完整藏文原文 · 德格版页 当前仅加载第 91 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
གང་། །འཇམ་ཞིང་ནག་རིས་མེད་པ་ལ། །གུར་གུམ་གིའུ་ཝང་སེན་རྩི་དང་། །ཙནྡན་གྱིས་ནི་ཕྱག་རྒྱ་བྲི། །པདྨ་འདབ་བརྒྱད་མུ་ཁྱུད་བཅས། །འོད་དང་ལྡན་པ་བྲི་བར་བྱ། །དྷ་ར་དྷ་ར་དང་པོ་སྟེ། །གཉིས་པར་དྷི་རི་དྷི་རི་སྤྲོ། །གསུམ་པ་དྷུ་རུ་དྷ་རུ་སྟེ། །ཨིཊྚེ་བིཊྚེ་བཞི་ལྔ་པ། །ཙ་
D681.091.0270b01.01ལེ་ཙ་ལེ་གཉིས་བྲིའོ། །པྲ་ཙ་ལེ་གཉིས་དྲུག་པར་རོ། །ཀུ་སུ་མེ་དང་ཀུ་སུ་མ། །བདུན་པ་བྲིས་ཏེ་བརྒྱད་པ་ལ། །བ་ལེ་ཨི་ལི་མི་ལི་བྲི། ཨོྃ་མི་ཙི་ཏི་ཛ་ལམ་དང་། །སྭཱ་ཧཱ་ར་བཅས་པ་དབུས་སུའོ། །ཕྱག་འཚལ་བཅས་སྔགས་མཐའ་མར་བྲི། །རབ་རྫོགས་སྔགས་ཀྱིས་ལྷར་
D681.091.0270b02.01དམིགས་ནས། །གཙང་མའི་མཆོད་པས་མཆོད་བྱ་སྟེ། །སྔགས་སྟོང་བརྗོད་ནས་ལུས་ལ་གདགས། །འདི་ནི་བསྲུང་བའི་མཆོག་ཏུ་འགྱུར། །ནད་དང་ཡམས་དང་གདོན་རྣམས་དང་། །འཇིགས་པ་བརྒྱད་ལས་སྐྱོབ་པར་ངེས། །རིག་སྔགས་བཟློག་ན་ཁྱད་པར་དུ། །རྡོ་རྗེ་དཀར་པོ་
D681.091.0270b03.01རྩེ་ལྔ་ལ། །འོད་ཀྱི་ར་བ་ཟླུམ་པོ་ཡི། །རི་མོ་གཉིས་དང་བཅས་པ་བྲི། །རྭ་རྣམས་ལ་ནི་ཧཱུྃ་གཉིས་པར། །རིག་སྔགས་བཟློག་དང་བཅས་པ་བྲི། །ལྟེ་བར་ཨོྃ་ཧྲཱིཿསྭཱ་ཧཱའི་བར། །བདག་ཉིད་བསྲུང་ཞེས་བྲི་བར་བྱ། །མུ་ཁྱུད་དང་པོར་བྲི་བར་བྱ། །གཟིགས་དབང་ཡིད་བཞིན་ནོར་སྔགས་སོ། །
D681.091.0270b04.01གཉིས་པར་གདོང་བཅུ་གཅིག་པའི་སྔགས། །གསུམ་པར་པདྨ་གར་དབང་གི། །སྔགས་རྣམས་གཡས་སུ་བསྐོར་བར་བྱ། །གལ་ཏེ་ནད་ཡམས་བཟློག་པ་ལ། །འདབ་བརྒྱད་པདྨ་མུ་ཁྱུད་གསུམ། །སྔོན་ལྟར་ཡི་གེ་བཀོད་པ་ལ། །མུ་ཁྱུད་གཉིས་པར་སྤྱན་གྱི་སྔགས། །གསུམ་པར་
D681.091.0270b05.01རྟེན་འབྲེལ་སྔགས་བྲིས་ནས། །ལུས་སམ་མགུལ་དུ་ཐོགས་པས་ནི། །ནད་རིམས་དང་ནི་ལྷོག་འབྲུམ་སོགས། །རླུང་གིས་རྡུལ་བཞིན་སེལ་བར་འགྱུར། །དེ་ནས་ཚིག་དེ་ཐོས་མ་ཐག །ལྷ་མིན་བུ་མོ་ནད་བདག་མོ། །ས་ཏུ་དེ་བི་ཞེས་བྱ་བ། །བཞེངས་ཏེ་ཐལ་མོ་སྦྱར་བྱས་ཏེ། །
D681.091.0270b06.01བུ་མོ་ཁྲིས་ནི་མགྲིན་གཅིག་ཏུ། །བཅོམ་ལྡན་འདས་ལ་འདི་སྐད་གསོལ། །རྗེ་བཙུན་འགྲོ་བའི་གཉེན་གཅིག་པོ། །མགོན་པོ་སངས་རྒྱས་བཅོམ་ལྡན་འདས། །བདག་གི་སྔགས་འདི་གང་འཛིན་པ། །གལ་ཏེ་འབྲུམ་ནད་བྱུང་ན་ནི། །བདག་ནི་སེམས་ཅན་དམྱལ་བར་འགྲོ། །
D681.091.0270b07.01