完整藏文原文 · 德格版页 当前仅加载第 94 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྟོང་ཕྲག་བརྒྱད་སྲེག་བླུགས་བྱའོ། །དེ་ནས་གཞོན་ནུ་མ་རྣམས་འོང་ངོ་། །འོངས་ནས་ཀྱང་ལག་ནས་བཟུང་སྟེ་འཇུག་པར་བྱེད་དོ། །ཇི་ལྟར་འདོད་པའི་རྫས་རྣམས་སྟེར་རོ། །གཞན་དུ་ན་བུད་མེད་དེ་རྣམས་འཆི་བར་འགྱུར་རོ། །ཚོན་སྣ་ལྔའི་སྲད་བུས་དཀྱིལ་འཁོར་
D744.094.0259a01.01གདབ་པར་བྱའོ། །རྡོ་རྗེ་ས་འོག་གི་རྒྱུད་ལས་རྒྱས་པའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་ཁྲོ་བོའི་རྒྱལ་པོ་དེས་ས་འོག་ཆེན་པོའི་ཆོ་གར་གྱུར་པ་ནི། གཞོན་ནུ་མས་བཀལ་བའི་སྲད་བུ་ལ་བ་ལང་གི་གཅིན་གྱིས་བཀྲུས་ཏེ་གསོ་སྦྱོང་དང་ལྡན་པའི་ཐགས་མཁན་གྱིས་ནག་
D744.094.0259a02.01པོའི་ཕྱོགས་ཀྱི་བཅུ་བཞི་པའམ་བརྒྱད་པའམ་ཡང་ན་ཉ་ལ་རྣམ་པར་བྲལ་བའི་ཕྱོགས་སུ་དེ་བཞིན་གཤེགས་པ་ལ་གསོལ་བ་བཏབ་སྟེ། དྲི་དང་། མེ་ཏོག་དང་། བདུག་པ་ལ་སོགས་པ་རྣམས་ཀྱིས་མཆོད་ལ། རྒྱ་ཆེན་པོའི་གཏོར་མ་དང་ལྷ་བཤོས་བྱས་ཏེ། བདེ་བར་གཤེགས་པའི་མཐོ་
D744.094.0259a03.01གང་ལས་ལྷག་པ་ཇི་ཙམ་འདོད་པའི་ཚད་ཀྱི་བྲིས་སྐུ་འཚམ་པར་བྱས་ལ། དེ་ལ་རིན་ཆེན་དང་། སྨན་དང་། འབྲུས་བྱིན་གྱིས་བརླབས་པའི་བུམ་པས་མཆོད་ཡོན་སྦྲེངས་ལ། གཏོར་མ་དང་ལྷ་བཤོས་རྒྱ་ཆེན་པོ་བྱས་ཏེ། ཇི་ལྟར་འབྱོར་པའི་དགེ་སློང་ལ་གྱ་ནོམ་པའི་བཟའ་བས་ཚིམ་པར་
D744.094.0259a04.01བྱས་ནས་ཇི་ལྟར་འདོད་པའི་དངོས་གྲུབ་ཏུ་སྨོན་ཏེ། ཡན་ལག་བརྒྱད་པའི་གསོ་སྦྱོང་དང་ལྡན་པའི་རི་མོ་མཁན་ལ་བསྲུང་བ་བྱས་ལ་དཔའ་བོས་རིན་ཐང་ངེས་པ་མི་བཟུང་བར་ཡོན་བྱིན་ཏེ། ཁ་དོག་མ་འདྲེས་པས་བཅོམ་ལྡན་འདས་ཁྲོ་བོའི་རྒྱལ་པོ་དཔའ་བོ་གཅིག་པ་རྡོ་རྗེ་ས་འོག་ཆེན་པོ་བྲི་བར་
D744.094.0259a05.01བྱའོ། །བཻ་ཌཱུརྱ་སྔོན་པོ་དང་སྤྲིན་ཆེན་པོ་འདྲ་བ། སྦྲུལ་གྱི་མཆོད་ཕྱིར་ཐོགས་འཆང་བ། ཀླུའི་རྒྱལ་པོ་ནོར་རྒྱས་ཀྱི་སྐ་རགས་བྱས་པ། དགའ་བོ་དང་སྟོབས་ཀྱི་རྒྱུས་རྣ་བ་བརྒྱན་པ། ཨ་ཤི་བི་ཤས་ལག་པ་དང་རྐང་པ་བརྒྱན་པ། སྟག་གི་པགས་པའི་ཤམ་ཐབས་ཅན། སྤྱན་
D744.094.0259a06.01གསུམ་པ་འཇིགས་བྱེད་ཆེན་པོ་ཊ་ཊས་བཞད་པ་མཆེ་བ་གཙིགས་ཤིང་འབར་བས་འཁྲུགས་པ་ཐམས་ཅད་རབ་ཏུ་འབར་བའི་འོད་ཀྱི་ཚོགས་ཅན་ཕྱག་བཞི་པ། ཕྱག་གཡས་པར་འོད་ཟེར་ཆེན་པོའི་དཀྱིལ་འཁོར་ཅན་གྱི་རྡོ་རྗེ་རྩེ་གསུམ་པའོ། །གཞན་པར་ཆུ་སྲིན་གྱི་གདོང་གི་རྣམ་པའི་ལྕགས་ཀྱུའི་
D744.094.0259a07.01