完整藏文原文 · 德格版页 当前仅加载第 94 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར། །རྡོ་རྗེ་ཁྲོ་བོའི་དམ་ཚིག་འདི་སྒྲོགས་ཤིག །དེ་ནས་ལག་ན་རྡོ་རྗེ་སྟན་ལས་ལངས་ཏེ་བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་བཏུད་ནས་ཐལ་མོ་སྦྱར་ཏེ་ཕྱག་བྱས་ནས་རྡོ་རྗེ་ཁྲོ་བོས་སྨྲས་སོ། །སྨྲས་པ་ཙམ་
D744.094.0246b01.01གྱིས་རྡོ་རྗེ་ཁྲོ་བོའི་རྒྱལ་པོ་མེ་ལྕེ་གཅིག་ཏུ་འབར་ཏེ། འཇིག་རྟེན་གསུམ་བཀང་ནས་སྒྲ་ཆེན་པོ་ཕྱུང་ངོ་། །དེ་ནས་དེ་ལྟ་བུའི་མཚན་མ་ཆེན་པོ་དེས་ལྷ་མ་ཡིན་འཁོར་དང་བཅས་པ་ཐམས་ཅད་འདིར་ལྷ་དང་ལྷ་མ་ཡིན་རྣམས་གཡུལ་འགྱེད་པར་གྱུར་ཏོ་སྙམ་དུ་སེམས་ཏེ། ལྷ་མ་ཡིན་རྣམས་
D744.094.0246b02.01ལ་ཐགས་ཟངས་རིས་དང་། སྟོབས་ཅན་དང་། རྣམ་པར་སྣང་བྱེད་དང་། རབ་བདེ་དང་། བདེ་མཆོག་དང་། དུས་ཀྱི་མུ་ཁྱུད་དང་། དབྱིག་ཟ་དང་། རུས་སྦལ་ལ་སོགས་པ་འཁོར་དང་བཅས་པ་དང་། གཞན་ཡང་བགྲོད་དཀའ་ཆེན་པོ་དང་། གློག་གི་ལྕེ་དང་། སྒྲ་གཅན་
D744.094.0246b03.01དང་། སྣང་བའི་ཕྲེང་བ་ཅན་དང་། འཕྲོག་བྱེད་སེར་སྐྱལ་སོགས་པ་དང་། {ཡི་དགས་,ཡི་དྭགས་}དང་། ལྷ་མ་ཡིན་གྱི་རྗེས་སུ་དཔྱོད་པ་དཔུང་དང་བཅས་པ་བཞོན་པ་དང་བཅས་པ་འདུས་ཏེ། བཅོམ་ལྡན་འདས་ག་ལ་བ་དེར་ལྷགས་སོ། །ལྷ་རྣམས་ཀྱིས་ཀྱང་དེ་ལྟ་བུའི་མཚན་མ་ཆེན་པོ་དེ་
D744.094.0246b04.01མཐོང་ནས་ལྷའི་ཚོགས་གཞན་རྣམས་དང་རང་རང་གི་རྣམ་པར་རྟོག་པ་ཇི་ལྟ་དེ་ལྟར་ལྷ་རྣམས་ཀྱེ་དབང་པོ་ལ་སྨྲ་ཞིང་། བཅོམ་ལྡན་འདས་ག་ལ་བ་དེར་ལྷགས་ཏེ་ཐལ་མོ་སྦྱར་ནས་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་
D744.094.0246b05.01པ། ལག་ན་རྡོ་རྗེ་གང་འདིར་དུས་ལ་བབ་པར་ཤེས་ན་དེང་འདིར་ས་འོག་གི་དབང་བསྐུར་བ་རྔའི་སྒྲ་དབྱངས་ཞེས་བྱ་བས་བྱིན་གྱིས་རློབས་ཤིག །སྐྱེ་བོ་མང་པོ་ལ་ཕན་པ་དང་དོན་དང་བདེ་བར་འགྱུར་རོ། །བཅོམ་ལྡན་འདས་བདག་གིས་ཐེག་པ་ཆེན་པོ་ལ་དད་པ་དང་ལྡན་པའི་རིགས་ཀྱི་
D744.094.0246b06.01བུའི་དོན་དུ་དམ་ཚིག་བསྟན་པས་བྱིན་གྱིས་བརླབས་ལགས་ཀྱིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བྱིན་གྱིས་བརླབ་ཏུ་གསོལ། དེ་བཞིན་གཤེགས་པ་གཞན་གྱིས་ཀྱང་བྱིན་གྱིས་བརླབས་ལགས་སོ། །དེ་བདག་
D744.094.0246b07.01