完整藏文原文 · 德格版页 当前仅加载第 99 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་མེད་ལས་དངོས་གྲུབ་བླང་། །བྱང་ཆུབ་སེམས་ཀྱི་སྤྲིན་ཡིན་པས། །ཇི་ལྟར་དམིགས་པ་བཞིན་དུ་འགྲུབ་པར་འགྱུར་དེ་སྐད་ཅེས་བརྗོད་དེ། སྨན་ལག་ཏུ་བླངས་ནས། ངོས་ངོས་ནས་སྨན་ཆེ་བའི་ཡོན་ཏན་བརྗོད་དོ། །རང་འབྱུང་གདོད་ནས་དག་པ་ཡི། །
D841.099.0219a01.01རྩ་བརྒྱད་སྟོང་ལས་སྦྱར་བའི་སྨན། །ར་ས་ཡ་ན་ལ་སོགས་རྫས། །རྩ་བ་འབུམ་ཕྲག་ཡངས་པའི་བཅུད། །གཉིས་མེད་བདེ་ཆེན་ལས་འབྱུང་བའི། །བྱང་ཆུབ་སེམས་ནི་རྡོ་རྗེ་སྟེ། །ཤ་ཆེན་མཆོད་པ་རིན་པོ་ཆེ། །ཟས་མཆོག་ཚེ་ཡི་དྲི་ཆེན་པོ། །པདྨ་མེ་ཏོག་
D841.099.0219a02.01ཡང་དག་ལྡན། །རྡོ་རྗེ་ཆུ་སྟེ་བདུད་རྩི་མཆོག །ག་པུར་ཤེལ་གྱི་སྤོས་ཕོར་བྲི། །རིན་ཆེན་མེ་ལྟར་འབར་བའི་ཚོགས། །ཡོན་ཏན་འབུམ་ཕྲག་ཡངས་པའི་བཅུད། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔ་
D841.099.0219a03.01སེམས་ཅན་ཀུན་སྒྲོལ་བའི། །དུག་ལྔ་སེལ་བའི་ཐབས་མཆོག་སྟེ། །ཐམས་ཅད་རྣལ་འབྱོར་བདུད་རྩི་ཆེ། །མ་ལུས་འདུས་པའི་ཐིག་ལེ་སྟེ། །སངས་རྒྱས་ཀུན་དང་མཉམ་སྦྱོར་ཕྱིར། །གཅིག་ཏུ་དཔའ་བོ་རོ་རྣམས་དང་། །གཉིས་སུ་མེད་པར་མཉམ་སྦྱར་
D841.099.0219a04.01ནས། །དུས་གསུམ་སངས་རྒྱས་ཐམས་ཅད་དང་། །རྒྱལ་བ་རྒྱ་མཚོ་རྣམས་ལ་མཆོད། །ཞེས་བརྗོད་དོ། །དེ་ནས་ཤེས་རབ་ཡུམ་རྣམས་ཀྱིས། སྨན་ལག་ཏུ་བཞག་ལ། ཡང་བཀྲ་ཤིས་པ། དོན་ལ་དམ་པ་འདི་བརྗོད་དོ། །ངོ་མཚར་རྨད་དུ་བྱུང་བའི་ཆོས། །
D841.099.0219a05.01ནམ་མཁའ་དང་ནི་མཉམ་པའི་གནས། །རྣམ་པར་མི་རྟོག་སྣང་བ་ལས། །ཀུན་རྫོབ་ཙམ་དུ་བསྟན་པ་མཚར། །ཞེས་བརྗོད་དོ། །སྨན་སྣོད་བཅུད་ཆས་པར་ལག་ཏུ་བླངས་ལ་ཡུམ་གྱི་གཙོ་བོ་ལ་བདུད་རྩི་ཕུལ་ཏེ། གཙོ་བོས་བླངས་ཏེ་ཕྱག་རྒྱ་ཆེན་པོར་བསྒྱུར་
D841.099.0219a06.01ཞིང་བསྒོམ་མོ། །དེ་ནས་བསྒྲུབ་པ་པོའི་གཙོ་བོས་དཔའ་ཆས་སུ་ཞུགས་ཏེ། བ་ཡང་ཉོ་བ་ཏི་དང་། བ་ཡང་ཤང་གི་ར་དང་། ན་ར་སི་ར་དང་། ཐལ་ཆེན་གྱི་ཐིག་ལེས་བརྒྱན་ཏེ། སྲོ་ཙ་ཨྃ་ཛ་ན་དང་། དགུག་ཅིང་གཡབ་པའི་དམ་རྫས། མཆོག་གི་ཧ་སྟ་དང་། བརྟ་
D841.099.0219a07.01