完整藏文原文 · 德格版页 当前仅加载第 99 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སྦྱིན་ཨུཏྤ་ལའི་གདོང་གནས་པའི་དུར་ཁྲོད། སྲིན་པོ་མ་ཏངྐ་རུ་ཏྲ་ཀའི་འཆག་ས། བདུད་གཙུག་ཕུད་ནག་པོའི་ཁང་པ། རྩུབ་འགྱུར་གྱི་ཚལ་ཆེན་པོ། ལྷ་དང་ལྷ་མ་ཡིན་གཡུལ་འགྱེད་པའི་གནས། འབྱུང་པོ་དགེ་བ་ཁ་ཊྭཱྃ་གའི་ཤིང་ནག་པོ་ཏི་
D842.099.0224a01.01ཤ་ཀ་སྐྱེས། སྲིན་མོ་ཀངྐཱ་ལ་ཟངས་ཀྱི་གཤོག་པ་མེ་ལྟར་འབར་བའི་ཞིང་ཁམས་མི་རོ་གསར་རྙིང་མང་པོ་ཡོད་པ། ནམ་མཁའ་ལས་ཏྲི་ཤཱུལ་དང་འཁོར་ལོ་དང་ལྕེ་འབབ་པ། ས་གཞི་ལས་རལ་གྲི་དང་། སྤུ་གྲི་དང་མདུང་རྩེ་ལྔ་པ་སྐྱེས་པ། རི་བོ་ཐམས་ཅད་ཀེང་
D842.099.0224a02.01རུས་སུ་སྣང་བ། ཆུ་ཀླུང་ཐམས་ཅད་རྣག་ཁྲག་ཏུ་འབབ་པ། ས་ཕྱོགས་ཐམས་ཅད་ནི་མི་རོ་ཨུཏྤ་ལ་སྔོན་པོའི་དྲི་མནམ་པ། ཉེ་འཁོར་ན་རྔམ་པ་དང་། ངུ་བའི་ང་རོ་རབ་ཏུ་འཇིགས་པ་དྲག་སྟེ། ཤིན་ཏུ་འཇིགས་པ་རབ་ཏུ་སྐྱི་གཡའ་བའི་གནས་དེ་ན། བཅོམ་
D842.099.0224a03.01ལྡན་འདས་དཔལ་འཇིགས་བྱེད་ཀྱི་རྒྱལ་པོ། རིགས་སྔགས་དང་གསང་སྔགས་ཀྱི་བདག་པོ། ཐབས་དང་ཤེས་རབ་ཀྱི་དབང་ཕྱུག །སྐུ་དང་ཡེ་ཤེས་ཀྱི་རང་བཞིན། དྲག་པོ་ཆེན་པོ་དཔལ་ཕྱག་ན་རྡོ་རྗེ་སྙིང་རྗེ་ཆེན་པོ་གཏུམ་ཞིང་ཁྲོ་བ། ལུས་བསྐལ་
D842.099.0224a04.01པའི་མེ་ཆེན་པོ་ལྟར་འབར་བ། སྲིད་པ་གསུམ་དང་བདུད་བཞི་དང་། ཉོན་མོངས་པ་བརྒྱད་ཁྲི་དང་། སྒྲིབ་པ་རྣམ་པ་གཉིས་ལས་རབ་ཏུ་རྒྱལ་བ། སངས་རྒྱས་སྟོང་རྩ་བརྒྱད་ཀྱི་ཐུགས་ཡང་དག་པའི་ཡེ་ཤེས་ལས་གྲུབ་པ། ལྷ་མ་སྲིན་སྡེ་བརྒྱད་
D842.099.0224a05.01ཀྱིས་མཆོད་ཅིང་ཕྱག་བྱས་པ། ཉི་མ་སྟོང་གི་གཟི་དང་ལྡན་པ། དབུ་སྐྲ་ཁམ་པ་གྱེན་ལ་བརྫེས་པ། སྤྱན་སྡང་མིག་མེ་ལྟར་འབར་བ། ཤངས་ཀྱི་རླུང་སྒྲོམ་ནས་བསྐལ་པའི་རླུང་འབྱུང་བ། ཞལ་གྱི་མཆེ་བ་རྡོ་རྗེ་ཟླ་ཚེས་སུ་གཙིགས་པ། རིན་
D842.099.0224a06.01པོ་ཆེ་མརྒཏྟས་དབུ་བརྒྱན་པ། རིགས་ལྔའི་རྒྱལ་བ་མི་བསྐྱོད་པ་བཞུགས་པ། ཐོད་པ་སྐམ་རློན་གྱི་དབུ་རྒྱན་དང་མགུར་ཆུ་ཅན། མཆོག་དང་གླང་གི་ཀོ་བས་བརྒྱན་པ། ལག་ན་ཡེ་ཤེས་ཀྱི་རྡོ་རྗེ་རྩེ་ལྔ་པ་འཛིན་པ། ཀླུའི་རྒྱལ་པོ་གཟི་ཅན་གྱིས་
D842.099.0224a07.01