完整藏文原文 · 德格版页 当前仅加载第 99 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
གཏུབས་འགྱུར་བགྱིད། །དེ་ཕྱིར་འབར་བས་བདག་མ་གཏང་། །ཞེས་མཐུན་པར་སྨྲས་སོ། །ཁམས་གསུམ་ཐམས་ཅད་བསྒྲལ་བའི་ཞིང་། །རྒྱུ་དྲུག་གནས་པའི་སེམས་ཅན་རྣམས། །བསྡུ་བའི་སྦྱོར་བས་ཀུན་བསྡུས་ནས། །མི་ལྡོག་དབྱིངས་སུ་ཡང་དག་ཉིད། །
D841.099.0212a01.01ཐིག་ལེ་ཆེན་པོས་དབང་བསྐུར་ཏེ། །ཟླ་གསང་དབུས་ན་བྱང་ཆུབ་སེམས། །རྫོགས་སངས་རྒྱས་ལ་སོམ་ཉི་མེད། །ཤ་ཆེན་བཤང་གཅི་ཁུ་བ་ཁྲག །བདེ་གཤེགས་ལྔ་ཡི་ས་བོན་ཏེ། །རྣམ་པར་དྲི་ཆེན་སྣང་བར་མཛད། །ཕྱི་རོལ་ཆེན་པོ་ལྔ་དག་ལ། །ནང་གི་རྒྱུ་འབྲས་
D841.099.0212a02.01ཡེ་ནས་དག །མི་བསྐྱོད་བྱང་ཆུབ་སེམས་ཉིད་དེ། །དམིགས་སུ་མེད་པས་དག་པ་ཡིན། །མཾ་ས་རིན་ཆེན་འབྱུང་ལྡན་པོ། །མཉམ་དང་མི་མཉམ་དབྱེར་མེད་དོ། །སྣག་པ་རཀྟ་མཐའ་ཡས་ཐུགས། །སྐྱེ་འགག་མེད་དེ་ཡེ་ནས་དག །དོན་ཡོད་དྲི་ཆུ་ལས་གྲུབ་པ། །དྲི་
D841.099.0212a03.01མེད་རྒྱུ་ནས་རྣམ་པར་དག །ཀུན་ཀྱང་གཙང་ཞིང་དྲི་མེད་པས། །ཐམས་ཅད་མ་ལུས་སངས་རྒྱས་ལྔ། །ལུས་པ་མེད་པས་ཡེ་ཤེས་དང་། །མ་བཅོས་ཡེ་ནས་དེ་ཉིད་དོ། །དེ་ཕྱིར་སྨན་ཆེན་བཅུད་ཀྱི་མཆོག །བདུད་རྩི་ཞེས་ནི་དེ་ལ་བྱའོ། །རྟོགས་པའི་ཀློང་དུ་སུ་འདྲིས་
D841.099.0212a04.01པ། །མི་ཞེས་བྱ་བ་སངས་རྒྱས་ཡིན། །བཅོམ་ལྡན་འདས་ནི་གུད་ན་མེད། །འབྱུང་བ་ལྔ་ལས་གྱུར་པའི་རྒྱུ། །སྤྲུལ་པས་རིགས་ལྔའི་སངས་རྒྱས་ཡིན། །རང་གི་ལུས་ལ་བསྡུ་བའི་ཕྱིར། །སྐུ་གསུམ་རྡོ་རྗེ་དབང་ཐོབ་འགྱུར། །དེ་ཕྱིར་བསྒྲུབ་པའི་རྫས་སུ་གསུངས། །
D841.099.0212a05.01དེ་སྐད་ཅེས་སྨན་སྤྱོད་པའི་ལུང་དུ་བཀའ་སྩལ་ཏོ། །བདུད་རྩི་ཆེན་པོ་མཆོག་གི་ལུང་འབུམ་སྡེར་བཞུགས་པའི་ནང་ནས། ལུང་ཨ་ནུ་ཡོ་གའི་སྤྱོད་པ་བླ་ན་མེད་པ་བསྟན་པ་སྟེ། བམ་པོ་ཆེན་པོ་བཞི་པ།། །།
D841.099.0212a06.01རྒྱ་གར་སྐད་དུ། ཀུ་ལ་པཉྩ་བུདྡྷ་ན་མཿ། བོད་སྐད་དུ། རིགས་ལྔ་བདེ་བར་གཤེགས་པ་ལ་ཕྱག་འཚལ་ལོ། །མ་ཧཱ་ཡོ་གའི་དོན་དུ་བསྒྲུབ་པའི་ཐབས་འདི་བསྟན་ཏོ། །རི་ནི་ཉམས་དགའ་མདངས་བཟང་བའི། །ཡིད་འོང་གནས་སུ་འདུག་ནས་ནི། །
D841.099.0212a07.01