完整藏文原文 · 德格版页 当前仅加载第 94 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
གཙུག་ཕུད་དག་སྟེ། འདི་རྣམས་ཀྱི་ཕྱེ་མ་སྒྱུ་མ་ཐམས་ཅད་འཇོམས་པར་བྱེད་པ་ཞེས་བྱ་སྟེ། ཆུའི་འཁྲུལ་འཁོར་དང་། སྦྱིན་དང་། དངུལ་ཆུ་དང་། བཅུད་ལེན་དང་། བུད་མེད་ཀྱི་དབུས་སུ་འཇུག་པ་དང་། ལྷ་མ་ཡིན་གྱི་བུ་མོ་འགུགས་པ་ན་ཆོ་ག་ཕྲ་མོ་བྱས་ཏེ། འཁྲུལ་
D744.094.0249a01.01འཁོར་གྱི་བླ་མ་བཟླས་ནས་དེའི་རྐང་པ་ལེགས་པར་བྱུགས་པས་སྦྱིན་ལ་སོགས་པའི་འཁྲུལ་འཁོར་ཐམས་ཅད་འབྱུང་བར་འགྱུར་རོ། །དེར་འཇུག་པ་ན་སྔོན་དུ་བཛྲ་ཏན་ཏུ་ལི་བསླགས་ལ་ཀ་ར་དང་ལྷན་ཅིག་ཏུ་ཟོས་ལ་འཇུག་གོ། །ལྷའི་ཁང་པའི་ལྷ་བཤོས་མི་བྱའོ། །ལྷའི་གྲོང་ལ་གཡས་
D744.094.0249a02.01ཕྱོགས་ནས་བསྐོར་ལ་འགྲོའོ། །རྔའི་ཁང་པར་འཇུག་གོ། །རྔའི་འོག་ཏུ་རུས་སྦལ་གྱི་ཕྱག་རྒྱ་བྲིའོ། །དབྱུག་གུ་ལ་འཁྲུལ་འཁོར་གྱི་བླ་མ་བརྒྱ་རྩ་བརྒྱད་བཟླས་ཏེ། རྐང་པ་གཡོན་པས་མནན་ལ་ཁྲོ་བོའི་རྒྱལ་པོ་ཟློས་ཤིང་བརྡུང་ངོ་། །འཇུག་པའི་སྔོན་དུ་མཆོད་ཡོན་དང་། ཞབས་
D744.094.0249a03.01བསིལ་དང་། འཐོར་འཐུང་བཟུང་ནས་མ་འོངས་ན་ཐམས་ཅད་དེར་འཆི་བར་འགྱུར་རོ། །ཅི་ནས་ཀྱང་འོང་བར་འགྱུར་རོ། །འདི་ནི་བཅོམ་ལྡན་འདས་རྡོ་རྗེ་འཛིན་པ་ཉིད་ཀྱིས་གསུངས་སོ། །ཡང་ན་ཕྱག་རྒྱའི་སྟེང་དུ་རྐང་པས་རྐང་པ་མནན་ལ་ཁ་བྱང་དུ་ཕྱོགས་ཏེ། ཕྱག་རྒྱ་བཅིངས་ལ་ཅུང་ཟད་ཅིག་
D744.094.0249a04.01བཟླའོ། །རྐང་འོག་གི་ནང་ན་གནས་པ་ཐམས་ཅད་དང་། ལྷ་མ་ཡིན་གྱི་བུ་མོ་ངེས་པར་འོང་བར་འགྱུར་རོ། །ཇི་ལྟར་འདོད་པའི་དངུལ་ཆུ་དང་། བཅུད་ལེན་དང་། གྲུབ་པའི་རྫས་རྣམས་སྟེར་རོ། །དེ་ནས་ཇི་ལྟར་འདོད་པའི་དུས་དེ་སྲིད་དུ་དེ་རྣམས་དང་ལྷན་ཅིག་ཏུ་གནས་སོ། །དེ་
D744.094.0249a05.01ནས་འོང་བར་འདོད་ན་སེམས་ཅན་ལ་ཕན་པར་བྱེད་པའི་རྫས་མཛེས་པ་ཇི་ལྟར་འདོད་པ་བཟུང་ལ་གང་འདོད་པ་དེར་གདོན་མི་ཟ་བར་དོང་བར་བྱའོ། །དེ་ནས་འཁྲུལ་འཁོར་གྱི་དབྱིབས་ཀྱི་རྣམ་པ་སེམས་ལ་བྲིས་ལ་ལྷ་མ་ཡིན་གྱི་ཕྱག་རྒྱའམ་གཞན་གྱི་ཕྱག་རྒྱ་བཅིངས་ལ་བཟླའོ། །དེའི་སྐད་ཅིག་
D744.094.0249a06.01ལ་སྣང་བ་ཆེན་པོ་བྱུང་ནས་སྒོ་གྲོལ་བར་འགྱུར་རོ། །སོམ་ཉི་མེད་པར་ཇི་ལྟར་འདོད་པར་འགྲོའོ། །དཔག་ཏུ་མེད་པའི་སྟོབས་ཀྱིས་ཕ་རོལ་གནོན་པར་འགྱུར་རོ། །ཡིད་ལྟར་མགྱོགས་པ་དང་། ཇི་ལྟར་འདོད་པའི་རྒྱལ་པོ་གདུལ་དཀའ་བ་འདུལ་བར་འགྱུར་རོ་ཞེས་བཅོམ་ལྡན་འདས་
D744.094.0249a07.01