ་གྱིས་མནན། །གནད་ལ་གདབ་པའི་དམ་རྫས་བསྲེག །དེ་ལྟར་ལན་ཅིག་བསད་པ་དེས། །གཟུགས་ནི་རྡོག་པའི་འོག་ནས་དབྱུང་། །བྱང་ཤར་མཚམས་སུ་བཞུགས་སུ་གསོལ། །སྨྲེ་བཤགས་བྱ་ཞིང་གདུང་གླུ་བླང་། །བདུད་རྩི་རྣམ་པ་
D842.099.0243b07.01