完整藏文原文 · 德格版页 当前仅加载第 91 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་སྐྱོང་བ་བཅུ་པོ་དང་། །རྒྱལ་པོ་ཆེན་པོ་སྡེ་བཞི་པོ། །ཀུན་ཏུ་གྲགས་པའི་ལྷ་ཆེན་རྣམས། །བསྟན་ལ་དགའ་བ་དགོད་པར་བྱ། །འཇིག་རྟེན་འཇིག་རྟེན་འདས་དོན་དུ། །རིགས་བཟང་སྐྱེ་བ་བཞེས་དགོངས་པ། །བསྐལ་པ་བཟང་པོ་འདི་འབྱུང་བའི། །སངས་
D681.091.0255b01.01རྒྱས་སྟོང་ཡང་དགོད་པར་བྱ། །དེ་ལྟར་རྒྱས་པར་སྤྲོས་པ་ནི། །ལྷ་རྣམས་གྲངས་ནི་རྒྱ་ཆེ་བར། །ཆིག་སྟོང་ཉིས་བརྒྱ་བཞི་བཅུ་བདུན། །འཇིག་རྟེན་འཇིག་རྟེན་འདས་པའི་ལྷ། །མགོན་པོ་གདོང་བཅུ་གཅིག་པ་ཡི། །ལྷ་གྲངས་དཀྱིལ་འཁོར་བཀོད་པའོ། །སྤྱན་རས་
D681.091.0255b02.01གཟིགས་ཀྱི་དཀྱིལ་འཁོར་བཅུ། །འཇིག་རྟེན་དབང་གི་དཀྱིལ་འཁོར་ལྔ། །རིག་པའི་ལྷ་མོའི་དཀྱིལ་འཁོར་ལྔ། །རྡོ་རྗེ་ཁྲོ་བོའི་དཀྱིལ་འཁོར་བདུན། །དཀྱིལ་འཁོར་དེ་དག་རེ་རེ་ལ། །སེམས་ཀྱི་དཀྱིལ་འཁོར་ལྷ་མང་སྟེ། །རང་བཞིན་གྱིས་ནི་ཉི་ཤུ་ལྔ། །རྒྱུ་འབྲས་
D681.091.0255b03.01ཚུལ་དུ་རྣམ་པ་དགུ། །ཡེ་ཤེས་ཆ་ལ་ལྔ་ཡིན་ཏེ། །ཆོས་ཉིད་ངོ་བོས་གཅིག་ཏུ་རྒྱལ། །གང་གང་མོས་པ་དེ་དང་དེའི། །དཀྱིལ་འཁོར་རྣམ་པར་སྤྲོ་བ་འམ། །གཅིག་ཏུ་མོས་པའི་སྦྱོར་བ་ཡིས། །བྱང་ཆུབ་རྡོ་རྗེ་མཆོག་ཐོབ་ནས། །ཁམས་གསུམ་རྒྱལ་པོར་ལོངས་
D681.091.0255b04.01སྤྱོད་ཆེ། །ཆོས་ཀྱི་འཁོར་ལོ་བསྐོར་བར་འགྱུར། །གཙང་སྦྲ་ཆེ་ཞིང་དད་སེམས་ཅན། །རྩེ་གཅིག་སྒྲུབ་ལ་ནན་ཏན་སྩོལ། །བློ་བཟང་འགྲོ་ལ་འཇུག་ཅིང་སྤྱོད། །ངག་སྙན་ངང་གིས་ཁྲོ་བ་མེད། །གཡོ་སྒྱུ་འདོད་བརྐམ་གཡེང་བ་མེད། །ལུས་ངག་དལ་ཞིང་ཐོས་པ་མང་། །
D681.091.0255b05.01ང་རྒྱལ་སེར་སྣ་ཆགས་པ་མེད། །གཏོང་ཕོད་སྙིང་རྗེ་དྲག་ལྡན་པས། །སྤྱན་རས་གཟིགས་ལ་གང་དམིགས་ནས། །དེ་ཡི་སྙིང་པོ་རྩ་སྔགས་ལ། །བར་ཆོད་མེད་པས་རབ་བརྗོད་ནས། །གཞན་ལ་ཕན་ཕྱིར་སྨོན་ལམ་བརྗོད། །སྤྱན་རས་གཟིགས་མགོན་ཕྱག་འཚལ་
D681.091.0255b06.01ལོ། །གང་ལ་འཇིགས་པ་བརྒྱད་སྣང་ཚེ། །ཁྲོ་བོ་ཆེན་པོའི་རྫུ་འཕྲུལ་གྱིས། །དེ་དག་མྱུར་དུ་སེལ་བྱེད་ཤོག །སྤྱན་རས་གཟིགས་མགོན་ཕྱག་འཚལ་ལོ། །གང་ལ་ནད་རིམས་གང་བྱུང་ཚེ། །གསོ་དཔྱད་སྨན་དང་སྨན་པར་ནི། །བདག་ཉིད་གྱུར་ནས་མྱུར་སེལ་
D681.091.0255b07.01