完整藏文原文 · 德格版页 当前仅加载第 94 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་པ་དང་། དེ་བཞིན་གཤེགས་པ་ལ་བསམ་པ་མི་ཕྱེད་པ་དག་ལ་སྦྱིན་པར་བྱའོ། །འཕགས་པ་རྡོ་རྗེ་ས་འོག་གི་རྒྱུད་ལས་ལྷ་མ་ཡིན་གྱི་དབང་པོ་གཞན་ལེན་གྱི་གཙུག་ཏུ་བྲི་བའི་ལེའུ་སྟེ་བཅུ་པའོ།། །།དེ་ནས་གཞན་ཡང་རིམ་པས་ཕྱེ་བར་
D744.094.0252a01.01གྱུར་པ་ནི། ཧཱ་ཡང་ཙའི་དབུས་སུ་ཡུངས་ཀར་སྐྱ་བོས་སྟོང་ཕྲག་བརྒྱད་སྲེག་བླུགས་བྱའོ། །དེ་ནས་བུད་མེད་རྣམས་འོང་བར་འགྱུར་རོ། །ལག་པ་ཡོངས་སུ་བཟུང་ནས་འཇུག་པར་བྱེད་དོ། །ཡང་ན་གང་འདོད་པ་དེ་སྟེར་རོ། །འབུམ་ཕྲག་ཉི་ཤུ་རྩ་གཅིག་བཟླས་པས་རི་
D744.094.0252a02.01བོ་དང་བགེགས་རྣམ་པ་སྣ་ཚོགས་པ་རྣམ་པར་འཇོམས་པར་བྱེད་དོ། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །འཕགས་པ་རྡོ་རྗེ་ས་འོག་གི་རྒྱུད་ལས་རྡོ་རྗེ་ཉིང་ཁུའི་ལེའུ་སྟེ་བཅུ་གཅིག་པའོ།། །།དེ་ནས་འདིར་རྟོག་པ་གཞན་ཡང་བཤད་པར་བྱ་
D744.094.0252a03.01སྟེ། ལོ་མ་དང་ནས་ཀྱི་བཟའ་བ་དང་། སློང་མོའི་ཟས་ཟ་ཞིང་སྔར་བཤད་པའི་ཚུལ་གྱིས་འབུམ་ཕྲག་གསུམ་བཟླ་བར་བྱའོ། །བཟླས་པ་ཡོངས་སུ་རྫོགས་པ་དང་། རྡོ་རྗེས་བསྣུན་པའི་ཤིང་ལ་རྡོ་རྗེ་ཁྲོ་བོ་ཚོན་གང་ཁྲོ་གཉེར་བསྙེར་ཞིང་མཆུ་བསྡམས་པ་འཇིགས་པར་བྱེད་
D744.094.0252a04.01པ། རྡོ་རྗེ་འཕྱར་བའི་ལག་པ་ཅན། གཡོན་པའི་མཛུབ་མོ་སྡིགས་མཛུབ་ཏུ་བྱས་པ་དེ་ནས་ཟླ་བ་ཆེར་གཟས་བཟུང་ནས་མི་མཐོང་བ་ན་དུར་ཁྲོད་དུ་ཙནྡན་དམར་པོའི་སྟན་ནམ། ཆུ་བོའི་འགྲམ་གྱི་འཇིམ་པ་ལ་གཞུག་པར་བྱའོ། །དེ་ལ་རྒྱ་ཆེན་པོའི་མཆོད་པ་བྱས་ནས་དེའི་མདུན་
D744.094.0252a05.01དུ་རྡོ་རྗེས་བསྣུན་པའི་ཤིང་ལ་སོར་དྲུག་པའི་རྡོ་རྗེ་རྩེ་མོ་ལྔ་པ་བྱས་ཏེ་དྲི་དང་། མེ་ཏོག་གིས་མཆོད་ལ་ཇི་ལྟར་འབྱོར་པའི་མཆོད་པ་དང་། གཏོར་མ་བྱས་ཏེ་ཨ་ཤྭཏྠའི་འདབ་མ་བཞིའི་སྟེང་དུ་བཞག་ལ། ལོ་མ་གསུམ་གྱིས་དགབ་པར་བྱའོ། །ལག་པ་གཡོན་པའི་མཐིལ་དུ་དུར་
D744.094.0252a06.01ཁྲོད་ཀྱི་སོལ་བས་རྡོ་རྗེ་བྲིས་ལ་ལག་པ་དེས་བཀབ་སྟེ། དེ་ཉིད་ཇི་སྲིད་ས་མི་འགུལ་བ་དེ་སྲིད་ཀྱི་བར་དུ་བཟླས་པས་དེ་ནས་འགྲུབ་པར་འགྱུར་རོ། །རྡོ་རྗེ་དེ་ཉིད་ལག་པར་བཟུང་བས་བུ་ག་ཐམས་ཅད་ཀྱི་འཁྲུལ་འཁོར་འཇོམས་པར་བྱེད་དོ། །འདི་ནི་བཅོམ་ལྡན་འདས་རྡོ་རྗེ་འཛིན་པས་
D744.094.0252a07.01