完整藏文原文 · 德格版页 当前仅加载第 91 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་འཚལ། །བསམ་ཆེན་མཁྱེན་ཆེན་ཐེག་ཆེན་པོ། །རྣལ་འབྱོར་ཆེན་པོ་མེས་པོ་ཆེ། །བདེ་སྩོལ་བདེ་མཛད་དགའ་མཛད་ཆེ། །པདྨ་རྒྱས་ཞལ་ཕྱག་འཚལ་ལོ། །ཆོས་མངའ་དོན་མངའ་པདྨ་རྒྱལ། །དག་པ་ཆོས་མངའ་ཆོས་མཆོག་འཛིན། །རྨད་འབྱུང་
D681.091.0276b01.01ཆེན་ལྡན་ཆོས་རབ་འཆང་། །ཆོས་ཀྱི་ཚོགས་ཁྱོད་ཕྱག་འཚལ་ལོ། །སངས་རྒྱས་སེམས་དཔའ་མཆོག་སེམས་དཔའ། །རིན་ཆེན་སེམས་དཔའ་ཆོས་སེམས་དཔའ། །དམ་ཚིག་སེམས་དཔའ་ལས་སེམས་དཔའ། །ཀུན་མཁྱེན་སེམས་དཔའ་ཁྱོད་ཕྱག་
D681.091.0276b02.01འཚལ། །འཇིག་རྟེན་དཔའ་བོ་དཔའ་བོ་མཆོག །རྣམ་པར་གཟིགས་གཙོ་སྐྱོབ་མཛད་ཆེ། །འཇིག་རྟེན་གསལ་མཛད་འཇིག་རྟེན་དོན། །འཇིག་རྟེན་མགོན་པོ་ཕྱག་འཚལ་ལོ། །འཇིག་རྟེན་ཡི་གེ་ཁ་དོག་ཆེ། །ཡི་གེ་ཆེ་མཚུངས་ཡིག་དྲུག་མཆོག །
D681.091.0276b03.01ཡི་གེའི་རང་བཞིན་ཡི་གེ་གཟིགས། །ཡི་གེ་འཁོར་ལོ་ཁྱོད་ཕྱག་འཚལ། །པདྨའི་ཕྱག་རྒྱ་པདྨའི་ལག །ལེགས་སོ་སྦྱིན་མཛད་དབུགས་སྦྱིན་བའོ། །སངས་རྒྱས་ཚོགས་དེ་སངས་རྒྱས་ཆོས། །སངས་རྒྱས་ཆེ་ཁྱོད་ཕྱག་འཚལ་ལོ། །ཚད་མེད་ཆེ་སྐུ་
D681.091.0276b04.01སངས་རྒྱས་སྐུ། །གཟུགས་བཟང་འཆང་ལྡན་རྡོ་རྗེ་གཟུགས། །གཟི་བརྗིད་ཆེ་མཆོག་ཆོས་སྣང་བ། །སྣང་བར་མཛད་ཁྱོད་ཕྱག་འཚལ་ལོ། །གཙོ་མགོན་རྒྱལ་པོ་པདྨའི་དཔལ། །ཆོས་ཀྱི་དཔལ་མགོན་འདྲེན་མཛད་པ། །ཚངས་པའི་མགོན་ཆེན་ཁྱབ་འཇུག་
D681.091.0276b05.01མགོན། །ཚངས་པའི་སྲས་ཁྱོད་ཕྱག་འཚལ་ལོ། །ཆེར་གསལ་གཙོ་བོ་སྣང་པ་མཆོག །འོད་ཆེན་མཛད་པ་རང་གསལ་མཛད། །སྣང་བ་ཆེན་པོ་ཀུན་གསལ་མགོན། །སྣང་བ་ཁྱོད་ལ་ཕྱག་འཚལ་ལོ། །སངས་རྒྱས་སྤྱན་ཅན་སྤྱན་པོ་ཆེ། །ཆོས་ཀྱི་
D681.091.0276b06.01སྤྱན་ཏེ་གཟིགས་པ་ཆེ། །ཏིང་འཛིན་ཆེན་པོ་ཡེ་ཤེས་མཚོ། །རྡོ་རྗེ་སྤྱན་ཁྱོད་ཕྱག་འཚལ་ལོ། །འདྲེན་པའི་གཙོ་བོ་དབང་སྒྱུར་གཙོ། །མཁས་པ་ཆེན་པོ་སངས་རྒྱས་སྲས། །རྒྱལ་ཐབས་མཉེས་པ་ཁྱུ་མཆོག་ཆེ། །སངས་རྒྱས་དཔག་མེད་ཕྱག་འཚལ་ལོ། །དྲག་པོ་
D681.091.0276b07.01