完整藏文原文 · 德格版页 当前仅加载第 94 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་བོ་དེ་ཡང་གཤེགས་སུ་གསོལ། །བརྒྱ་རྩ་བརྒྱད་བཟླས་ཅི་བདེར་འགྲོ། །གོ་ཆ་ཆེན་པོ་གྱོན་པ་ཡིས། །བློ་དང་ལྡན་པས་དབང་བླངས་ཏེ། །སེར་སྣ་ཁྲོ་དང་འགྱོད་པ་དང་། །ཕྲག་དོག་ལ་སོགས་དོར་ནས་སུ། །རྟག་ཏུ་སྤྲོ་བར་འགྱུར་པ་ཡིས། །བྱ་བ་བྱས་
D744.094.0255a01.01ན་ལེགས་པར་འགྲུབ། །འདི་ནི་བཅོམ་ལྡན་རྡོར་འཛིན་གསུང་། །འཕགས་པ་རྡོ་རྗེ་ས་འོག་གི་རྒྱུད་ལས་དཔལ་གྱི་སྒོར་དྲག་ཤུལ་སྤྱོད་པའི་ལེའུ་སྟེ་བཅུ་དྲུག་པའོ།། །།དེ་ནས་མཚན་ཉིད་གཞན་གྱིས་རིམ་པར་ཕྱེ་བར་གྱུར་པ་ནི། སྔོན་དུ་འབུམ་ཕྲག་གསུམ་བཟླས་
D744.094.0255a02.01ལ། དེ་ནས་བུ་གའི་སྒོར་ལུས་དྲི་ཞིམ་པོས་འོ་མ་དང་ནས་ཟན་ཟ་ཞིང་འབུམ་ཕྲག་གསུམ་བཟླའོ། །དེ་ནས་བུ་གའི་འཁྲུལ་འཁོར་ཐམས་ཅད་འཇོམས་པར་འགྱུར་རོ། །དེ་ནས་ཐེ་ཚོམ་མེད་པར་གྱུར་པའི་ཡིད་ཀྱིས་སྒོ་དྲུང་དུ། སྲེག་བླུགས་བརྒྱ་རྩ་བརྒྱད་བྱས་ལ་འཇུག་པར་བྱ་སྟེ་རང་
D744.094.0255a03.01གི་ཁྱིམ་བཞིན་ནོ། །ལྷ་མ་ཡིན་གྱི་དབང་པོ་གཞན་ལེན་གྱིས་བསྒྲགས་པའི་གསང་བ་ཆེན་པོ་བཅོམ་ལྡན་འདས་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་ཕྱིར་ས་འོག་གི་གསང་བ་ཆེན་པོའི་དཔལ་གྱི་སྒོ་བཀའ་སྩལ་པ། རྡོ་རྗེ་འཁོར་ལོ་དེ་བཞིན་དུ། །རྩེ་གསུམ་ཀུ་མུད་པདྨ་དང་། །
D744.094.0255a04.01བཀྲ་ཤིས་དང་ནི་དུང་ཉིད་དང་། །ཆུ་སྲིན་དུ་ནི་མཚོན་པར་བྱ། །རྡོ་རྗེས་གནོད་སྦྱིན་རྣམས་སུ་འགྲོ། །འཁོར་ལོས་སྲིན་པོ་རྣམས་འགྲོ་སྟེ། །ཀླུ་ཡི་ཁང་པར་རྩེ་གསུམ་གྱིས། །རྐང་འོག་ཏུ་ནི་ཀུ་མུ་དས། །ལམ་པོ་ཆེར་ནི་པདྨས་འགྲོ། །བཀྲ་ཤིས་ཁྱིམ་གྱིས་མཛོད་ཁྱིམ་དོང་། །
D744.094.0255a05.01ཆུ་སྲིན་གྱིས་ནི་བུད་མེད་ཁྱིམ། །འཕགས་པ་རྡོ་རྗེ་ས་འོག་གི་རྒྱུད་ལས་མཚན་ཉིད་ཀྱི་ལེའུ་སྟེ་བཅུ་བདུན་པའོ།། །།དེ་ནས་རིག་པ་འཛིན་པའི་རྣལ་འབྱོར་གྱི་རིམ་པར་ཕྱེ་བར་གྱུར་པ་ནི། མུན་པ་ལས་ནི་འདས་པ་ན། །གང་ཚེ་སྒྲོན་མའི་འོད་གསལ་བ། །དེ་ནི་འཁྲུལ་འཁོར་
D744.094.0255a06.01གནས་ཞེས་བྱ། །གནས་དེར་བློ་ལྡན་འགྲོ་མི་བྱ། །འཁྲུལ་འཁོར་གཞོམ་པར་བྱ་བའི་ཕྱིར། །རྡོ་རྗེ་འཕྱར་བ་སྦྱར་བར་བྱ། །རྐང་པ་གཡས་པ་བཏེག་ནས་སུ། །གཡོན་པའི་སྟེང་དུ་སྦྱར་བར་བྱ། །ལྟེ་བའི་གནས་སུ་ཁུ་ཚུར་གྱིས། །གར་གྱི་སྦྱོར་བས་བསྐོར་བར་བྱ། །ལག་
D744.094.0255a07.01