完整藏文原文 · 德格版页 当前仅加载第 99 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དོན་ཤེས་ནས། །དོན་ལ་ཐེ་ཚོམ་ཅི་སྟེ་ཟ། །ཞེས་ཐེ་ཚོམ་བཅད་ལ། དངོས་གྲུབ་བླང་བའི་སྔགས་འདིའོ། །ཨ་ཧོཿསུ་ཁ་དྷརྨ་གཱ་ཡ་ནི། ཨ་མྲྀ་ཏ་སིདྷི་ཧྲཱིཿ། ཞེས་དངོས་གྲུབ་བླང་ངོ་། །གནས་ལྔ་དག་ཏུ་བསམ་པ་ཡང་། །སྤྱི་གཙུག་དབུས་སུ་ཟླ་བ་སྟེ། །དེར་
D841.099.0215b01.01ནི་ཨོཾ་དཀར་འོད་ལྡན་པ། །འོད་ཟེར་ལྔ་ནི་འཕྲོས་པ་ལས། །སླར་འདུས་སྣང་མཛད་གཙོ་བོ་སྟེ། །རྟག་པའི་ཕྱག་རྒྱ་བཅིངས་པའོ། །ལྕེ་ལ་ཧྲི་དམར་འོད་འཕྲོས་པས། །སླར་འདུས་མཐའ་ཡས་ཆོས་ཀྱི་གསུང་། །མཉམ་པའི་ཕྱག་རྒྱར་གནས་པའོ། །སྙིང་གར་
D841.099.0215b02.01ཡི་གེ་ཧཱུྃ་མཐིང་ག། །འོད་ཟེར་ལྔ་ནི་འཕྲོ་བའོ། །སླར་འདུས་མི་འཁྲུགས་སེམས་དཔའ་སྟེ། །ཕྱག་གཉིས་རྡོ་རྗེ་དྲིལ་བུ་བསྣམས། །ཡང་ན་བདུད་འདུལ་ས་གནོན་ནོ། །ལྟེ་བར་ཡི་གེ་སྭཱ་སེར་པོ། །འོད་ཟེར་ལྔ་ནི་འཕྲོ་བ་ལས། །སླར་འདུས་རིན་ཆེན་དམ་པའི་གཙོ། །ཕྱག་
D841.099.0215b03.01རྒྱ་ཡིད་བཞིན་སྦྱིན་པའོ། །གསང་བར་ཡི་གེ་ཧ་ལྗང་གུ། །འོད་ཟེར་སྣ་ལྔ་འཕྲོ་བ་ལས། །སླར་འདུས་དོན་ཡོད་གྲུབ་པ་སྟེ། །ཞི་བའི་ཕྱག་རྒྱར་མཉམ་རྫོགས་པའོ། །རིགས་ལྔ་གཏོགས་པ་འདི་ཀུན་ཡང་། །རང་འབྱུང་གི་ནི་དཀྱིལ་འཁོར་ཡིན། །དེ་
D841.099.0215b04.01ལྟར་འོད་ཟེར་ལྔ་ལྔ་ཡིས། །ཉི་ཤུ་རྩ་ལྔའི་འཕྲོ་འདུ་ལས། །ཁམས་གསུམ་འགྲོ་བའི་དོན་བྱས་ནས། །སླར་འདུས་སྨན་ལྔ་ཉིད་ལ་བསྡུ། །སྨན་ཉིད་ཕྱག་རྒྱར་གསལ་འབར་ནས། །འོད་ཟེར་སྣ་ལྔ་སླར་འདུས་ནས། །ཕྱག་མཚན་སོ་སོར་གསལ་
D841.099.0215b05.01འགྱུར་ཏེ། །གསེར་གྱི་འཁོར་ལོ་ཟུར་བརྒྱད་ལས། །དྲི་ཆེན་བདུད་རྩི་ཞུ་བའོ། །ཧཱུྃ་ལས་རྡོ་རྗེ་རྩེ་ལྔ་པ། །འབར་ནས་བྱང་ཆུབ་སེམས་སུ་ཞུ། །སྭཱ་ལས་རིན་ཆེན་འོད་འབར་ཏེ། །མ་ཧཱ་མཾ་ས་བདུད་རྩིར་ཞུའོ། །ཧྲིཿལས་འོད་ཟེར་སྣ་ཚོགས་པའོ། །པདྨ་
D841.099.0215b06.01རཀྟ་ཐིག་ལེར་ཞུའོ། །ཧ་ལྗང་འོད་འཕྲོ་སྣ་ཚོགས་པས། །དག་པའི་དྲི་ཆུ་བདུད་རྩིར་ཞུའོ། །དེ་ལྟར་འཕྲོ་འདུ་བྱ་བ་ཡང་། །གོམས་པས་ཡང་ནས་ཡང་དུ་བྱའོ། །དེ་ནས་བདུད་རྩི་རྣམ་ལྔ་ལ། །བསམ་པའི་ཡི་གེ་དམ་པ་ལྔ། །ཨོཾ་ཧཱུྃ་སྭཱ་ཧྲཱི་ཨཱ། རྩ་བའི་
D841.099.0215b07.01