完整藏文原文 · 德格版页 当前仅加载第 94 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་བོ། །དེ་ནས་གདོང་བཅིངས་པ་བཀྲོལ་ལ་དབང་བསྐུར་བ་དེ་ལ་སྐྱེས་བུ་དཔའ་བོས་དཀྱིལ་འཁོར་བསྟན་པར་བྱའོ། །ལྷ་མ་ཡིན་གྱི་དབང་པོ་རྣམས་ཀྱི་གནས་དང་། མཚོན་ཆ་དང་། དངུལ་ཆུ་དང་། བཅུད་ལེན་དང་། བུད་མེད་ཀྱི་ཚོགས་དང་། གྲུབ་པའི་རྫས་དང་དེ་དག་གི་
D744.094.0248b01.01དཀྱིལ་འཁོར་མཐོང་ན། ལྷ་དང་ལྷ་མ་ཡིན་གྱི་དམ་ཚིག་གི་ཚོགས་སུ་འགྲོ་བར་འགྱུར་རོ། །སྔོན་དུ་བསྙེན་པ་མ་བྱས་ཀྱང་འཁྲུལ་འཁོར་འཇིག་པར་འགྱུར་རོ། །དེ་དག་གིས་ཉེ་བར་མི་རྩེད་དོ། །ལྷ་མ་ཡིན་ཐམས་ཅད་ཀྱི་ཁང་པ་དང་། དངུལ་ཆུ་དང་། བཅུད་ལེན་དང་། བུད་མེད་དང་།
D744.094.0248b02.01མཚོན་ཆ་དང་། རྒྱན་དང་། སྒྱུ་མ་ལ་སོགས་པའི་འཁྲུལ་འཁོར་རྣམ་པ་སྣ་ཚོགས་པ་དེས་དབང་དུ་འགྱུར་རོ། །སྒྱུ་མས་སྤྲུལ་པའམ། ལྷ་མ་ཡིན་གྱི་སྤྲུལ་པ་རྣམས་སམ། གཞན་ཡང་དྲང་སྲོང་དང་། གྲུབ་པས་རབ་ཏུ་སྦྱར་བའི་འཁྲུལ་འཁོར་ལ་སོགས་པ་ལྟུང་བ་དང་དབང་དུ་བྱེད་
D744.094.0248b03.01ནུས་པར་འགྱུར་རོ། །གང་དག་དཔལ་གྱི་སྒོར་འཇུག་པར་འདོད་ན་སྔོན་དུ་རྡོ་རྗེ་ཁྲོ་བོས་བཟླས་ལ་དཔལ་གྱི་སྒོར་བརྗོད་པ་དང་སྦྱོང་བས་བསྲེག་པ་ལ་སོགས་པ་བྱས་ཏེ། བ་སེར་སྐྱའི་ལྕི་བས་དཀྱིལ་འཁོར་བྱུགས་ལ་གཏོར་མའི་ཆོ་ག་བྱས་ནས་ཁའི་རྣམ་པའི་ཐབ་ཁུང་གི་སྟེང་དུ་ཨ་པ་མཱ་རྒའི་
D744.094.0248b04.01ཡམ་ཤིང་ལ་མེ་སྦར་ལ། ཨ་པ་མཱརྒའི་འབྲས་བུ་སྟོང་ཕྲག་བརྒྱད་སྦྱིན་སྲེག་བྱའོ། །དེས་འཁྲུལ་འཁོར་ཐམས་ཅད་ལྟུང་བར་འགྱུར་རོ། །དེ་ནས་རའི་པགས་པའི་རལ་གུ་གྱོན་ལ་ལག་ཏུ་མཚོན་ཆ་ཐོགས་ཏེ། མར་མེའི་མཆོད་སྡོང་བ་ལང་གི་མའི་པགས་པ་བཅིངས་ལ་ཤལ་མ་ལིའི་
D744.094.0248b05.01དོག་པས་བཀང་སྟེ། ཛྱོ་ཏི་སྨ་ཏིའི་འབྲུ་མར་ལ་སྔགས་འདིས་མེ་སྦར་རོ། །ཨོཾ་དཱུ་པི་དཱུ་པི་པྲ་ཛྭ་ལི་ནི་སྭཱ་ཧཱ། ཡང་ན་བུ་ག་གང་གི་རྣམ་པར་གྱུར་པ་དེའི་ཞག་ལ་སྔགས་འདིས་མེ་སྦར་ཏེ། འཁྲུལ་འཁོར་གྱི་བླ་མ་བཟླའོ། །མུན་པ་མུན་ནག་ཐམས་ཅད་འཇོམས་པར་འགྱུར་རོ། །བདག་
D744.094.0248b06.01དང་ལྷན་ཅིག་སྤྱོད་པ་ཐམས་ཅད་སྨན་གྱིས་ལུས་བྱུག་གོ། །སྨན་ནི་འདི་དག་སྟེ་རྒྱ་སྤོས་དང་། གུར་གུམ་དང་། རུ་རྟ་དང་། སྤང་སྤོས་དང་། སུག་སྨེལ་དང་། མུ་ལི་ཀ་དང་། དཎྜ་ཨུཏྤལ་དང་། སིང་གྷྲི་དང་། བྱཱ་གྷྲི་དང་། ན་མ་སྐ་རི་དང་། ཨ་ནན་ཏ་དང་། ཛ་ཡན་ཏི་དང་། རྨ་བྱའི་
D744.094.0248b07.01