完整藏文原文 · 德格版页 当前仅加载第 99 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་མྲྀ་ཏ་ཨུ་ཙི་ཐ་ཨ་དྷི་ཏིཥྛ་ཨོཾ་ཞེས་བརྗོད་དོ། །དེ་ནས་སྒྲུབ་པ་པོ་ཀུན་གྱིས་ཐལ་མོ་སྦྱར་ཏེ། དབུས་ཀྱི་སྣོད་ཡུམ་གྱིས་བླངས་ཏེ་འདི་སྐད་བརྗོད་དོ། །ཡེ་ཤེས་སྙིང་པོ་ཅན་རྣམས་ཀྱི། །སངས་རྒྱས་ཀུན་གྱི་ཆོས་ཉིད་འདི། །སྙིང་པོ་ཆོས་ཀྱི་
D841.099.0218a01.01དོན་ལས་འབྱུང་། །བྱང་ཆུབ་སྤྱོད་པའི་གནས་འདི་ཡིན། །སྨད་པར་བྱ་བའི་རྫས་ལྔ་པོ། །གཅིག་ལ་ཡོན་ཏན་ལྔ་ལྔའམ། །གཅིག་ལའང་ཡོན་ཏན་གསུམ་དུ་དབྱེ། །དམ་ཚིག་རྩ་བ་{བཅྭ་,བཅོ་}ལྔ་ཡིན། །ཡན་ལག་ཉི་ཤུ་རྩ་བརྒྱད་དོ། །སྣོད་བཅུད་དབུས་
D841.099.0218a02.01སུ་འདུས་ནས་ནི། །བཅུ་དྲུག་པོར་ཡང་བསྟན་པར་བྱའོ། །ཐབས་དང་ཤེས་རབ་ལྡན་པ་ལས། །སེམས་དཔའ་སེམས་མའི་ཚོགས་སུ་བལྟའོ། །རྩ་བ་བརྒྱད་དང་ཡན་ལག་བརྒྱད། །རྫས་ནི་སེམས་དཔའ་བཅུ་དྲུག་སྟེ། །སྣོད་དབྱིངས་སེམས་མ་
D841.099.0218a03.01བཅུ་དྲུག་ཡིན། །འཁོར་ལོ་རྩིབས་ནི་བཅུ་དྲུག་ཀྱང་། །རང་བཞིན་མི་གཉིས་དབྱིངས་གཅིག་པས། །ཕྱག་རྒྱ་ཐིག་ལེ་ལྡན་པར་བསྒོམ། །སུམ་ཅུ་རྩ་གཉིས་མཚན་ལྡན་པ། །དཔེ་བྱད་བཟང་པོ་བརྒྱད་ཅུས་བརྒྱན། །རྡོ་རྗེ་དབྱིངས་ཀྱི་དཀྱིལ་འཁོར་
D841.099.0218a04.01རྫོགས། །རྒྱུ་ཡང་གསང་ལ་འབྲས་བུའང་གསང་། །རྡོ་རྗེ་དབྱིངས་ཀྱི་དཀྱིལ་འཁོར་ལ། །མཛོད་ལྡན་དཔལ་གྱི་ཕྱག་རྒྱ་དང་། །ཁ་འབྱེད་རྡོ་རྗེའི་ཕྱག་རྒྱ་ནི། །འཁོར་ལོ་རྩིབས་ཀྱི་དབུས་སུ་གཞག །བདུད་རྩི་ལྔ་དང་རྩ་བ་བརྒྱད། །མིག་དང་རྣ་བ་སྣ་
D841.099.0218a05.01དང་ལྕེ། །མཚན་དང་རྣམ་ཤེས་ཡུལ་དང་བཅས། །འདུས་ལ་མ་བྱས་རྡོ་རྗེ་སྟེ། །དགོངས་པ་འདུས་པས་རྡོ་རྗེར་བཤད། །རྡོ་རྗེ་སེམས་དཔར་རབ་སྦྱར་ནས། །རྡོ་རྗེ་སེམས་དཔའ་ཉིད་དུ་འགྱུར། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་བཛྲ་སཏྭ་ཧཱུྃ་ཞེས་
D841.099.0218a06.01བརྗོད་དེ། བདུད་རྩི་རྣམ་ལྔ་བྱིན་གྱིས་བརླབ་ཅིང་བསྐུལ་ལོ། །དེ་ནས་ཡང་རྩ་བ་བརྒྱད་དང་ཡན་ལག་སྟོང་དུ་འདུས་ཤིང་སྦྱར་བ་དང་བསྐུལ་བའི་ཚིག་འདི་བརྗོད་དོ། །དེ་ནས་ཡང་སྣོད་སྟོང་པར་རྒུན་ཆང་དང་། སྦྲང་ཆང་དང་། རྒྱ་ཆང་དང་། བུ་རམ་ཆང་
D841.099.0218a07.01