完整藏文原文 · 德格版页 当前仅加载第 99 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འབྲས་ཆང་དང་། ཆང་སྣ་ཚོགས་སྦྲེང་ཞིང་འདི་སྐད་བརྗོད་དོ། །འབྲུ་རྣམས་ལ་ཡང་ཆང་མེད་དེ། །ཆུ་ལ་ཆང་གི་རང་བཞིན་མེད། །མཁས་པས་འབྲུ་དང་ཆུར་སྦྱར་ན། །མཉམ་པ་ཉིད་ཀྱི་ཆང་དུ་འགྱུར། །ཆང་བྱིན་གྱིས་བརླབ་པའི་སྔགས། ཨོཾ་ཨ་མྲྀ་ཏ་ཛ་གད་
D841.099.0218b01.01པྲ་བ་སྭཱ་ཧཱ། ཨོཾ་ཛི་བ་སྭཱ་ཧཱ། སྨན་ཆང་དུ་བླུགས་ལ། དཀྲུགས་པའི་སྔགས། མུ་ས་ལ་མུ་ས་ལ། རོ་མཆོག་གོ་འཕང་ཐོབ་པར་འགྱུར། །མི་གཙང་བ་ལའང་གཙང་བ་མེད། །མན་ངག་ཅན་གྱི་གྲུབ་པ་བོས། །མཁས་པས་གཉིས་མེད་སྦྱར་བས་ན། །མཉམ་པ་
D841.099.0218b02.01ཉིད་ཀྱི་དོན་ཐོབ་འགྱུར། །ཀྲོ་ངྷཱི་ཤྭ་རི་ཤོ་དྷ་ཡ་སྃ་ཤོ་དྷ་ཡ། ཡང་འོ་མ་སྣ་ཚོགས་སྦྲེང་ཞིང་འདི་སྐད་བརྗོད་དོ། །རྟ་དང་མི་ལ་སོགས་པ་ཡི། །ཇི་ལྟར་འོ་མར་གྱུར་པ་ལ། །མཁས་ལྡན་ཆེན་པོས་རབ་སྦྱར་ན། །ཡོན་ཏན་ཞོ་དང་མར་ལྟར་སྣང་། །དེ་བཞིན་རྫས་
D841.099.0218b03.01རྣམས་བསྒྱུར་བས་ན། །མཉམ་ཉིད་ཡོན་ཏན་མར་ལྟར་འགྲུབ། །ཞེས་བརྗོད་དེ། བྱང་ཆུབ་སེམས་ཀྱི་སྣོད་དུ་སྦྲེང་ངོ་། །དེ་ནས་རིན་པོ་ཆེ་སྣ་ཚོགས་བདར་ཞིང་འདི་སྐད་བརྗོད་དོ། །དཔེར་ན་གསེར་དང་རིན་ཆེན་ལྟར། །གཅིག་ཏུ་བསྲེས་དང་སོ་སོར་གནས། །
D841.099.0218b04.01སོ་སོར་གནས་ཀྱང་རང་རང་གི། །ཁ་དོག་མཚན་ཉིད་སོ་སོར་གསལ། །རིན་ཆེན་ཡོན་ཏན་དེ་འདྲ་ཡང་། །བསྡུས་ནས་ཡོན་ཏན་རྨད་དུ་འགྱུར། །དེ་བས་གཉིས་སྤྲས་མཛེས་པར་སྣང་། །དེ་བཞིན་རྫས་ཀྱི་ཡོན་ཏན་ཡང་། །རང་གི་ཡོན་ཏན་རིན་ཆེན་སྣང་། །གཉིས་
D841.099.0218b05.01མེད་མཉམ་པར་སྦྱར་བས་ན། །བླ་མེད་ཡོན་ཏན་རྨད་དུ་འགྱུར། །ཐམས་ཅད་གཅིག་ཏུ་བསྡུ་བའོ། །དེ་ནས་བདུད་རྩི་ར་ས་ཡ་ན་སྣ་ཚོགས་བསྡུས་ཏེ། སྣོད་སྟོང་བར་ཆུ་སྣ་ཚོགས་སྦྲེང་ཞིང་འདི་བརྗོད་དོ། །ཆུ་རྣམས་སྣ་ཚོགས་ཐ་དད་པ། །རྒྱ་མཚོར་ཕྱིན་ན་ལན་ཚྭའི་
D841.099.0218b06.01རོ། །དེ་དག་ཐམས་ཅད་བསྡུས་པའི་དཔལ། །རྒྱ་མཚོ་ཙམ་དུ་རླབས་ཆེ་ལ། །ཆོས་ཀྱི་དབྱིངས་སུ་རོ་གཅིག་གོ། །འབྱུང་བ་ལྔ་ཡི་ཐུགས་རྗེ་ལས། །སྨན་དང་བདུད་རྩི་རྣམ་ལྔ་པོ། །འགྲོ་བ་ཡོངས་ཀྱི་གསོས་མཛད་པ། །ཐུགས་རྗེས་བྱིན་གྱིས་བརླབས་པའོ། །
D841.099.0218b07.01