完整藏文原文 · 德格版页 当前仅加载第 99 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
ཟག་པ་ཟད་ནས་ནམ་མཁར་འཕུར། །རྡོ་རྗེ་འགྲོས་ཀྱིས་ནམ་མཁར་འགྲོ། །རིགས་འཛིན་གོ་འཕང་འདིར་ཐོབ་བོ། །འདྲེས་པ་གང་ཟག་མི་ཡི་ཟས། །ཟོས་ན་དངོས་གྲུབ་མི་ཐོབ་ངེས་ཞེས་ལུང་དུ་བཀའ་སྩལ་ཏོ། །དེ་ནས་དྲང་སྲོང་ཏྲག་ཤ་ན། །རྒྱལ་པོ་ཤེས་ཉེན་ཅན་ཞེས་
D841.099.0206a01.01བྱ། །ལྷ་དང་དྲང་སྲོང་ཐམས་ཅད་ལ། །མཆོད་སྦྱིན་རྒྱ་ཆེན་བྱས་པ་ལས། །མ་ཧཱ་དེ་བ་ལྷ་ཆེན་པོ། །ཀུན་གྱི་འཇུག་ཏུ་སྤྱན་དྲངས་པས། །ལྷ་ཆེན་དྲག་པོ་དེ་ཁྲོས་ཏེ། །ལྷ་ཆེན་དེ་ཡི་དཔྲལ་བ་ལས། །མིག་གཅིག་ལྷག་པར་བྱུང་བ་སྟེ། །ལྷ་དང་དྲང་སྲོང་ཐམས་ཅད་ལ། །རླུང་མཁྲིས་
D841.099.0206a02.01བད་ཀན་སྣ་ཚོགས་དང་། །དེ་བཞིན་མི་ལ་རིམས་ནད་དག །རླུང་ལྷའི་ལག་པར་བསྐུར་ནས་གཏོར། །ལྷ་དང་དྲང་སྲོང་མང་པོས་ཀྱང་། །མ་ཤེས་མ་ཚོར་མྱོས་པར་འགྱུར། །ཕྱེ་མའི་རྒྱལ་པོ་འདབ་མ་འདི། །ས་སྟེངས་ཁྱབ་པར་སྐྱེས་པ་ལ། །དྲང་སྲོང་རྣམས་ཀྱང་མཆོད་པ་
D841.099.0206a03.01བྱེད། །ལུག་མིག་མེ་ཏོག་ཆེན་པོ་འདི། །ར་ས་ཡ་ནའི་རྒྱལ་མོ་སྟེ། །བ་ཡི་འོ་མ་དག་དང་བསྐོལ། །རྔུབས་གཅིག་འཐུངས་པས་བ་སྤུ་ལངས། །རྔུབས་གཉིས་འཐུངས་པའི་ཡོན་ཏན་ནི། །རིམས་ནད་ཐམས་ཅད་བྱང་བར་བྱེད། །རྔུབས་གསུམ་འཐུངས་པའི་ཡོན་ཏན་ནི། །མིག་
D841.099.0206a04.01རྩ་དམར་ཞིང་མདོག་ཀྱང་གཞོན། །ཕྱེ་མ་གྲིབ་མར་བསྐམས་པ་དང་། །མ་ཏོ་ལ་ཡི་ཁུ་བར་སྦྱར། །བླུད་ན་དགྲ་རྣམས་མྱོས་པར་འགྱུར། །ལྷ་ཡིས་བསྲུངས་ཀྱང་འཆི་བར་འགྱུར། །བྱིན་གྱིས་བརླབ་པའི་སྔགས་འདིའོ། །སྟོང་ངམ་བརྒྱ་ནི་རྩ་བརྒྱད་བཟླས། །ཨོཾ་སོ་འུ་གྲི་བཱ་ཧ་ན་ཧ་ན་
D841.099.0206a05.01ཧཱུྃ། མ་ར་ཡམ་ར་ཡ། ཙེ་ཏ་ཡ་ཙེ་ཏ་ཡ་སུ་གྲི་བ་ཕཊ། བདུད་རྩི་ར་ས་ཡ་ནའི་གཙོ། །ཤུ་དག་དང་ནི་རུ་རྟ་དང་། །ཕྱེ་མར་བྱས་ཏེ་སུ་བླུད་པ། །རྒྱལ་པོ་བུད་མེད་དབང་དུ་འགྱུར། །འགྲི་ཧ་འགྲོ་ལོ་ཀི་དང་སྦྱར། །དགྲ་ལ་བླུད་ན་རྣ་བ་འོན། །ལུག་མིག་གྲིབ་མར་བསྐམས་
D841.099.0206a06.01པ་དང་། །སུ་ཏིའི་འོ་མར་སྦྱར་བ་ནི། །དགྲ་ལ་བླུད་ན་འཆི་བར་འགྱུར། །ལྷ་ཆེན་དྲག་པོས་བསྐྱེད་པ་འདི། །འཇམ་དཔལ་གཞོན་ནུས་མཁྱེན་པ་ལས། །ལྷ་དང་དྲང་སྲོང་གཞན་མི་ཤེས། །དེ་སྐད་ཅེས་བཅོམ་ལྡན་འདས་འཇམ་དཔལ་གཞོན་ནུས། མི་མཇེད་ཀྱི་བདག་པོ་
D841.099.0206a07.01