完整藏文原文 · 德格版页 当前仅加载第 91 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ར། །བསྲེགས་པས་གློ་ནད་སེལ་བར་བྱེད། །འབྲས་བུ་གསུམ་དང་ཞོ་ཤ་ལྔ། །བསྲེགས་པས་སྙིང་ནད་སེལ་བར་བྱེད། །འུ་སུ་སྦྲང་དང་བྱི་དང་ཀ། །བསྲེགས་པས་མཆིན་པའི་ནད་སེལ་འགྱུར། །མེ་ཏོག་ཁ་དོག་ལྔ་བསྲེགས་ན། །ཕོ་བ་
D681.091.0267b01.01ལ་སོགས་ནང་གྲོལ་ནད། །མ་ལུས་ཐམས་ཅད་ཞི་བར་བྱེད། །ལུས་མཛེས་པ་ཡང་ཐོབ་པར་འགྱུར། །ནོར་འདོད་པས་ནི་སེང་ལྡེང་མེར། །བ་སེར་ཞོ་དང་མར་བསྲེག་བྱ། །གོས་མདོག་གང་དང་གང་འདོད་ལ། །དེ་དང་མཚུངས་པའི་མེ་ཏོག་དང་། །
D681.091.0267b02.01སྲད་བུ་སོར་ནི་བཅུ་གཉིས་པ། །ཤིང་མདོག་དེ་དང་མཐུན་པ་ཡི། །དྲི་ཞིམ་དག་ལ་བསྲེག་པར་བྱ། །རྙེད་འགྱུར་ཐེ་ཚོམ་མི་བྱའོ། །པྲི་ཡང་ཀུ་དང་ཀ་ལིང་ཀ། །པདྨའི་ཟེ་བ་ཡལ་སྡོང་ལ། །བསྲེགས་ཅིང་གསོལ་བ་གདབ་པ་ནི། །གཏེར་གྱི་ལོངས་
D681.091.0267b03.01སྤྱོད་རྒྱས་པར་འགྱུར། །འབྲས་དང་མྱུ་གུའི་འབྲས་བུ་སོགས། །བསྲེག་ན་ལོངས་སྤྱོད་བརྟན་པར་འགྱུར། །དན་ཌོད་པ་ལ་འབྲས་བུ་གསུམ། །བརྒྱ་བསྲེགས་བུ་དང་བུ་མོ་འཕེལ། །འབྲས་ཡོས་འཕེལ་བར་འདོད་པས་ཀྱང་། །སྤྲི་ཀ་ཛ་ཏི་མེ་ཏོག་
D681.091.0267b04.01དཀར། །བ་དཀར་འོ་མ་ཞོ་མར་བཅས། །བསྲེགས་པས་འཁོར་དང་དམག་དཔུང་འཕེལ། །དེ་འབུམ་གྲངས་ཀྱིས་རྒྱལ་སྲིད་འཐོབ། །མངར་གསུམ་བིལ་བའི་འབྲས་བུ་ལ། །འབུམ་གྱིས་རང་ཉིད་རྒྱལ་པོར་འགྱུར། །སྔགས་མཐུ་རྒྱས་པའི་དོན་
D681.091.0267b05.01དུ་ནི། །ནིམ་པའི་ཤིང་ལ་མར་དང་ནི། །ཡུངས་ཀར་དཀར་པོ་སྦྲང་བཅས་ལ། །བརྒྱ་རྩ་བརྒྱད་དུ་བསྲེག་པར་བྱ། །གང་གིས་རྒྱལ་པོ་འཁོར་དང་བཅས། །དབང་དུ་བྱ་བར་འདོད་པ་ཡིས། །ཡུངས་ཀར་རྒྱལ་བའི་ཡུངས་ཀར་བཅས། །རྒྱ་སྲན་
D681.091.0267b06.01དྲུག་ཏུ་བསྲེག་པར་བྱ། །གནོད་སྦྱིན་མོ་རྣམས་དབང་འདོད་ན། །མྱ་ངན་མེད་པའི་ཡམ་ཤིང་ལ། །འབྲས་བུ་གསུམ་དང་གུར་གུམ་ནི། །སྟོང་ཕྲག་གཅིག་ཏུ་བསྲེག་པར་བྱ། །གནོད་སྦྱིན་ཚོགས་དབང་བྱེད་པ་ལ། །འབྲས་བུ་གསུམ་པའི་ཤིང་ལ་
D681.091.0267b07.01