完整藏文原文 · 德格版页 当前仅加载第 91 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
གཟིགས། །འཛུམ་པའི་མདངས་ཀྱིས་པདྨའི་ཞལ། །ས་ཡི་སྙིང་པོ་ལ་གཟིགས་ནས། །ས་ཡི་{གོ་རིམས་,གོ་རིམ་}འདི་གསུངས་སོ། །རིག་པ་འཛིན་པའི་རྟོག་པ་ནི། །གསང་སྔགས་ཐམས་ཅད་ས་བདུན་ཏེ། །གསང་སྔགས་ས་དང་སྔགས་སྦྱར་ས། །རིག་
D681.091.0253a01.01འཆང་ས་དང་རིག་གསལ་ས། །རིག་མཆོག་ས་དང་རིན་ཆེན་ས། །ཕྱག་རྒྱ་ཆེན་པོའི་ས་རྣམས་སོ། །གཙུག་ཏོར་ཆེན་པོའི་སངས་རྒྱས་ས། །གནས་སྐབས་དྲུག་ཏུ་རྒྱལ་བས་གསུངས། །ཀུན་ཏུ་འོད་དང་པདྨའི་སྤྱན། །ཡི་གེ་འཁོར་ལོ་ཚོགས་ཆེན་ས། །རྡོར་འཆང་
D681.091.0253a02.01ཡེ་ཤེས་བླ་མའི་ས། །རྫོགས་སངས་བདེ་བ་ཆེན་པོའི་ས། །སའི་སྙིང་པོས་གསོལ་པ། མགོན་པོ་འཕགས་པ་ཐུགས་རྗེའི་སྤྱན་རས་གཟིགས་དབང་ཕྱུག །བྱིན་བརླབས་ལྕགས་ཀྱུ་ལྟ་བུས་འཁོར་བའི་བཙོན་ར་ནས། །ཀླུ་ཕྱུགས་འབུམ་ཕྲག་དྲངས་ལྟར་དགེ་བ་ཀུན་
D681.091.0253a03.01སློང་གི། །བྱང་ཆུབ་རིན་ཆེན་ས་ལ་འཇོག་མཛད་ངོ་མཚར་ཆེ། །འཕགས་པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ཞེས་བྱ་བ་ལས་བྱིན་རླབས་འབྱུང་བའི་ལེའུ་སྟེ་དྲུག་པའོ།། །།དེ་ནས་ཚངས་པའི་འཇིག་རྟེན་དུ། །རབ་དགའི་
D681.091.0253a04.01ཚུལ་དུ་འཁྲུངས་པའི་ལྷ། །ཏིང་འཛིན་ཡངས་པ་ཞེས་བྱ་བ། །རྟོགས་པ་རྒྱ་ཆེ་ཟབ་པ་ཞིག །འཁོར་དང་བཅས་པ་བཞེངས་བྱས་ཏེ། །མེ་ཏོག་རིན་ཆེན་རིགས་བྱུང་བ། །སྟོན་པའི་ཕྱོགས་སུ་ཆར་བཞིན་ཕབ། །མཁའ་ལ་གདུགས་ཀྱི་བླ་རེ་བཀང་། །འཁོར་དང་
D681.091.0253a05.01བཅས་པས་མགྲིན་གཅིག་ཏུ། །གསང་བསྟོད་ནས་ནི་ཚིག་འདི་གསོལ། །ལག་ན་རྡོ་རྗེ་རྡོ་རྗེ་འཆང་། །རྡོ་རྗེ་ཐེག་པ་བླ་མེད་པའི། །རྡོ་རྗེ་རིག་འཛིན་མཆོག་གྲུབ་པ། །རྡོ་རྗེ་རྣལ་འབྱོར་ལས་བྱུང་ཕྱིར། །བདག་དང་སེམས་ཅན་ཀུན་ཏུ་ཡང་། །དངོས་གྲུབ་འབྱུང་རིམ་བཤད་
D681.091.0253a06.01དུ་གསོལ། །ལ་ལ་སེམས་ནི་གཡེངས་པ་ཡིས། །བླ་མའི་རྒྱུད་དོན་བྲལ་མོད་ཀྱང་། །སྔགས་རྒྱུད་སྡིག་པ་འཆང་བྱེད་འབྱུང་། །སྙན་ཚིག་རྨོངས་རྣམས་ངོ་མཚར་སྐྱེ། །གདམས་ངག་མེད་པས་འགྲོ་བ་བསླུ། །དངོས་གྲུབ་མེད་པས་བསྟན་པ་གཞིག །སྲེད་པས་ལན་ཅིག་
D681.091.0253a07.01