完整藏文原文 · 德格版页 当前仅加载第 91 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་འདྲེན་པའི་སྒྲོལ་མ་སོགས། །ཤེས་རབ་སྙིང་རྗེའི་སྐྱ་བ་ཅན། །ཐོས་བསམ་བསྒོམ་པའི་གྲུ་གཟིངས་ཅན། །ལས་ཅན་སྡུག་བསྔལ་ཆུ་སྒྲོལ་བའི། །ཐབས་བརྩོན་ཉན་པ་ཁྱོད་ཕྱག་འཚལ། །བྱང་ཆུབ་ལམ་མཐོང་དཔག་ཡས་ཐུགས། །འགྲོ་རྣམས་ཐར་ལམ་རྟེན་གཟིགས་
D681.091.0250b01.01པ། །དགེ་བརྩོན་དགེ་ལ་བསྐུལ་བའོ། །དགེ་བཅུ་མེད་པ་དག་ལ་སྩོལ། །དམ་ཚིག་སྡོམ་གནས་ངང་ཚུལ་བཟང་། །བག་ཡོད་དབྱངས་མཁས་ལྟུང་བ་མེད། །ཆོས་དོན་གཉེར་བའི་དོན་སྐྱབས་པོ། །སྐྱབས་དང་སྡོམ་གནས་བདག་ལ་སྩོལ། །དཔའ་བརྟན་ཞི་དུལ་སྤྱད་པ་
D681.091.0250b02.01ཡི། །དགའ་སླད་སློབ་དཔོན་འདི་སྐད་བརྗོད། །ཨོྃ་གཏི་མུག་རྣམ་དག་བདེར་གཤེགས་ཐུགས། །རྣམ་པར་སྣང་མཛད་སྐྱབས་སུ་མཆི། །ཞེ་སྡང་རྣམ་དག་རྡོ་རྗེ་ཐུགས། །མི་བསྐྱོད་པ་ལ་སྐྱབས་སུ་མཆི། །སེར་སྣ་རྣམ་དག་ལོངས་སྤྱོད་གཏེར། །རིན་ཆེན་འབྱུང་ལྡན་སྐྱབས་
D681.091.0250b03.01སུ་མཆི། །འདོད་ཆགས་རྣམ་དག་པདྨའི་གསུང་། །འོད་དཔག་མེད་ལ་སྐྱབས་སུ་མཆི། །ཕྲག་དོག་རྣམ་དག་ཕྲིན་ལས་རྒྱལ། །དོན་ཡོད་རྡོ་རྗེ་སྐྱབས་སུ་མཆི། །ཨཱཿགནས་མེད་མཁའ་དང་མཉམ་སྤྱོད་པ། །ཆོས་དབྱིངས་ཆོས་ལ་སྐྱབས་སུ་མཆི། །སྐྱེ་མེད་སྐྱེ་སྣང་ལྟར་
D681.091.0250b04.01གྲུབ་ཆོས། །འཕགས་ལམ་བརྒྱད་ལ་སྐྱབས་སུ་མཆི། །དོན་གཅིག་ཚོགས་ལམ་བཅུ་གཉིས་གྲངས། །གསུང་རབ་ཡན་ལག་སྐྱབས་སུ་མཆི། །རྒྱུ་འབྲས་སྣང་བའི་སོ་སོར་རྟོག །ཉན་ཐོས་དགེ་འདུན་སྐྱབས་སུ་མཆི། །གཅིག་གམ་ཚོགས་སྤྱོད་རྫུ་འཕྲུལ་ཆེ། །རང་
D681.091.0250b05.01རྒྱལ་དགེ་འདུན་སྐྱབས་སུ་མཆི། །སྙིང་རྗེ་ཤེས་རབ་བྱང་ཆུབ་འབྲེལ། །སེམས་ཆེན་ཚོགས་ལ་སྐྱབས་སུ་མཆི། །གསོད་དང་རྐུ་རྫུན་འཁྲིག་སྤྱོད་དང་། །ཚིག་རྩུབ་ཕྲ་མ་ངག་འཁྱལ་དང་། །བརྣབ་སེམས་གནོད་སེམས་ལོག་ལྟ་སྤྱོད། །ཐར་བའི་སྲོག་གཅོད་བཅུ་པོ་སྤོང་། །
D681.091.0250b06.01ཆང་འཐུང་ཏིལ་མར་ཚིར་ལས་དང་། །མགར་དང་རྒྱ་སྐྱེགས་རྩྭ་ཤིང་གཅོད། །སྲོག་ཆགས་ཚོགས་དང་མགོ་ཟླུམ་ཚོང་། །མཐོ་རིས་ལུས་ཀྱི་གགས་ཆེན་སྤོང་། །རྟགས་དང་ཕྱག་རྒྱ་འདྲ་འབག་དང་། །རྟེན་དང་དགེ་འདུན་རྟགས་ཡི་གེ། །བགྲང་ཕྲེང་འཛིན་པའི་ཡོ་བྱད་སོགས། །
D681.091.0250b07.01